ଏଣିକି ମାସ୍କ ନପିନ୍ଧିଲେ ଜିନିଷ ମନା

ମାସ୍କ ନପିନ୍ଧିଲେ ଜିନିଷ ମନା ମାସ୍କ କଟକଣା କଡ଼ା ପାଇଁ ଆଉ ଏକ ପଦକ୍ଷେପ ନେଇଛି ବିଏମ୍‌ସି । ଏଣିକି ମାସ୍କ ପିନ୍ଧିନଥିଲେ ଗ୍ରାହକଙ୍କୁ ଜିନିଷ ନଦେବା ପାଇଁ ଦୋକାନୀଙ୍କୁ ନିର୍ଦ୍ଦେଶ ଦିଆଯାଇଛି । ଏପରିକି ଦୋକାନ ଆଗରେ ନୋ ମାସ୍କ ନୋ ଏଣ୍ଟ୍ରି, ନୋ ମାସ୍କ ନୋ ଗୁଡ୍ସ ଲେଖିବାକୁ ବିଏମସି ପକ୍ଷରୁ ନିର୍ଦ୍ଦେଶ ଦିଆଯାଇଛି । ସେହିପରି ମାସ୍କ ପିନ୍ଧିନଥିଲେ ତେଲ ନଦେବାକୁ ପେଟ୍ରୋଲ ପମ୍ପ ମାଲିକଙ୍କୁ କୁହାଯାଇଛି ।

ସେହିପରି ଉଭୟ ସରକାରୀ ଏବଂ ବେସରକାରୀ ଅଫିସରେ କର୍ମଚାରୀ ଯେପରି ମାସ୍କ ପିନ୍ଧିବେ ସେନେଇ କର୍ତ୍ତୃପକ୍ଷ ତଦାରଖ କରିବେ । ରାଜଧାନୀ ବାସିନ୍ଦା ଏବଂ ଏଠାକୁ ଆସୁଥିବା ସମସ୍ତେ ମାସ୍କ ପିନ୍ଧିବା ସହ ସାମାଜିକ ଦୂରତ୍ୱ ମାନିବାକୁ ଅନୁରୋଧ କରିଛି ବିଏମ୍‌ସି ।