murder
ସାଉଦି ଆରବର ଅଲ ଖୋବରରୁ ଏକ ଆଶ୍ଚର୍ଯ୍ୟଜନକ ଓ ଦୁଃଖଦାୟକ ଖବର ସାମ୍ନାକୁ ଆସିଛି। ହାଇଦ୍ରାବାଦର ଟୋଲି ଚୌକି ଅଞ୍ଚଳର ଜଣେ ମହିଳା ପ୍ରଥମେ ତାଙ୍କ ତିନି ପୁଅଙ୍କୁ ନିର୍ମମ ଭାବେ ହତ୍ୟା କରିଛନ୍ତି, ଏବଂ ପରେ ନିଜେ ମଧ୍ୟ ଆତ୍ମହତ୍ୟା କରିବାକୁ ଚେଷ୍ଟା କରିଛନ୍ତି। ଅଭିଯୁକ୍ତ ମହିଳାଙ୍କ ନାମ ସୈୟଦା ହୁମେରା ଅମରୀନ, ଯିଏ ହାଇଦ୍ରାବାଦର ମୋହମ୍ମଦୀ ଲାଇନ୍ସର ବାସିନ୍ଦା।
ଘଟଣା ସମୟରେ ପିତା ଘରେ ନଥିଲେ
ରିପୋର୍ଟ ଅନୁଯାୟୀ ଅଭିଯୁକ୍ତ ସୈୟଦା ହୁମେରା ଅମରୀନ ତାଙ୍କ ପିଲାମାନଙ୍କୁ ଘରେ ଥିବା ବାଥଟବରେ ବୁଡ଼ାଇ ହତ୍ୟା କରିଥିଲେ। ମୃତକମାନଙ୍କ ମଧ୍ୟରେ ତାଙ୍କର ସାତ ବର୍ଷର ଯାଆଁଳା ପୁଅ ସାଦିକ ଅହମଦ ଓ ଆଦିଲ ଅହମଦ, ଏବଂ ସବୁଠାରୁ ଛୋଟ ପୁଅ ୟୁସୁଫ ଅହମଦ ଅଛନ୍ତି। ଘଟଣା ସମୟରେ ପିଲାମାନଙ୍କ ପିତା ମୋହମ୍ମଦ ଶାହାନଓ୍ୱାଜ କାମରେ ଯାଇଥିଲେ। ଯେତେବେଳେ ସେ ଘରକୁ ଫେରିଥିଲେ, ସେ ପିଲାମାନଙ୍କ ଶବ ଦେଖିଥିଲେ। ସେ ତୁରନ୍ତ ସଉଦୀ ଅଧିକାରୀମାନଙ୍କୁ ସୂଚନା ଦେଇଥିଲେ।
ଅଭିଯୁକ୍ତ ମହିଳା ମାନସିକ ସ୍ୱାସ୍ଥ୍ୟ ସମସ୍ୟାରେ ପୀଡ଼ିତ ଥିଲେ
ଯଦିଓ ହତ୍ୟାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ, କିନ୍ତୁ ପାରିବାରିକ ସୂତ୍ରରୁ ଜଣାପଡ଼ିଛି ଯେ ସାଉଦି ଆରବକୁ ଭିଜିଟ ଭିସାରେ ଆସିଥିବା ଏହି ମହିଳା ମାନସିକ ସ୍ୱାସ୍ଥ୍ୟ ସମସ୍ୟା ଓ ଏକୁଟିଆ ରହିବାର ଭାବନାରେ ପୀଡ଼ିତ ଥିଲେ। ରିପୋର୍ଟରୁ ଏହା ମଧ୍ୟ ଜଣାପଡ଼ୁଛି ଯେ ପାରିବାରିକ କଳହ ମଧ୍ୟ ଏହି ଘଟଣାର ପଛର ଅନ୍ୟ କାରଣ ।
ପୁଲିସ ମହିଳାଙ୍କୁ ହେପାଜତରେ ନେଇଛି
ମାମଲା ସାମ୍ନାକୁ ଆସିବା ପରେ ସାଉଦି ପୁଲିସ ତଦନ୍ତ ଆରମ୍ଭ କରିଛି ଏବଂ ଅଭିଯୁକ୍ତ ମହିଳାଙ୍କୁ ହେପାଜତରେ ନେଇଛି। ଏହି ଘଟଣା ସାଉଦି ଆରବ ଓ ହାଇଦ୍ରାବାଦ ଉଭୟ ସ୍ଥାନରେ ହଇଚଇ ସୃଷ୍ଟି କରିଛି।
/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
Follow Us/odishatv-khabar/media/post_attachments/uploadimage/library/16_9/16_9_0/murder_1756454848.jpg)