ବୀଭତ୍ସ ହତ୍ୟାକାଣ୍ଡ : ଶ୍ୱଶୁର ଘରେ ସ୍ତ୍ରୀର ତଣ୍ଟିକାଟି ହତ୍ୟା କଲା ସ୍ୱାମୀ

ଖୋର୍ଦ୍ଧା (ବଳରାମ ଲେଙ୍କା): ଖୋର୍ଦ୍ଧା ଗୁରୁଜଙ୍ଗରେ ଅଭାବନୀୟ ଘଟଣା । ଶ୍ୱଶୁର ଘରେ ସ୍ତ୍ରୀର ତଣ୍ଟିକାଟି ସ୍ୱାମୀ ହତ୍ୟା କରିଥିବା ଅଭିଯୋଗ ହୋଇଛି । ଗତକାଲି ରାତିରେ କାର୍ତ୍ତିକ ପ୍ରଧାନ ଓ ତାଙ୍କ ସ୍ତ୍ରୀ ଇନ୍ଦିରା ପ୍ରିୟଦର୍ଶିନୀଙ୍କ ମଧ୍ୟରେ ବଚସା ହୋଇଥିଲା। ପରେ କୌଣସି କାରଣକୁ ନେଇ କାର୍ତ୍ତିକ ତାଙ୍କ ସ୍ତ୍ରୀକୁ ହତ୍ୟାକରିଥିବା ଅଭିଯୋଗ କରିଛନ୍ତି ପରିବାର ଲୋକେ । ପୋଲିସ ମୃତଦେହ ଜବତ କରି ତଦନ୍ତ କରୁଛି । ଅଭିଯୁକ୍ତ କାର୍ତ୍ତିକ ଘଟଣାସ୍ଥଳରୁ ଫେରାର ହୋଇଯାଇଛି ।

ଗୁରୁଜଙ୍ଗରେ ମୃତ ମହିଳା ଇନ୍ଦିରା ପ୍ରିୟଦର୍ଶିନୀଙ୍କ ବାପ ଘର । ସ୍ୱାମୀଙ୍କ ସହ ସମ୍ପର୍କ ଭଲ ନଥିବାରୁ ସେ ବାପଘରେ ରହୁଥିଲେ । ବିବାହ ପର ଠାରୁ ସେ ବହୁତ କମ୍ ସମୟ ସ୍ୱାମୀଙ୍କ ସହ ରହିଛନ୍ତି । କାର୍ତ୍ତିକ, ଇନ୍ଦିରାଙ୍କୁ ସବୁବେଳେ ସନ୍ଦେହ କରିବା ସହ ମାରଧର କରୁଥିଲେ । ତାଙ୍କ ଉପରେ ଅକଥନୀୟ ଅତ୍ୟାଚାର ଚଳାଇଥିଲେ । ସେଥିପାଇଁ ପରିବାର ଲୋକ ଇନ୍ଦିରାଙ୍କୁ ଘରକୁ ନେଇ ଆସିଥିଲେ । ତେବେ କିଛି ଦିନ ପୂର୍ବରୁ ଅଭିଯୁକ୍ତ ସ୍ୱାମୀ ମଧ୍ୟ ଶ୍ୱଶୁର ଘରକୁ ରହିବାକୁ ଆସିଥିଲା । ଦୀର୍ଘ ଦିନ ଧରି ଉଭୟଙ୍କ ମଧ୍ୟରେ କଳହ ଲାଗି ରହୁଥିଲା । ତେବେ ଗତକାଲି ରାତି କାର୍ତ୍ତିକ ଇନ୍ଦିରାଙ୍କ ତଣ୍ଟି ଚିପି ହତ୍ୟା କରିଥିବା ଅଭିଯୋଗ କରିଛନ୍ତି ତାଙ୍କ ମାମୁଁ ।

Also Read

ରେଭ୍ ପାର୍ଟି ଉପରେ ନଜର ରହିବ କହିଲେ ପୋଲିସ କମିଶନର

ଆସନ୍ତାକାଲି ଭାରତ-ଚୀନ ମଧ୍ୟରେ କମାଣ୍ତର ସ୍ତରୀୟ ବୈଠକ

ବନ୍ଦ ହୋଇଯିବ ମିଲ୍ ! ସୁରତରେ କାମ କରୁଥିବା ପ୍ରବାସୀ ଓଡ଼ିଆ ଛାନିଆଁ  

ଅଭିଯୋଗ ପରେ ଟାଉନ୍ ଥାନା ପୋଲିସ୍ ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ଆସି ପହଞ୍ଚିଥିଲେ । ଆଉ ତା’ପରେ ମୃତଦେହକୁ ଉଦ୍ଧାର କରି ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି । ତେବେ ସ୍ତ୍ରୀକୁ ହତ୍ୟା କରିବା ପରେ ଇନ୍ଦିରାଙ୍କୁ ହତ୍ୟା କରି ଫେରାର ହୋଇଯାଇଛନ୍ତି। ଇନ୍ଦିରାଙ୍କୁ ଏକ ଛୁରୀ କିମ୍ବା ଧାରୁଆ ଅସ୍ତ୍ରରେ ମାରିଥିବା ପ୍ରାଥମିକ ତଦନ୍ତରୁ ଜଣାପଡ଼ିଥିବା କହିଛି ପୋଲିସ୍ ।

OTV is now on Whatsapp

Join and get latest news update delivered to you via whatsapp

Join Now