ସ୍କୁଲ ଯାଉଥିବା ବେଳେ ଦଶମ ଶ୍ରେଣୀ ଛାତ୍ରୀଙ୍କୁ ମରଣାନ୍ତକ ଆକ୍ରମଣ । ସୁବର୍ଣ୍ଣପୁର ଜିଲ୍ଲା ଭଣ୍ଡାର ପଞ୍ଚାୟତର ଚୁଲିମାଳ ଗାଁରୁ ସାମ୍ନାକୁ ଆସିଛି ଏହି ଘଟଣା । ଛାତ୍ରୀ ଜଣକ ହେଲେ ଦଶମ ଶ୍ରେଣୀର ସ୍ୱାଗତିକା ବାଗ ।
ଛାତ୍ରୀଙ୍କ ଅଭିଯୋଗ ଅନୁଯାୟୀ, ସେ ଆାଜି ଭଣ୍ଡାର ହାଇସ୍କୁଲକୁ ଆଡ୍ମିଟ୍ କାର୍ଡ ନେବାକୁ ଯାଉଥିଲା ବେଳେ ତାଙ୍କ ଦାଦାଙ୍କୁ କିଛି ଲୋକ ଆକ୍ରମଣ କରୁଥିବା ଦେଖିଥିଲେ । ଏହା ଦେଖି ସେ ଦାଦାଙ୍କୁ ବଞ୍ଚାଇବାକୁ ଯିବା ବେଳେ ତାଙ୍କୁ ମଧ୍ୟ ଆକ୍ରମଣ ହୋଇଥିଲା । ଆକ୍ରମଣକାରୀଙ୍କ ଠେଙ୍ଗା ମାଡ଼ରେ ଛାତ୍ରୀ ଜଣକ ଗୁରୁତର ଆହତ ହୋଇଥିବାବେଳେ ତାଙ୍କୁ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ଆକ୍ରମଣ କରାଯାଇଥିବାର ସନ୍ଦେହ କରାଯାଉଛି ।