Viral Video: ହୋଲିରେ ମଦ ଗ୍ଲାସ ଧରି ଡାନ୍ସ କରୁଥିଲେ ପୋଲିସ ବାବୁ

ଥାନାରେ ମଦ ପିଇ ନାଚ କରୁଥିଲେ । ଭାଇରାଲ ହେଲା ଭିଡିଓ । ସସ୍‌ପେଣ୍ଡ ହେଲେ ୫ ପୋଲିସ ଅଧିକାରୀ । ଏଭଳି ଏକ ଖବର ଏବେ ସାମ୍ନାକୁ ଆସିଛି ଝାରଖଣ୍ଡରୁ । ହୋଲି ଅବସରରେ ଥାନାରେ କର୍ମଚାରୀମାନେ ମଦ ପିଇ ନାଚ କରୁଥିଲେ । ଆଉ ସେହି ସମୟର ଭିଡିଓ ବି ରେକର୍ଡିଂ ହେଉଥିଲା ମୋବାଇଲରେ । ଭିଡିଓ ଭାଇରାଲ ହେବା ପରେ ଚାଲିଗଲା ୫ ଜଣଙ୍କ ଚାକିରି ।

ଗତ ୯ ତାରିଖ ଦିନ ଏହି ଭିଡିଓ ସାମ୍ନାକୁ ଆସିଥିଲା । ଏହା ଗୋଡ୍ଡା ଜିଲ୍ଲା ମାହାଗାମା ଥାନାର ବୋଲି ଜଣାପଡ଼ିଛି । ଭିଡିଓ ଭାଇରାଲ ହେବା ପରେ ଏନେଇ ତଦନ୍ତ ଆରମ୍ଭ ହୋଇଥିଲା । ଏଥିରେ ସମ୍ପୃକ୍ତ ଥିବା ୫ ପୋଲିସ କର୍ମଚାରୀଙ୍କୁ ସସ୍‌ପେଣ୍ଡ କରାଗଲା । ଏନେଇ ସ୍ଥାନୀୟ ଏସ୍‌ପି ଏକ ପ୍ରେସ୍‌ ବିବୃତ୍ତି ମାଧ୍ୟମରେ ସୂଚନା ଦେଇଥିଲେ ।

ତେବେ ସସ୍‌ପେଣ୍ଡ ହୋଇଥିବା ପୋଲିସ ଅଧିକାରୀଙ୍କ ମଧ୍ୟରେ ଦୁଇ ଜଣ ଏସ୍‌ଆଇ ଏବଂ ୩ ଜଣ କନଷ୍ଟେବଲ ରହିଛନ୍ତି ।

ଏହି ଘଟଣା ପରେ ଝାରଖଣ୍ଡ ମୁଖ୍ୟମନ୍ତ୍ରୀଙ୍କୁ ବିରୋଧୀ ଟାର୍ଗେଟ କରିଛନ୍ତି । ରାଜ୍ୟରେ ଆଇନ୍‌ ଶୃଙ୍ଖଳା ବିଗିଡ଼ିଥିବା ବିରୋଧୀ କହିଥିବା ବେଳେ ଏହି ରାଜ୍ୟରେ ରକ୍ଷକ ଏବେ ଭକ୍ଷକ ସଜିଥିବା କହିଛନ୍ତି ।

कुछ पुलिसवालों की थाना कैम्पस में यह वल्गर एवं बेपरवाह फूहड़ प्रस्तुति।

रक्षक के रूप में भक्षकों का यह भयावह चेहरा।

सचमुच बारूद के ढ़ेर पर झारखंड को बिठा दिया है सोरेन सल्तनत के एक्सीडेंटल राजकुमार हेमंत ने।

इन्हें जयचंद जैसा याद करेगा आदिवासी समाज और देश।जागो झारखंड के युवा। pic.twitter.com/OAxpohykj5

— Babulal Marandi (@yourBabulal) March 9, 2023