LIVE TV
ଖଣି ମାଲିକ ତଥା କେନ୍ଦୁଝର ଚମ୍ପୁଆର ପୂର୍ବତନ ବିଧାୟକ ଜିତୁ ପଟ୍ଟନାୟକଙ୍କ ଘରେ ପ୍ରବର୍ତ୍ତନ ନିର୍ଦ୍ଦେଶାଳୟ କରୁଥିବା ରେଡ୍ ଶେଷ ହୋଇଛି। ଚଢାଉ ବେଳେ ତାଙ୍କ ଘର ଓ ଅଫିସ୍ରୁ ବହୁ ଗୁରୁତ୍ୱପୂର୍ଣ୍ଣ ନଥିପତ୍ର ଏବଂ ହାର୍ଡ ଡିସ୍କ ଜବତ କରିଛି ଇଡି । ଜିତୁଙ୍କ ବାସଭବନରୁ ୫୫ ଲକ୍ଷ ଟଙ୍କା ଏବଂ ଅଫିସ୍ରୁ ସାଢେ ୧୪ ଲକ୍ଷ ଟଙ୍କା ଜବତ ହୋଇଛି । ସେହିପରି ବିଭିନ୍ନ ବ୍ୟାଙ୍କରେ ଥିବା ଫିକ୍ସଡ ଡିପୋଜିଟ୍ ବାବଦକୁ ୧୩୦ କୋଟି ଟଙ୍କାର ବଣ୍ଡକୁ ଜବତ କରିଛି ଇଡି । ଆସନ୍ତା ୨୨ ତାରିଖ ଦିନ ଭୁବନେଶ୍ୱର ଇଡି ଅଫିସ୍ରେ ହାଜର ହେବାକୁ ଜିତୁ ପଟ୍ଟନାୟକଙ୍କୁ ସମନ କରାଯାଇଛି ।
ମନି ଲଣ୍ଡ୍ରିଂ ମାମଲାରେ ଗତକାଲି ପ୍ରବର୍ତ୍ତନ ନିର୍ଦ୍ଦେଶାଳୟ ଭୁବନେଶ୍ୱରର ୨ଟି ଓ କେନ୍ଦୁଝର ଜିଲ୍ଲା ଯୋଡ଼ାର ୨ଟି ସ୍ଥାନରେ ଚଢ଼ଉ କରିଥିଲା। ଜିତୁ ପଟ୍ଟନାୟକଙ୍କ ଖଣିରୁ ବେଆଇନ ଖଣିଜ କାରବାର ହୋଇଥିବା ନେଇ ଅଭିଯୋଗ ଥିବାରୁ ଏହି ଚଢ଼ଉ କରାଯାଇଥିବା ସୂଚନା ମିଳିଛି।
Also Read
ତେବେ ଏନେଇ ଜିତୁଙ୍କ ପ୍ରତିକ୍ରିୟା ମିଳିଛି । ସେ କହିଛନ୍ତି ଯେ, ‘ଇଡି ମତେ ୨୨ ତାରିଖ ଯାଏଁ ସମୟ ଦେଇଥିଲେ କି ବ୍ୟାଙ୍କର ସମସ୍ତ କାଗଜପତ୍ର ଏକ ଷ୍ଟେଟମେଣ୍ଟ କରି ଦାଖଲ କରିବା ପାଇଁ । ଯେଉଁଥିରେ ଏହା କଳାଟଙ୍କା ନୁହଁ ବୋଲି ସେ ପ୍ରମାଣ କରିବାକୁ କହିଥିଲେ । ମୋ ପାଖରେ ଯାହା ବି ସବୁ ଅଛି ହ୍ୱାଇଟ୍ ମନି, ମୋ ପାଖରେ ସିନା ବ୍ଲାକ୍ ମନି ଥିଲେ ମୁଁ ଡରିଥାନ୍ତି । ମୋତେ ଟାଇମ୍ ଦିଆଯାଉ ଯାହାଦ୍ୱାରା ମୋ ପାଖରେ ଥିବା ବ୍ୟାଙ୍କ୍ ଷ୍ଟେଟମେଣ୍ଟ, ରେକର୍ଡ, ଅଡିଟ୍ ଯାହା ବି ଅଛି, ମୁଁ ନେଇ ଦାଖଲ କରିବି ’।
