ଲାଲ ଆତଙ୍କ; ସୁପରଭାଇରଙ୍କୁ ହତ୍ୟା କଲେ ମାଓବାଦୀ

ମାଲକାନଗିରି:  ମାଲକାନଗିରି ସୀମାନ୍ତରେ ପୁଣି ମାତିଛନ୍ତି ମାଓବାଦୀ। ମାଓବାଦୀ ଆତଙ୍କରେ ପୁଣି ଲାଲ ହୋଇଛି ଓଡ଼ିଶା-ଛତିଶଗଡ଼ ସୀମାନ୍ତ। ଏକ ଠିକା ସଂସ୍ଥାର ସୁପରଭାଇଜରଙ୍କୁ ଲାଲବାହିନୀ ହତ୍ୟା କରିଥିବାର ଅଭିଯୋଗ ହୋଇଛି।  ଏହି ଘଟଣା ଘଟିଛି ଛତିଶଗଡ଼ ନାରାୟଣପୁର ଜିଲ୍ଲା ମୋଡ଼େନାରରେ।

Also Read

ଭାରତରେ ଚାଲିବ ଫ୍ଲାଇଙ୍ଗ କାର୍, ଅକ୍ଟୋବରରେ ହୋଇପାରେ ଲଞ୍ଚ

ସୁନା ଦରରେ ଏତିକି ଟଙ୍କା ହେଲା ହ୍ରାସ: ବିଳମ୍ବ ନକରି ଜଲଦି ହିଁ କିଣିନିଅନ୍ତୁ ସୁନା....ନଚେତ୍‌

ଦୁଷ୍କର୍ମ ଉଦ୍ୟମ କରିଥିବା ଅଭିଯୁକ୍ତଙ୍କୁ ଅଜବ ଦଣ୍ଡ; ୬ ମାସ ପାଇଁ ମାଗଣାରେ ସଫା କରିବେ ଗାଁ ମହିଳାଙ୍କ ଲୁଗା

 ନାରାୟଣପୁର ଜିଲ୍ଲା ମୋଡ଼େନାରରେ  ରାସ୍ତା କାମ ଚାଲିଥିଲା। ମାଓବାଦୀମାନେ ଏହି ରାସ୍ତାକାମକୁ ବିରୋଧ କରୁଥିଲେ।   ଏହାକୁ ବିରୋଧ କରି ମାଓବାଦୀମାନେ ଠିକା ସଂସ୍ଥାର ସୁପରଭାଇଜରଙ୍କୁ ହତ୍ୟା କରିବା ସହିତ  ସଂସ୍ଥାର ୪ଟି ଗାଡ଼ିକୁ ମଧ୍ୟ ଜାଳି ଦେଇଛନ୍ତି।

ହତ୍ୟା ପରେ ଘଟଣାସ୍ଥଳରେ ନକ୍ସଲମାନେ ପୋଷ୍ଟର ଛାଡ଼ି ଯାଇଛନ୍ତି। ରାସ୍ତା କାମକୁ ସମ୍ପୂର୍ଣ୍ଣ ବନ୍ଦ କରିବା ସହ ରାସ୍ତା କାମକୁ ସ୍ଥାନୀୟ ଲୋକ ସହଯୋଗ ନ କରିବାକୁ ପୋଷ୍ଟରରେ ଧମକ ଦିଆଯାଇଛି। ଏହି ହିଂସାକାଣ୍ଡରେ  ଶତାଧିକ ସଶସ୍ତ୍ର ମହିଳା  ଓ ପୁରୁଷ  ନକ୍ସଲ ସାମିଲ ଥିଲେ। ଏହି ଘଟଣାପରେ ପରେ ପୁଲିସ ପକ୍ଷରୁ ସେହି ଅଞ୍ଚଳରେ କମ୍ବିଂ ଅପରେସନକୁ ଜୋରଦାର କରାଯାଇଛି।