ଦିଲ୍ଲୀରୁ ଆସିଲା ଛାତିଥରା ବସ୍ ଦୁର୍ଘଟଣାର ଭୟଙ୍କର ଦୃଶ୍ୟ। ଆଜି ଅପରାହ୍ଣ ୨ଟା ୪୨ ମିନିଟରେ ଦିଲ୍ଲୀର ରୋହିଣିରେ ଗୋଟିଏ କାରକୁ ଧକ୍କା ଦେଇଥିଲା DTC ବସ୍। ଗୋଟିଏ ଇ-ରିକ୍ସା ଓ ଏକ କାର ରାସ୍ତାର ଦୁଇ ଲେନରେ ଆସୁଥିବା ସମୟରେ ପଛରୁ ଏକ DTC ବସ୍ ଦ୍ରୁତ ଗତିରେ ଆସି କାରକୁ ପଛପଟୁ ଧକ୍କା ଦେଇ ରାସ୍ତା କଡ଼କୁ ମାଡ଼ି ଆସିଥିଲା। ଫଳରେ କାରଟି ଇ-ରିକ୍ସାକୁ ବି ଧକ୍କା ଦେଇଥିଲା। ଉଭୟ କାର୍ ଓ ଇ-ରିକ୍ସା ଭିତରକୁ ଏକ ବାଇକ୍ ବି ପଶି ଆସିଥିଲା।
ଏ ଛାତିଥରା ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ତେବେ ଅନ୍ୟମାନଙ୍କର ଅବସ୍ଥା ଗୁରୁତର ରହିଥିବା ଜଣାପଡ଼ିଛି। ପୂରା ଘଟଣା ସିସିଟିଭିରେ କଏଦ୍ ହୋଇଛି।