Trump Announces Tariff: ଟ୍ରମ୍ପଙ୍କ ଟାରିଫ ମାଡ; ରାଷ୍ଟ୍ରୀୟ ସ୍ବାର୍ଥ ରକ୍ଷା ପାଇଁ ଆବଶ୍ୟକୀୟ ପଦକ୍ଷେପ ନେବୁ: ଭାରତର ପ୍ରତିକ୍ରିୟା

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତୀୟ ଦ୍ରବ୍ୟ ଉପରେ ୨୫% ଟାରିଫ ଘୋଷଣା କରିବାର କିଛି ଘଣ୍ଟା ପରେ ପ୍ରତିକ୍ରିୟା ରଖିଛନ୍ତି କେନ୍ଦ୍ର ସରକାର। ବାଣିଜ୍ୟ କାରବାର ଉପରେ ଆମେରିକା ରାଷ୍ଟ୍ରପତିଙ୍କ ନିଷ୍ପତ୍ତିର ପ୍ରଭାବ କିପରି ରହିବ, ସେ ନେଇ ସରକାର ଅନୁଧ୍ୟାନ କରୁଛନ୍ତି।

ଏକ ନ୍ୟାୟପୂର୍ଣ୍ଣ, ସନ୍ତୁଳିତ ଏବଂ ପରସ୍ପର ପ୍ରତି ଥିବା ଲାଭଦାୟୀ ଦ୍ୱିପାକ୍ଷିକ ବାଣିଜ୍ୟ ଚୁକ୍ତି ସମ୍ପାଦନ ପାଇଁ ଭାରତ ଓ ଆମେରିକା କିଛି ମାସ ଧରି ଆଲୋଚନା କରୁଛନ୍ତି। ଆମେ ସେହି ଲକ୍ଷ୍ୟ ପ୍ରତି ପ୍ରତିବଦ୍ଧ ରହିଛୁ। ସରକାର ଆମର କୃଷକ, ଉଦ୍ୟୋଗୀ ଏବଂ ଏମଏସଏମଇମାନଙ୍କର କଲ୍ୟାଣ ସୁରକ୍ଷା ଏବଂ ପ୍ରୋତ୍ସାହନକୁ ଅତ୍ୟନ୍ତ ଗୁରୁତ୍ୱ ଦେଉଛନ୍ତି। ବିଦେଶୀ ଖେଳାଳିମାନଙ୍କ ପାଇଁ ବଜାର ଖୋଲିବା ସହିତ, ଏହା ନିଜ ଦେଶର ଖେଳାଳିମାନଙ୍କର ସ୍ୱାର୍ଥ ସୁରକ୍ଷା ପ୍ରତି ସମ୍ବେଦନଶୀଳ ରହିଛି, ସେଥିପାଇଁ ଏବେ ବ୍ରିଟେନ ସହ ମଧ୍ୟ ମୁକ୍ତ ବାଣିଜ୍ୟ ଚୁକ୍ତି ସ୍ବାକ୍ଷରିତ କରିଛି। ରାଷ୍ଟ୍ରୀୟ ସ୍ୱାର୍ଥ ସୁରକ୍ଷା ପାଇଁ ଯାହା ଆବଶ୍ୟକ, ସେ ଦିଗରେ ଆମେ ସମସ୍ତ ପଦକ୍ଷେପ ନେବୁ।

ସୂଚନାଯୋଗ୍ୟ, ଭାରତର ଟାରିଫ ନୀତିକୁ ଟ୍ରମ୍ପ ପ୍ରଥମ କାର୍ଯ୍ୟକାଳରୁ ବିରୋଧ କରି ଆସୁଥିଲେ। ଆମେରିକା ସାମଗ୍ରୀ ଉପରେ ଭାରତର ଅତ୍ୟଧିକ ଶୁଳ୍କ ଲାଗୁକୁ ନେଇ ଦ୍ବିତୀୟ କାର୍ଯ୍ୟକାଳରେ ମଧ୍ୟ ଟ୍ରମ୍ପ ନୂଆଦିଲ୍ଲୀକୁ ସମାଲୋଚନା କରିଥିଲେ। ଟାରିଫକୁ ନେଇ ଏକାଧିକ ଥର ଉଭୟ ପକ୍ଷଙ୍କ ମଧ୍ୟରେ ବାରମ୍ବାର ଆଲୋଚନା ପରେ ବି ଦୁଇ ପକ୍ଷ ମଧ୍ୟରେ ସବୁଠାରୁ ବଡ଼ ବିବାଦର କାରଣ ହୋଇ ରହିଛି କୃଷି। ଯେଉଁଠାରେ ଭାରତ ତା'ର କୃଷି ଏବଂ ଫାର୍ମ କ୍ଷେତ୍ରକୁ ଆମେରିକା ପାଇଁ ଖୋଲିବାକୁ ଅନିଚ୍ଛୁକ ଥିଲା ଭାରତ। ଯାହା ଆମେରିକାର ଶୁଳ୍କ ବୃଦ୍ଧିର କାରଣ।

ଅଧିକ ପଢନ୍ତୁ: ଭାରତ ଉପରେ ୨୫% ଶୁଳ୍କ ଲଗାଇଲେ ଟ୍ରମ୍ପ; ପ୍ରଭାବିତ ହେବ ୮୭ ବିଲିୟନ ଡଲାର ରପ୍ତାନୀ