ତାଳଚେର ବିଧାୟକଙ୍କ ଅଫିସ୍ ପରିସରରୁ ମିଳିଲା ବୋମା

ବିଧାୟକଙ୍କ ଅଫିସ୍ ପରିସରରେ ବୋମା ! ତାଳଚେର ବିଧାୟକଙ୍କ ଅଫିସ୍ ପରିସରରେ ବୋମା ପଡ଼ିଥିବା ସନ୍ଦେହ କରାଯାଇଛି । ନନ୍ଦିରା ସ୍ଥିତ ଅଫିସ୍ ପରିସରରରେ ଗୋଟିଏ ବୋମା ପଡ଼ିଥିବା ଦେଖିବାକୁ ମିଳିଛି । ତେବେ ଏହି ବୋମା କେଉଁଠୁ ଆସିଲା ଓ କିଏ ରଖିଥିଲା ତାହା ଏଯାଏଁ ସ୍ପଷ୍ଟ ହୋଇନି । ଖବର ପାଇ ଘଟଣାସ୍ଥଳରେ କୋଲିୟରୀ ପୋଲିସ ପହଞ୍ଚି ଛାନଭିନ୍ ଆରମ୍ଭ କରିଛି । ତେବେ ବୋମାରେ ଏକ ଘଣ୍ଟା ଲାଗିଥିବା ଦେଖାଯାଇଛି । ଫିଲ୍ମରେ ଦେଖାଯାଇଥିବା ଟାଇମ୍‌ ବମ ଭଳି ଦେଖାଯାଉଛି ଏହି ବୋମା । ତେବେ କେଉଁ ପରିସ୍ଥିତିରେ ଏହି ବୋମା ଏଠାକୁ ଆସିଲା ତାକୁ ନେଇ ଏବେ ଖୁବ୍‌ ଚର୍ଚ୍ଚା । ଅନ୍ୟପଟେ କିଛି କୁଚକ୍ରୀ ବ୍ୟକ୍ତି ଏହି ବୋମା ପକାଇ ଥାଇପାରନ୍ତି ବୋଲି ବିଧାୟକ ସନ୍ଦେହ ପ୍ରକାଶ କରିଛନ୍ତି ।