Drug Racket Busted: ଯେଉଁ ଝିଅମାନେ ନୂଆ ଆସୁଥିଲେ ସେମାନଙ୍କୁ ମାଗଣାରେ ଦେଉଥିଲେ ଏମଡି ଡ୍ରଗ, ତିଆରି କରିଥିଲେ ବଡ଼ ନେଟୱର୍କ

ଏକ ବଡ ଧରଣର ଡ୍ରଗ ରାକେଟର ଠାବ କରିଛି କ୍ରାଇମବ୍ରାଞ୍ଚ । ଏହି ରାକେଟରେ ଜିମ, କ୍ଲିନିକ, ଏବଂ କଲେଜ କ୍ୟାମ୍ପସଗୁଡ଼ିକ କାମ କରୁଥିଲା । କ୍ରାଇମ ବ୍ରାଞ୍ଚ ଦୁଇ ମୁଖ୍ୟ ଅଭିଯୁକ୍ତ ସୈଫୁଦ୍ଦିନ ଏବଂ ଆଶୁ ଓରଫ ଶାହରୁଖକୁ ଗିରଫ କରିଛି। ଅଭିଯୁକ୍ତମାନେ ସ୍ୱୀକାର କରିଛନ୍ତି ଯେ ଡାକ୍ତରମାନେ ସେମାନଙ୍କୁ ଡିଜାଇନର ଡ୍ରଗ ଏମଡି (ମେଫେଡ୍ରୋନ)କୁ ମାନସିକ ସ୍ୱାସ୍ଥ୍ୟ ଚିକିତ୍ସା ଭାବେ ପ୍ରେସକ୍ରାଇବ କରିବାରେ ସାହାଯ୍ୟ କରୁଥିଲେ । ଆଉ ଜିମ ଟ୍ରେନରମାନେ ଏହାକୁ ଫ୍ୟାଟ-ବର୍ଣ୍ଣିଂ ସପ୍ଲିମେଣ୍ଟ ଭାବେ ପ୍ରଚାର କରୁଥିଲେ।
ଭୋପାଳରେ ଯୁବତୀମାନଙ୍କୁ ବିଶେଷ ଭାବେ ଏଥିରେ ଟାର୍ଗେଟ କରାଯାଉଥିଲା । ସେମାନଙ୍କୁ କୁହାଯାଉଥିଲା ଯେ ଏହି ଡ୍ରଗ ବ୍ୟବହାର କଲେ ସେମାନେ "ପତଳା ଏବଂ ଆତ୍ମବିଶ୍ୱାସୀ" ହେବେ। ଅଭିଯୁକ୍ତ ସୈଫୁଦ୍ଦିନ ଓ ଆଶୁ କେବଳ ଡ୍ରଗ ବିକ୍ରି କରୁ ନଥିଲେ, ନେଟୱର୍କ ମଧ୍ୟ ତିଆରି କରୁଥିଲେ ।
ପୋଲିସର କହିବା ଅନୁଯାୟୀ, ସେମାନେ ଏକ ସିଷ୍ଟମ ତିଆରି କରିଥିଲେ, ଯେଉଁଠାରେ ଡାକ୍ତର, ଜିମ ଟ୍ରେନର, ଏବଂ ପାର୍ଟି ପ୍ରୋମୋଟରମାନେ ଏକତ୍ର କାମ କରି ଯୁବକମାନଙ୍କୁ ନିଶାଗ୍ରସ୍ତ କରୁଥିଲେ । ଫିଟଟ୍ ଏବଂ ଆରୋଗ୍ୟ ରହିବାର ଇଚ୍ଛାକୁ ପୂରଣ କରିବା ପାଇଁ ସେମାନେ ଡ୍ରଗ ଉପରେ ନିର୍ଭର ହୋଇପଡୁଥିଲେ ।
ସେମାନଙ୍କ ପାଖରୁ ପୋଲିସ ୧୫.୧୪ ଗ୍ରାମ ଏମଡି ପାଉଡର, ଏକ ସ୍କୁଟି, ଏବଂ ଏକ ଆଣ୍ଡ୍ରଏଡ ସେଲଫୋନ ଜବତ କରିଛି ।

ଏହି ରାକେଟ ସଂପର୍କରେ ତଦନ୍ତ କରୁ କରୁ ପୋଲିସ ଅନେକ ତଥ୍ୟ ହାସଲ କରିଛି । ଏକ ଭୟାନକ ଇକୋସିଷ୍ଟମ ତିଆରି ହୋଇଥିଲା । ଯେଉଁଠାରେ ଡ୍ରଗଗୁଡ଼ିକୁ ଓଜନ ହ୍ରାସ ସମାଧାନ, ମୁଡ ବୁଷ୍ଟର, ଏବଂ ଏପରିକି ପ୍ରେସକ୍ରିପସନ ଭାବେ ପ୍ରଚାର କରାଯାଉଥିଲା। ଅଭିଯୁକ୍ତମାନେ ଭୋପାଳର ଜିମଗୁଡ଼ିକୁ ନିଶାର ଗେଟୱେ ଭାବେ ପରିଣତ କରିଥିଲେ। ଫିଟନେସ ଚାହୁଁଥିବା ଯୁବକମାନଙ୍କୁ କୁହାଯାଉଥିଲା ଯେ ଏମଡି ପାଉଡର "ଫ୍ୟାଟକୁ ଜୋରରେ ଜାଳିବ" ଏବଂ "ଶକ୍ତି ବୃଦ୍ଧି କରିବ"। ବିଶେଷତଃ ନିଜ ଚେହେରା ପ୍ରତି ସଚେତନ ଯୁବତୀମାନଙ୍କୁ "ପତଳା ଏବଂ ଆତ୍ମବିଶ୍ୱାସୀ" ହେବାର ପ୍ରତିଶ୍ରୁତି ଦିଆଯାଉଥିଲା।
ଡିପ୍ରେସନରେ ଥିବା ଓ ମାନସିକ ରୋଗୀମାନଙ୍କୁ ରାକେଟରେ ଜଡ଼ିତ ଦୁର୍ନୀତିଗ୍ରସ୍ତ ଡାକ୍ତରମାନଙ୍କ ସହାୟତାରେ ଏମଡିକୁ ଔଷଧ ଭାବେ ପ୍ରେସକ୍ରାଇବ କରାଯାଉଥିଲା।
"ଅଭିଯୁକ୍ତମାନେ ଭୋପାଳର ହାଇ-ଏଣ୍ଡ ପାର୍ଟି କ୍ଲବଗୁଡ଼ିକୁ ନିୟମିତ ଏହି ଡ୍ରଗ ସପ୍ଲାଏ କରୁଥିଲେ । ଯେଉଁଠାରେ ସେମାନେ ଝିଅମାନଙ୍କୁ ହନି ଟ୍ରାପ କରୁଥିଲେ । ଏହି ଝିଅମାନଙ୍କୁ ମାଗଣାରେ ଡ୍ରଗ ଦିଆଯାଉଥିଲା, ଏବଂ ବଦଳରେ ସେମାନଙ୍କୁ ନୂଆ ଝିଅଙ୍କୁ ଆଣିବା ଦାୟିତ୍ୱ ଦିଆଯାଉଥିଲା। ନୂଆ ଆଗନ୍ତୁକମାନଙ୍କୁ "ପାର୍ଟି ଆରମ୍ଭ କରିବା" ପାଇଁ ମାଗଣା ଏମଡି ଦିଆଯାଉଥିଲା।

ଏହି ଯୋଜନାଟି ସରଳ କିନ୍ତୁ ଭୟଙ୍କର ଥିଲା । ମାଗଣା ଡ୍ରଗ ଦେଇ ନିଶାଗ୍ରସ୍ତ କରାଯାଉଥିଲା । ପରେ ପ୍ରିମିୟମ ଦରରେ ବିକ୍ରି କରାଯାଉଥିଲା ଏବଂ ସେମାନଙ୍କୁ ସପ୍ଲାଇ ଚେନରେ ନିୟୋଜିତ କରାଯାଉଥିଲା।
ଡ୍ରଗରେ ନିଶାଗ୍ରସ୍ତ ପୁଅମାନଙ୍କୁ କୁହାଯାଉଥିଲା, "ତୁମର ପରବର୍ତ୍ତୀ ଡୋଜ ହାସଲ କର - ଆହୁରି ବ୍ୟବହାରକାରୀ ଆଣ।"
ଏହା ଥିଲା ମଲ୍ଟି-ଲେଭେଲ ମାର୍କେଟିଂ ସହ ନାର୍କୋଟିକ୍ସର ମିଶ୍ରଣ ଥିବା ଏକ ଧ୍ୱଂସାତ୍ମକ ଚେନ-ମାର୍କେଟିଂ ମଡେଲ। ଏହା କେବଳ ଏକ ସ୍ଥାନୀୟ ସପ୍ଲାଇ ଚେନ ନଥିଲା । ଏହା ଥିଲା ସହରରେ ଡ୍ରଗ ଅନୁପ୍ରବେଶର ଏକ ବ୍ଲୁପ୍ରିଣ୍ଟ ।

ଭୋପାଳ ପୋଲିସ ଏନଡିପିଏସ ଆଇନର ଧାରାରେ ଏକ ମାମଲା ରୁଜୁ କରିଛି । ଏଥିରେ ଜଡ଼ିତ ଡାକ୍ତର, ଜିମ ମାଲିକ ଏବଂ କ୍ଲବ ଅପରେଟରମାନଙ୍କୁ ଚିହ୍ନଟ କରିବା ପାଇଁ ଜେରା ଚାଲିଛି।

ଅଧିକ ପଢ଼ନ୍ତୁ: ମୋବାଇଲ ଲୋକେସନରୁ ହେଲେ ଟ୍ରାକ୍‌, ପଚରାଉଚରା କରୁଛି ପୋଲିସ