ମା’ଝିଅଙ୍କ ସହ ଡ୍ରାଇଭରର ବଚସା ଭିଡିଓ ଭାଇରାଲ, ଅଭିଯୁକ୍ତର ରାଗ ପାଇଁ ବଳି ପଡ଼ିଲା ଦୁଇ ନିରୀହ ଜୀବନ

ମୃତ୍ୟୁ ପୂର୍ବରୁ ଭିଡିଓ ଭାଇରାଲ୍‌ । ମା’ ଝିଅକୁ ଗାଡ଼ି ମଡ଼ାଇ ହତ୍ୟା କରିବା ପୂର୍ବରୁ ଡ୍ରାଇଭର ସହ ହୋଇଥିବା ବଚସାର ଭିଡିଓ ଏବେ ଭାଇରାଲ ହେଉଛି । ଯାଜପୁର ଜିଲ୍ଲା ଜେନାପୁର ୫୩ ନମ୍ବର ଜାତୀୟ ରାଜପଥର ବରଡା ଛକ ନିକଟରେ ଟ୍ରକ୍ ଚଢାଇ ମାରିଦେବା ପୂର୍ବରୁ ଡ୍ରାଇଭର ଓ ମା, ଝିଅଙ୍କ ମଧ୍ୟରେ ବଚସା ହୋଇଥିଲା । ସାଇଡ୍ ମରାକୁ କେନ୍ଦ୍ର କରି ଡ୍ରାଇଭରଙ୍କ ସହ ହୋଇଥିବା ଏହି ବଚସାର ଭିଡିଓ ଏବେ ସବୁ କଥା ମନେ ପକାଇ ଦେଉଛି ।

ଅନ୍ୟପକ୍ଷରେ ଗାଡ଼ି ଚଢାଇ ହତ୍ୟା ଅଭିଯୋଗ ଘଟଣାରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି । ଟ୍ରକ୍ ଚପାଇ ସୁକିନ୍ଦା ଅଞ୍ଚଳର ଅଶୋକ ଚକ୍ରବର୍ତ୍ତିୀଙ୍କ ୪୭ ବର୍ଷିୟା ପତ୍ନୀ ଶ୍ରୀତିକା ଚକ୍ରବର୍ତ୍ତି ଏବଂ ୨୪ ବର୍ଷିୟା ଝିଅ ଲିପିକାଙ୍କୁ ହତ୍ୟା କରାଯାଇଥିଲା । ବାପାଙ୍କ ଶୁଦ୍ଧିକ୍ରିୟା ସାରି ଶୋକସନ୍ତପ୍ତ ଅବସ୍ଥାରେ ଘରକୁ ଫେରୁଥିଲେ ମାଆଝିଅ । ଏନ୍ଏଚ୍ ୫୩ ଆରୁହା ଛକରେ ଗାଡି ସାଇଡ ମରାକୁ ନେଇ ଡ୍ରାଇଭର ଅମର ସ୍ୱାଇଁ ସହ ଶ୍ରୀତିକା ଓ ଲିପିକାଙ୍କ ପାଟିତୁଣ୍ଡ ହୋଇଥିଲା ।

ବହୁଚର୍ଚ୍ଚିତ ଯାଜପୁର ଟ୍ରକ ଚଢାଇ ହତ୍ୟା କରିବା ଘଟଣା ପୂର୍ବରୁ ଏମିତି ଥିଲା ମା' ଝିଅଙ୍କ ସହ ଟ୍ରକ ଡ୍ରାଇଭରର ଝଗଡା #OTV#Odisha#Jajpurpic.twitter.com/N9TGiWvCYx

— ଓଟିଭି (@otvkhabar) August 19, 2022

ପରେ ଶ୍ରୀତିକା ଓ ଝିଅ ଲିପିକାଙ୍କୁ ଟ୍ରକ୍ ମଡ଼ାଇ ବରଡ଼ା ଛକରେ ମାରିଦେଇଥିଲା ଅଭିଯୁକ୍ତ । ପ୍ରଥମେ ଏହାକୁ ଦୁର୍ଘଟଣା ବୋଲି କୁହାଯାଉଥିଲା ବେଳେ ପୋଲିସ ତଦନ୍ତ ପରେ ସତ ସାମ୍ନାକୁ ଆସିଥିଲା ।