ପାଟ୍ରୋଲିଂ ବେଳେ ଶିକାରୀ ଗୁଳିରେ ବନ କର୍ମଚାରୀଙ୍କ ମୃତ୍ୟୁ

ପାଟ୍ରୋଲିଂ ବେଳେ ଶିକାରୀ ଗୁଳିରେ ବନ କର୍ମଚାରୀଙ୍କ ମୃତ୍ୟୁ ହୋଇଛି । ଏପରି ଘଟଣା ଉତ୍ତର ଶିମିଳିପାଳର ବଡ଼ର ଅଞ୍ଚଳରୁ ସାମ୍ନାକୁ ଆସିଛି । ଆଜି ଉତ୍ତର ଶିମିଳିପାଳ ବନ୍ୟପ୍ରାଣୀ ବନଖଣ୍ଡର ବଡ଼ର ଅଞ୍ଚଳର କଳସିବେଡା, ବାଉଁଶଖୋଲ ଅଞ୍ଚଳରେ ପେଟ୍ରୋଲିଂ କରୁଥିବା ବେଳେ ଶିକାରୀ ଗୁଳିରେ ଜଣେ ବନ କର୍ମଚାରୀଙ୍କ ମୃତ୍ୟୁ ହୋଇଛି। ମୃତ ଫୋରେଷ୍ଟ ଗାର୍ଡ ଜଣକ ହେଉଛନ୍ତି ନଅଣାରେଞ୍ଜର କାର୍ଯ୍ୟରତ ବିମଲ କୁମାର ଜେନା । ଆଜି ସନ୍ଧ୍ୟା ସମୟରେ କିଛି ଶିକାରୀ ଶିମିଳିପାଳ ଅଭୟାରଣ୍ୟକୁ ପ୍ରବେଶ କରିଥିବା ଖବର ପାଇ କିଛି କର୍ମଚାରୀ ପାଟ୍ରୋଲିଂ କରୁଥିଲେ ।

ସେହି ସମୟରେ ଶିକାରୀମାନଙ୍କ ସହିତ ମୁହାଁମୁହିଁ ହେବାରୁ ଶିକାରୀମାନେ ଆଖିବୁଜା ଗୁଳି ଚାଳନା କରିଥିଲେ, ଆଉ ଏଇ ଗୁଳି ବିନିମୟରେ ନଅଣା ରେଞ୍ଜର ବନ କର୍ମଚାରୀ ବିଲମ କୁମାର ଜେନାଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ଏନେଇ ଖବର ପାଇବାପରେ ଉତ୍ତର ଶିମିଳିପାଳର ବନକର୍ମଚାରୀ ଏବଂ ଦକ୍ଷିଣ ଶିମିଳିପାଳର ବନ କର୍ମଚାରୀ ମୃତ୍ୟୁଦେହକୁ ଉଦ୍ଧାର କରି ବାରିପଦା PRM ମେଡିକାଲ କଲେଜକୁ ନେଇଛନ୍ତି ।

ତେବେ ବର୍ତ୍ତମାନ ସୁଦ୍ଧା ଗୁଳି ବିନିମୟର ପ୍ରକୃତ ଘଟଣା ଜଣାପଡିନଥିଲେ ବି ବନ୍ୟଜନ୍ତୁ ଶିକାର କରିବା ପାଇଁ ଆସିଥିବା ଶିକାରୀଙ୍କ ଗୁଳିରେ ବନ କର୍ମଚାରୀର ମୃତ୍ୟୁ ହଇଥିବା କୁହାଯାଉଛି । ମୃତ ବନ କର୍ମଚାରୀଙ୍କ ବାମ ଛାତିରେ ଗୁଳି ବାଜିଥିବା ସ୍ପଷ୍ଟ ଦେଖାଯାଉଛି । ତେବେ ଏନେଇ ବିଭାଗ ପକ୍ଷରୁ କୌଣସି ସ୍ପଷ୍ଟ ସୂଚନା ପ୍ରଦାନ କରାଯାଇ ନଥିଲେ ବି ବନ କର୍ମଚାରୀଙ୍କ ମୃତ୍ୟୁ ହଇଥିବା କୁହାଯାଉଛି ।