Balanga Girl Burn Case: ରହସ୍ୟ ଖୋଲିବ ରୂପା ମୁଦି!

ବଳଙ୍ଗା ଘଟଣାରେ ବଢ଼ୁଛି ସସପେନ୍ସ। ୩ ଦିନରୁ ଅଧିକ ସମୟ ବିତିଲାଣି। ହେଲେ ଏଯାଏଁ ଜଣାପଡ଼ୁନି କିଏ ଜାଳିଦେଲା ୧୫ ବର୍ଷିୟା ନାବାଳିକାଙ୍କୁ। ଏସବୁ ଭିତରେ ଘଟଣାସ୍ଥଳରୁ ମିଳିଛି ଏକ ରୂପା ମୁଦି। ଏହି ମୁଦି କାହାର ? କେମିତି ଘଟଣାସ୍ଥଳକୁ ଆସିଲା ସେ ଦିଗରେ ଚାଲିଛି ତଦନ୍ତ।

ବଳଙ୍ଗା ପୀଡ଼ିତାଙ୍କ କହିବା ଅନୁସାରେ, ୩ ଯୁବକ ନିଆଁ ଲଗାଇ ଦେଇଥିଲେ। ହେଲେ କିଏ ସେହି ତିନି ଦୁର୍ବୃତ୍ତ ଏବଂ କାହିଁକି ନିଆଁ ଲଗାଇଲେ ସେନେଇ ଏଯାଏଁ ରହସ୍ୟ ଉପରୁ ହଟିପାରୁନି ପରଦା। ପୀଡ଼ିତାଙ୍କ ୮ ସଂପର୍କୀୟଙ୍କୁ ସ୍କାନରରେ ରଖି ପୋଲିସ ତଥ୍ୟ ଆଦାୟ କରୁଛି। ଫରେନସିକ୍ ଟିମ୍ ଗାଁରେ ପ୍ରମାଣ ଖୋଜୁଛି। ୩୬୦ ଡିଗ୍ରୀରେ ପୋଲିସ ତଦନ୍ତ କରୁଛି। ପୀଡ଼ିତାଙ୍କ ଘରେ ବ୍ୟବହୃତ କିରୋସିନ ବୋତଲ, ପୀଡ଼ିତାଙ୍କ ବାପାଙ୍କ ବଳଙ୍ଗାରେ ଥିବା ଗ୍ୟାରେଜ ଦୋକାନ ଚାବିକୁ ଜବତ କରି ତଦନ୍ତ ଚଳାଇଛି ପୋଲିସ୍।

ଏସବୁ ଭିତରେ ଘଟଣାସ୍ଥଳରୁ ମିଳିଛି ଏକ ରୂପା ମୁଦି। ତେବେ ଏହି ମୁଦି କାହାର ? କେମିତି ଘଟଣାସ୍ଥଳକୁ ଆସିଲା ? ସେ ଦିଗରେ ଚାଲିଛି ତଦନ୍ତ।