• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Otv Khabar Bureau

ରାଜଧାନୀରେ ବଢ଼ିଚାଲିଛି ହତ୍ୟାକାଣ୍ଡ । ଏବେ ପୁଣି ଏକ ହତ୍ୟା ମାମଲା ସାମ୍ନାକୁ ଆସିଛି । ଭୁବନେଶ୍ୱର ଅଶୋକ ନଗରରୁ ଜଣେ ସିକ୍ୟୁରିଟି ଗାର୍ଡଙ୍କ ରକ୍ତ ଜୁଡୁବୁଡୁ ମୃତଦେହ ଉଦ୍ଧାର ହୋଇଛି । ମୃତକ ଜଣକ ଯାଜପୁର ଜିଲ୍ଲା ମଙ୍ଗଳପୁର ଥାନା ଛଚିନା ଗାଁର ସନ୍ତୋଷ କୁମାର ରାଉତ ହୋଇଥିବା ଜଣାପଡିଛି ।

ସୂଚନା ଅନୁସାରେ, ଗତାକିଲ ସନ୍ତୋଷ ଅଶୋକା ମାର୍କେଟରେ ଡ୍ୟୁଟି କରୁଥିଲେ । ରାତିରେ ଡ୍ୟୁଟି ସରିବା ପରେ ତାଙ୍କ ସାଙ୍ଗ ତାଙ୍କୁ ଖାଇବାକୁ ଡାକିଥିଲେ ହେଲେ ସେ ଯିବେ ବୋଲି କହି ଥିଲେ ହେଲେ ଯାଇନଥିଲେ । କିଛି ସମୟ ପରେ ସଥୀ ସିକ୍ୟୁରିଟି ଗାର୍ଡ ଦେଖିବା ବେଳକୁ ସେ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିଲେ । ସଙ୍ଗେ ସଙ୍ଗେ ସାଥୀ ସେକ୍ୟୁରିଟି ତାଙ୍କୁ ମେଡିକାଲକୁ ସ୍ଥାନାନ୍ତର କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ପୋଲିସ ମୃଦଦେହକୁ ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଜାରି ରଖିଛି ।

ସେହିପରି ଗତକାଲି ମଧ୍ୟ ରାଜଧାନୀରେ ପୁଣି ଏକ ହତ୍ୟାକାଣ୍ଡ ଘଟିଥିଲା । ଭୁବନେଶ୍ୱର ସହିଦନଗର ଥାନା ବାସୁଆଘାଇରେ ସ୍ୱାମୀ ତାର ସ୍ତ୍ରୀକୁ ପିଟିପିଟି ହତ୍ୟା କରିଥିଲା । ଏହି ଘଟଣାରେ ଅଭିଯୁକ୍ତ ସ୍ୱାମୀକୁ ପୋଲିସ ଗିରଫ କରିଛି । ପାରିବାରିକ କଳହକୁ ନେଇ ଅଭିଯୁକ୍ତ ନିଜ ସ୍ତ୍ରୀକୁ କାହିକିଁ ପିଟିପିଟି ନୃଶଂସ ଭାବେ ହତ୍ୟା କରିଥିବାର ଜଣାପଡିଛି ।