ଗଂଜାମ କବିସୂର୍ଯ୍ୟନଗରରେ ସାପ ଦେଇ ସ୍ତ୍ରୀ ଓ ଝିଅକୁ ହତ୍ୟା ମାମଲା । ସାପୁଆକୁ ଧରିଛି ପୋଲିସ୍ । ସାପୁଆ ବସନ୍ତ ଆଚାର୍ଯ୍ୟଙ୍କୁ ଗିରଫ କରିବା ପରେ କୋର୍ଟରେ ୧୬୪ ଧାରାରେ ବୟାନ ରେକର୍ଡ କରାଯାଇଛି । କବିସୂର୍ଯ୍ୟନଗର JMFCଙ୍କ ନିକଟରେ ଘଟଣାକୁ ନେଇ ବୟାନ ରେକର୍ଡ କରାଯାଇଛି ।
ବସନ୍ତ ହିଁ ଅଭିଯୁକ୍ତ କେ. ଗଣେଶ ପାତ୍ରଙ୍କୁ ସାପ ଦେଇଥିବା ସୂଚନା ମିଳିଛି । ସେପଟେ ଏହି ମାମଲାରେ ଆହୁରି ତଥ୍ୟ ପ୍ରମାଣ ଯୋଗାଡ଼ କରିବାରେ ଲାଗିଛି ପୋଲିସ୍ । କବିସୂର୍ଯ୍ୟନଗର ଅଢ଼େଇବର ଗାଁରେ କେ. ଗଣେଶ ପାତ୍ର ନିଜ ସ୍ତ୍ରୀ ଓ ଝିଅକୁ ସାପ ସହାୟତାରେ ହତ୍ୟା କରିଥିବା ଅଭିଯୋଗ ଆସିଛି ।
ଗତ ଅକ୍ଟୋବର ୭ ତାରିଖରେ ଘରେ ମାଆ ଝିଅଙ୍କ ମୃତଦେହ ମିଳିବା ପରେ ଘଟଣାର ତଦନ୍ତ ଆରମ୍ଭ କରିଥିଲା ପୋଲିସ । ସ୍ତ୍ରୀର ଚରିତ୍ରକୁ ସନ୍ଦେହ କରି ଗଣେଶ ଏହି ହତ୍ୟାକାଣ୍ଡ ଘଟାଇଥିବା ପୋଲିସ କହିଛି । କଳ୍ପନାର ବାହାରେ ଏଭଳି ସାଂଘାତିକ କାଣ୍ଡକୁ ନେଇ ପୁରା ରାଜ୍ୟରେ ହଇଚଇ ।
Also Read
ଅପରପକ୍ଷେ, ସିଡ୍ୟୁଲ୍ ୱାନ୍ ଶ୍ରେଣୀରେ ଆସୁଥିବା ନାଗ ସାପକୁ ଅସ୍ତ୍ର ଭାବେ ବ୍ୟବହାର କରାଯିବା ଏବଂ ସାପକୁ ମାରି ଦିଆଯାଇଥିବା ଖବରକୁ ଗୁରୁତ୍ବର ସହନେଇଛି ବନ୍ୟପ୍ରାଣୀ ବିଭାଗ। ବିଭାଗୀୟ ପିସିସିଏଫ୍ ଘଟଣାର ଟିକିନିଖି ତଦନ୍ତ ପାଇଁ ଡିଏଫ୍ଓଙ୍କୁ ନିର୍ଦ୍ଦେଶ ଦେଇଛନ୍ତି ।