IIC’s Husband Creates Drunken Ruckus: ମାତାଲ୍ ସ୍ବାମୀ ପାଇଁ IIC ମାଡାମ୍ ହଟହଟା; ରାତିଅଧରେ ଥାନା ଘେରାଉ କରି ଲୋକଙ୍କ ପ୍ରତିବାଦ...

କଣ୍ଟାବାଞ୍ଜି IIC ରଶ୍ମିତା ବେହେରାଙ୍କ ସ୍ବାମୀଙ୍କ ଦାଦାଗିରି। ମାତାଲ୍ ଅବସ୍ଥାରେ ଲୋକଙ୍କୁ ମାଡ଼ ମାରିଲେ IICଙ୍କ ସ୍ବାମୀ ଅରବିନ୍ଦ ମହାପାତ୍ର। ମାଡ଼ ସହ ଲୋକଙ୍କୁ ଗାଳିଗୁଲଜ କରିଥିବା ଅଭିଯୋଗ ହୋଇଛି । ଗତକାଲି ରାତିରେ ଦେଖିବାକୁ ମିଳିଥିଲା ଆଇଆଇସିଙ୍କ ସ୍ବାମୀଙ୍କ ଉନ୍ମତକାଣ୍ଡ । ବିନାକାରଣରେ ସହର ଭିତରେ ଲୋକଙ୍କୁ ମାଡ଼ ମାରିବା ସହ ଗାଳିଗୁଲଜ କରିଥିଲେ ଅରବିନ୍ଦ।

କେବଳ ସେତିକି ନୁହେଁ, ପୋଲିସ ଗାଡ଼ିକୁ ଡାକି ପାୱାର୍ ମଧ୍ୟ ଦେଖାଇଥିଲେ । ଅରବିନ୍ଦଙ୍କ ଦାଦାଗିରି ଦେଖି ତାତିଥିଲେ ଲୋକେ । ରାତିଅଧରେ ଥାନା ଘେରାଉ କରି ପ୍ରତିବାଦ ଜଣାଇଥିଲେ । ଥାନାରେ SDPO ଓ IIC ମାଡାମଙ୍କୁ ଉତ୍ତ୍ୟକ୍ତ ଲୋକମାନେ ଘେରିଯାଇଥିଲେ । ଶେଷରେ ଲୋକଙ୍କୁ ଭୁଲ୍ ମାଗିଥିଲେ ମାଡାମଙ୍କ ସ୍ବାମୀ। ତେବେ ଅରବିନ୍ଦଙ୍କ ନାଁରେ ମାମଲା ରୁଜୁ ହୋଇନଥିବାରୁ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।