ନାବାଳକର ‘ବଦଲାପୁର’ : ବାପାଙ୍କୁ ମାଡ଼ ମାରିଥିବା ବ୍ୟକ୍ତିଙ୍କୁ ଗୁଳି କରି ପ୍ରତିଶୋଧ ନେଲା ପୁଅ

ଦିଲ୍ଲୀରେ ବଦଲାପୁର ରିପିଟ୍ । ମାଡ଼ ବଦଳରେ ଗୁଳି । ବାପାଙ୍କୁ ମାଡ଼ର ପ୍ରତିଶୋଧ ଗୁଳି ମାଡ଼ କରି ନେଲା ପୁଅ । ରାଜଧାନୀ ଦିଲ୍ଲୀର ଜାହାଙ୍ଗିରପୁରୀ ଅଞ୍ଚଳରେ ଏହି ଘଟଣା ଘଟିଛି । ୭ ମାସ ତଳେ ବାପାଙ୍କୁ ମାଡ଼ ମାରିଥିବା ବ୍ୟକ୍ତିଙ୍କୁ ପଏଣ୍ଟ ବ୍ଲାଙ୍କରୁ ଗୁଳି କରି ଫେରାର ମାରିଛି ନାବାଳକ । ନାବାଳକ ଜଣକ ତିନି ସାଙ୍ଗଙ୍କ ସହିତ ଆସି ଘର ବାହାରେ ବସିଥିବା ଜଣେ ବ୍ୟକ୍ତିଙ୍କ ମୁଣ୍ଡରେ ବନ୍ଧୁକ ଧରି ଗୁଳି ଚଳାଇଥିଲେ । ତେବେ ଗୁଳିଟି ବ୍ୟକ୍ତିଙ୍କ ଆଖିରେ ବାଜିଥିଲା ​​ଏବଂ ସେ ବର୍ତ୍ତମାନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।

#WATCH | Delhi: 4 minor boys apprehended for firing at a man in Jahangirpuri on 15th July. The man has been hospitalised. Case u/s 307 IPC registered. Accused say that the man had beaten up father of one of the minors 7 months back & they had come to take revenge.

(Source: CCTV) pic.twitter.com/Icl2i4x3LN

— ANI (@ANI) July 16, 2022

ଗୁଳିକାଣ୍ଡ ବେଳର ଭିଜୁଆଲ ସିସିଟିଭିରେ କଏଦ ହୋଇଛି । ଗତକାଲି ଏହି ଗୁଳିକାଣ୍ଡ ଘଟିଥିବା କୁହାଯାଉଛି । ଯେଉଁ ବ୍ୟକ୍ତିଙ୍କ ଉପରକୁ ଗୁଳି ହୋଇଛି ତାଙ୍କ ନାମ ଜାଭେଦ୍। ଗୁଳିକାଣ୍ଡ ମାମଲାରେ ୩୦୭ ଦଫାରେ ମାମଲା ରୁଜୁ ହୋଇଛି । ଭିଡିଓରେ ଦେଖିବାକୁ ମିଳୁଛି ନାବଳକା ଜଣକ ତାଙ୍କର ତିନିଜଣ ସାଙ୍ଗଙ୍କ ସହ ରାସ୍ତାରେ ଯାଉଛନ୍ତି । ହେଲେ ହଠାତ୍‌ ସେ ହାତରେ ପିସ୍ତଲ ଧରି ଘର ବାହାରେ ବସିଥିବା ବ୍ୟକ୍ତିଙ୍କ ଆଡକୁ ଯାଇ ଅତି ନିକଟରୁ ଗୁଳି ଚଳାଉଛି । ଆଉ ତା’ପରେ ସମସ୍ତେ ଘଟଣାସ୍ଥଳରୁ ଫେରାର ମାରନ୍ତି ।

ଭିଡିଓ ଭାଇରାଲ ହେବା ପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଚାରି ଅଭିଯୁକ୍ତ ନାବାଳକଙ୍କୁ ଗିରଫ କରାଯାଇଛି । ଏଥି ସହ ଗୁଳି ବିନିମୟରେ ଆହତ ବ୍ୟକ୍ତିଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।