୧୩୮ ଅନଲାଇନ୍ ଜୁଆ ଆପ୍-୯୪ ଲୋନ୍ ଆପ୍ ଉପରେ କେନ୍ଦ୍ର ସରକାରଙ୍କ କାର୍ଯ୍ୟାନୁଷ୍ଠାନ !

ଅନଲାଇନ୍ ଜୁଆ ଆଡ୍ଡା ଓ ଲୋନ ଆପ୍ ଉପରେ କେନ୍ଦ୍ର ସରକାରଙ୍କ ବଡ ଧରଣର କାର୍ଯ୍ୟାନୁଷ୍ଠାନ । ୧୩୮ଟି ଅନଲାଇନ୍ ଜୁଆ ଆପ୍ ଓ ୯୪ଟି ଲୋନ୍ ଆପ୍ ଉପରେ କେନ୍ଦ୍ର ସରକାର ବ୍ୟାନ୍ କରିବାକୁ ଯାଉଛନ୍ତି । ଏହି ଆପ୍ ଗୁଡିକ ଦେଶର ଅଖଣ୍ଡତା ଓ ସାର୍ବଭୌମତ୍ୱ ପ୍ରତି ବିପଦ ସୃଷ୍ଟି କରୁଥିବା ଅଭିଯୋଗ ହୋଇଥିଲା । ଚୀନର ନାଗରିକମାନେ ଏଭଳି ଆପ୍ ତିଆରି କରି ବେଆଇନ ଚାନ୍ଦାଆଦାୟ ସହ ଲୋକମାନଙ୍କୁ ହଇରାଣ କରୁଥିଲେ ବୋଲି ଅଭିଯୋଗ ହୋଇଥିଲା । ଏଭଳି ଆପ୍ 
ଗୁଡିକୁ ତୁରନ୍ତ ବ୍ୟାନ କରିବାକୁ ଓଡିଶା ସମେତ ତେଲେଙ୍ଗାନା ଓ ଉତ୍ତରପ୍ରଦେଶ ସରକାର କେନ୍ଦ୍ରକୁ ଅନୁରୋଧ କରିଥିଲେ ।

ପୂର୍ବରୁ ମଧ୍ୟ ଏଭଳି ହାନୀକାରକ ଚୀନ୍‌ ଆପ୍‌କୁ କେନ୍ଦ୍ର ସରକାର ବ୍ୟାନ କରିଛନ୍ତି । ଏଭଳି ଆପ୍‌ ତିଆରି କରି ଚୀନ୍‌ ଭାରତୀୟଙ୍କ ମୋବାଇଲରୁ ତଥ୍ୟ ଚୋରି କରୁଥିବା ମଧ୍ୟ ଅନେକ ସମୟରେ ଅଭିଯୋଗ ହୋଇଥିଲା ।