ମାନିବାକୁ ପଡ଼ିବ ଏମାନଙ୍କ ବୁଦ୍ଧି ! ସମୁଦ୍ର ଦେଇ ୨୦ କୋଟିର ସୁନା ଚୋରା ଚାଲାଣ କରୁଥିଲେ, ଧରାପଡ଼ିଗଲେ...

ସୁନା ଚୋରା ଚାଲାଣ ନେଇ ଲୋକମାନେ ବିଭିନ୍ନ ଉପାୟ ଆପଣାଉଛନ୍ତି। ଏବେ ସମୁଦ୍ର ପଥ ଦେଇ ସୁନା ଚୋରା ଚାଲାଣ ଘଟଣା ସାମ୍ନାକୁ ଆସିଛି। ସମୁଦ୍ର ପଥରେ ଶ୍ରୀଲଙ୍କାରୁ ଭାରତକୁ ସୁନା ଚୋରା ଚାଲାଣର ମହାଖୁଲାସା ହୋଇଛି। ମାଛଧରା ଡଙ୍ଗାରୁ ୩୨ କେଜି ୬ ଶହ ଗ୍ରାମର ସୁନା ମିଳିଛି। ଯାହାର ଆନୁମାନିକ ମୂଲ୍ୟ ୨୦ କୋଟି  ଟଙ୍କାରୁ ଅଧିକ ହେବ ବୋଲି ଜଣାପଡ଼ିଛି।

ପାଣି ଭିତରେ ଝୁଲାଇ ୨ଟି ଡଙ୍ଗାରେ ସୁନା ଚୋରା ଚାଲାଣ କରାଯାଉଥିବା ନେଇ ଭାରତୀୟ ତଟରକ୍ଷୀ ବାହିନୀ ଖୁଲାସା କରିଛି। ତାମିଲନାଡୁର ମନ୍ନାର ଅଞ୍ଚଳରେ ସମୁଦ୍ର ଭିତରୁ ଦୁଇଟି ବୋଟ୍ ଜବତ କରିବା ସହ ବିପୁଳ ପରିମାଣର ସୁନା ଜବତ କରଯାଇଛି।

ଭାରତୀୟ ତଟରକ୍ଷୀ ବାହିନୀ, ସୀମା ଶୁଳ୍କ ବିଭାଗ ପକ୍ଷରୁ ମିଳିତ ଚଢ଼ାଉ ବେଳେ ଏହି ସଫଳତା ମିଳିଛି।