ସହକର୍ମୀ ପତ୍ନୀଙ୍କ ସହ ଅଶ୍ଲୀଳ ଭିଡିଓ କଲେ କନଷ୍ଟେବଳ, ହ୍ୱାଟ୍ସଆପ୍ ଗ୍ରୁପ୍‌ରେ ଛାଡିଲେ

ମହାରାଷ୍ଟ୍ରର ରାଜଧାନୀ ମୁମ୍ବାଇରେ ଜଣେ କନଷ୍ଟେବଳ ଅନ୍ୟ ଜଣେ ପୋଲିସ୍‌ ପତ୍ନୀଙ୍କ ଅଶ୍ଳୀଳ ଭିଡିଓ ଭାଇରାଲ୍‌ କରି ଚାକିରିରୁ ନିଲମ୍ବିତ ହୋଇଛନ୍ତି। ଏହି ଅଶ୍ଳୀଳ ଭିଡିଓ ଶେୟାର କରିଥିବା ବ୍ୟକ୍ତି ନିଜେ ଏଥିରେ ଦେଖାଯାଉଥିବାବେଳେ ମହିଳା ଜଣକ ଅନ୍ୟ ଜଣେ ପୋଲିସ୍ କର୍ମଚାରୀଙ୍କ ପତ୍ନୀ ଥିଲେ ବୋଲି ଜଣାଯାଇଛି। ଲୋକେ ଏହି ଘଟଣା ବିଷୟରେ ଜାଣି ଆଶ୍ଚର୍ଯ୍ୟ ହୋଇଛନ୍ତି।

ମୁମ୍ବାଇ ପୋଲିସରେ କାର୍ଯ୍ୟ କରୁଥିବା ଅଭିଯୁକ୍ତ ଅଭିଜିତ ପରବ ଏହ ହ୍ୱାଟ୍ସଆପ୍ ଗ୍ରୁପ୍ ‘ନୋ ପଲିଟିକାଲ୍ ମେସେଜ୍’ ସହିତ ଜଡିତ ଥିଲେ ଯେଉଁଥିରେ ପ୍ରତିଦିନ ଅଶ୍ଳୀଳ ଭିଡିଓ ଆସୁଥିଲା। ସେହି ଦଳରେ ଅନ୍ୟ ପୋଲିସ କର୍ମଚାରୀ ମଧ୍ୟ ସାମିଲ ହୋଇଥିଲେ। ଡିସେମ୍ବର ୯ ରେ ପରବ ନିଜେ ଏବଂ ସେହି ଗ୍ରୁପ୍‌ରେ ମହିଳାଙ୍କ ଏକ ଅଶ୍ଳୀଳ ଭିଡିଓ ସେୟାର କରିଥିଲେ, ଯାହାକୁ ଗ୍ରୁପ୍‌ରେ ଥିବା ଅନ୍ୟ ପୋଲିସ୍‌ମାନେ ଦେଖିଥିଲେ।

ଭିଡିଓ ଡାଉନ୍‌ଲୋଡ୍ କରିବା ପରେ ଜଣେ ପୋଲିସ୍ କର୍ମୀ ଆଶ୍ଚର୍ଯ୍ୟ ହୋଇଯାଇଥିଲେ, କାରଣ ଅଶ୍ଳୀଳ ଭିଡିଓରେ କନଷ୍ଟେବଳ ପରବଙ୍କ ସହ ଦେଖାଯାଇଥିବା ମହିଳା ଜଣଙ୍କ ତାଙ୍କ ପତ୍ନୀ ହିଁ ଥିଲେ।

ଏହା ପରେ ସେହି ପୋଲିସ କର୍ମୀ ଜଣଙ୍କ ତାଙ୍କ ପତ୍ନୀଙ୍କୁ ପଚରାଉଚରା କରି ହ୍ୱାଟ୍ସଆପ୍ ଗ୍ରୁପରେ ଭିଡିଓ ସେୟାର କରି ତାଙ୍କୁ ବଦନାମ କରିଥିବାରୁ ପରବଙ୍କ ବିରୋଧରେ ଅଭିଯୋଗ ଦାଖଲ କରିବାକୁ କହିଥିଲେ କିନ୍ତୁ ତାଙ୍କ ପତ୍ନୀ ତାହା କରିବାକୁ ମନା କରିଦେଇଥିଲେ। ଏହା ପରେ ପୋଲିସ ଜଣଙ୍କ ପତ୍ନୀଙ୍କ ପରିବାର ସଦସ୍ୟଙ୍କୁ ଡାକି ତାଙ୍କୁ ସତାରାରେ ଥିବା ତାଙ୍କ ବାପ ଘରକୁ ପଠାଇଦେଇଥିଲେ।

ତା’ପରେ ପୋଲିସ କର୍ମଚାରୀ କନଷ୍ଟେବଳ ଅଭିଜିତ୍ ପରବ, ପତ୍ନୀ ଏବଂ ସେହି ମୋବାଇଲ୍ ନମ୍ବର ବିରୋଧରେ ଡିସେମ୍ବର ୯ରେ ଏକ ମାମଲା ରୁଜୁ କରିଥିଲେ। ପ୍ରକାଶଥାଉ ଯେ ‘ନୋ ପଲିଟିକାଲ୍ ମେସେଜ୍’ ଗ୍ରୁପ୍‌ରେ ୧୨୬ ଜଣ ସଦସ୍ୟ ଅଛନ୍ତି।

ଭିଡିଓ ଦ୍ୱାରା ତାଙ୍କ ମାନହାନୀ ହୋଇଛି ବୋଲି ପୋଲିସ କର୍ମୀ ଜଣଙ୍କ ଅଭିଯୋଗ କରିଛି। ଭିଡିଓରେ ଅଶ୍ଳୀଳ ବିଷୟବସ୍ତୁ ହେତୁ, ଇଲେକ୍ଟ୍ରୋନିକ୍ ମାଧ୍ୟମରେ ଅଶ୍ଳୀଳ ଆପତ୍ତିଜନକ ସାମଗ୍ରୀ ଶେୟାର ପାଇଁ ଆଇପିସିର ଧାରା ୨୯୨, ୨୯୩, ସୂଚନା ପ୍ରଯୁକ୍ତିବିଦ୍ୟା ଅଧିନିୟମର ୬୭A ଏବଂ ଆଇପିସିର ଧାରା ୫୦୦ ଅନୁଯାୟୀ ଏକ ମାମଲା ପଞ୍ଜିକୃତ ହୋଇଛି। ପୀଡିତ ପୋଲିସ କର୍ମୀ ମଧ୍ୟ ପରବଙ୍କ ବିରୋଧରେ ମାନହାନି ମକଦ୍ଦମା ଦାଖଲ କରିଛନ୍ତି।

ଏହା ପରେ କନଷ୍ଟେବଳ ପରବଙ୍କୁ ବରିଷ୍ଠ ପୋଲିସ କର୍ମଚାରୀ ନୋଟିସ୍‌ ଜାରି କରିଥିଲେ ଏବଂ ତାଙ୍କ ବିରୋଧରେ ବିଭାଗୀୟ ତଦନ୍ତ ମଧ୍ୟ ଆରମ୍ଭ ହୋଇଥିଲା। ତଦନ୍ତ ଶେଷ ହେବା ପର୍ଯ୍ୟନ୍ତ ତାଙ୍କୁ ନିଲମ୍ବିତ କରାଯାଇଛି। ଅଭିଯୋଗକାରୀଙ୍କ ଦ୍ୱାରା ପଞ୍ଜିକୃତ ହୋଇଥିବା ମାମଲାରେ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି।