ଏସ୍ବିଆଇ ଗ୍ରାହକଙ୍କୁ ବଡ଼ ଝଟକା । ଦେଶର ବୃହତ୍ତମ ପବ୍ଲିକ ସେକ୍ଟର ବ୍ୟାଙ୍କ୍ ଗ୍ରାହକଙ୍କୁ କଲା ନିରାଶ । ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆ (SBI) କିଛି ଡେବିଟ୍ କାର୍ଡରେ ବାର୍ଷିକ ରକ୍ଷଣାବେକ୍ଷଣ ଚାର୍ଜରେ ବଡ଼ ପରିବର୍ତ୍ତନ କରିଛି । ଡେବିଟ୍ କାର୍ଡ ଉପରେ ବର୍ଦ୍ଧିତ ବାର୍ଷିକ ରକ୍ଷଣାବେକ୍ଷଣ ଚାର୍ଜ ୧ ଏପ୍ରିଲ୍ ୨୦୨୪ରୁ କାର୍ଯ୍ୟକାରୀ ହେବ ।
କେଉଁ କାର୍ଡରେ ପରିବର୍ତ୍ତନ ହୋଇଛି ?
Also Read
କ୍ଲାସିକ୍ ଡେବିଟ୍ କାର୍ଡ...
ସୂଚନା ଅନୁଯାୟୀ, କ୍ଲାସିକ୍, ସିଲ୍ଭର୍, ଗ୍ଲୋବାଲ୍ ଓ କଣ୍ଟାକ୍ଟଲେସ୍ ଡେବିଟ୍ କାର୍ଡ ଉପରେ ବାର୍ଷିକ ଶୁଳ୍କ ୨୦୦ ଟଙ୍କା + ଜିଏସ୍ଟିକୁ ବୃଦ୍ଧି କରିଛି । ଏହାପୂର୍ବରୁ ଏହି ଶୁଳ୍କ ୧୨୫ ଟଙ୍କା + ଜିଏସ୍ଟି ଉପରେ ଆଦାୟ କରାଯାଇଥିଲା ।
ୟୁଭୋ ଓ ଅନ୍ୟାନ ଡେବିଟ୍ କାର୍ଡ...
ଏହା ବ୍ୟତୀତ ୟୁଭୋ, ସୁନା, କମ୍ବୋ ଡେବିଟ୍ କାର୍ଡ ଏବଂ ମୋ କାର୍ଡ ଉପରେ ମଧ୍ୟ ଚାର୍ଜ ବୃଦ୍ଧି ହୋଇଛି । ଏହି କାର୍ଡଗୁଡ଼ିକରେ ବାର୍ଷିକ ରକ୍ଷଣାବେକ୍ଷଣ ଚାର୍ଜ ୧୭୫ରୁ ୨୫୦ ଟଙ୍କା + ଜିଏସ୍ଟି ସହିତ ବୃଦ୍ଧି ହୋଇଛି । ଏହାପୂର୍ବରୁ ଏହି ଶୁଳ୍କ ୧୭୫ ଟଙ୍କା + ଜିଏସ୍ଟି ଉପରେ ଆଦାୟ କରାଯାଉଥିଲା ।
ପ୍ଲାଟିନମ୍ ଡେବିଟ୍ କାର୍ଡ...
ଏସ୍ବିଆଇ ପ୍ଲାଟିନମ୍ ଡେବିଟ୍ କାର୍ଡ ଚାର୍ଜକୁ ୨୫୦ + ଜିଏସ୍ଟିରୁ ୩୨୫ ଟଙ୍କା + ଜିଏସ୍ଟିକୁ ବୃଦ୍ଧି କରାଯାଇଛି । ଏହାପୂର୍ବରୁ ଏହି ଶୁଳ୍କ ୨୫୦ ଟଙ୍କା + ଜିଏସ୍ଟି ଉପରେ ଆଦାୟ କରାଯାଇଥିଲା ।
ପ୍ରିମିୟମ୍ ବିଜନେସ୍ ଡେବିଟ୍ କାର୍ଡ...
ଏସ୍ବିଆଇ ପ୍ରିମିୟମ୍ ବିଜନେସ୍ ଡେବିଟ୍ କାର୍ଡର ବାର୍ଷିକ ଚାର୍ଜକୁ ୩୫୦ରୁ ୪୨୫ ଟଙ୍କା + ଜିଏସ୍ଟିକୁ ବୃଦ୍ଧି କରାଯାଇଛି । ଡେବିଟ୍ କାର୍ଡରେ ବାର୍ଷିକ ରକ୍ଷଣାବେକ୍ଷଣ ଚାର୍ଜ ସହିତ ୧୮ ପ୍ରତିଶତ ଜିଏସ୍ଟି ଆଦାୟ କରାଯିବ ।
ଏହି ଚାର୍ଜଗୁଡିକ ୧ ଏପ୍ରିଲ୍ ୨୦୨୪ରୁ ଡେବିଟ୍ କାର୍ଡରେ ଲାଗୁ ହେବ । ଆପଣଙ୍କୁ କହିବୁ ଯେ ବାର୍ଷିକ ଚାର୍ଜ ବ୍ୟତୀତ ଏସ୍ବିଆଇ ଡେବିଟ୍ କାର୍ଡରେ ଅନ୍ୟାନ୍ୟ ଚାର୍ଜ ମଧ୍ୟ ନେଇଥାଏ ।