Man Stabs Wife: ବିଚ୍ ରାସ୍ତାରେ ସ୍ତ୍ରୀକୁ ଗୋଡେଇ ଗୋଡେଇ ଛୁରାମାଡ଼, ଆଉ ତା ପରେ...

ଦିନ ଦ୍ୱିପ୍ରହରରେ ବିଚ୍ ରାସ୍ତାରେ ଛୁରାମାଡ଼ । ସ୍ତ୍ରୀକୁ ଗୋଡେଇ ଗୋଡେଇ ହାଣିଲା ସ୍ୱାମୀ । ମୟୂରଭଞ୍ଜ ଜିଲ୍ଲା ବାରିପଦା ସହରରେ ଏଭଳି ଲୋମହର୍ଷମକାରୀ ଘଟଣା ଘଟିଛି । ସେଠାରେ ଥିବା MKC ହାଇସ୍କୁଲ ଛକରେ ଏଭଳି ନାରକୀୟ କାଣ୍ଡ ଘଟିଛି । ସ୍ଥାନୀୟଲୋକ ଅଭିଯୁକ୍ତକୁ ଅଟକ ରଖି ପୋଲିସର ଜିମା ଦେଇଛନ୍ତି । ଅଭିଯୁକ୍ତ ଜଣକ ହେଲା ରବୀନ୍ଦ୍ର ଦିଗାଲ । 

ମହିଳାଙ୍କ ପେଟ ଓ ପିଠିରେ ଆଘାତ ଲାଗିଥିବାବେଳେ ଗୁରୁତର ଅବସ୍ଥାରେ ତାଙ୍କୁ ବାରିପଦା ମେଡିକାଲରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି । ପାରିବାରିକ କଳହରୁ ଏପରି ଘଟଣା ଘଟିଥିବା ସନ୍ଦେହ କରାଯାଉଛି । ସାମାନ୍ୟ ବଚସାକୁ କେନ୍ଦ୍ର କରି ହତ୍ୟା ଉଦ୍ୟମ ଭଳି ଘଟଣା ପ୍ରତିଦିନ ସାମନାକୁ ଆସୁଛି । ନିଜ ପରିବାରଲୋକଙ୍କୁ ମଧ୍ୟ ଆକ୍ରମଣ କରିବାକୁ ପଛାଉନାହାନ୍ତି ଅପରାଧୀ । ଗତକାଲି ପୁରୀ ଜିଲ୍ଲା ସଦର ସମଙ୍ଗରାରେ ବୀଭତ୍ସ ହତ୍ୟାକାଣ୍ଡ ଘଟିଥିଲା । ନିଶା ଖାଇବାକୁ ଟଙ୍କା ମାଗିଥିଲା ପୁଅ । ହେଲେ ମାଆ ଟଙ୍କା ନଦେବାରୁ ପୁଅର ଫାଉଡା ଚୋଟରେ ଜୀବନ ଯାଇଛି । 

ଅଧିକ ପଢନ୍ତୁ : ରାକ୍ଷସ ପୁଅର ନାରକୀୟ କାଣ୍ଡ, ନିଶା ଖାଇବାକୁ ଟଙ୍କା ନ ମିଳିବାରୁ...