ଏକ୍ସପ୍ରେସ ଟ୍ରେନ୍ରୁ ହଠାତ୍ ବାହାରିଲା ଧୂଆଁ । ସିକନ୍ଦରାବାଦ୍-ଅଗରତାଲା ଏକ୍ସପ୍ରେସ(Secunderabad-Agartala Express) ବି-୫ ବଗିରୁ ଧୂଆଁ ବାହାରୁଥିବା ଦେଖିବାକୁ ମିଳିଛି । ଆଉ ଏହା ଦେଖିବା ପରେ ଯାତ୍ରୀ ଭୟଭୀତ ହୋଇପଡ଼ିଛନ୍ତି । ବ୍ରହ୍ମପୁର ଷ୍ଟେସନରେ ଧୂଆଁ ବାହାରିବା ଦେଖି ଯାତ୍ରୀମାନେ ଭୟରେ ଓହ୍ଲାଇ ଯାଇଛନ୍ତି ।
ଏବେ ସୁଦ୍ଧା ଧୂଆଁକୁ ନିର୍ବାପିତ କରାଯାଇଥିଲେ ବି ସେଥିରେ ଯିବାକୁ ଯାତ୍ରୀମାନେ ରାଜି ହେଉନାହାନ୍ତି । କରମଣ୍ଡଳ ଦୁର୍ଘଟଣା ମନରୁ ଲିଭିନଥିବା ବେଳେ ପୁଣି ଏପରି ଏକ ଘଟଣା ଯାତ୍ରୀଙ୍କୁ ଭୟଭୀତ କରିପକାଇଛି । ବଗିକୁ ନବଦଳାଇଲେ ଟ୍ରେନ୍ରେ ଯିବୁ ନାହିଁ ବୋଲି ଜିଦ୍ ଧରି ବସିଛନ୍ତି ।
Also Read
ରେଲୱେ ବିଭାଗର ଅଧିକାରୀ କହିଛନ୍ତି, ଏବେ ଆଉ କୌଣସି ଅସୁବିଧା ନାହିଁ । ବର୍ତ୍ତମାନ ଗାଡ଼ି ଛାଡ଼ିବା ପାଇଁ ଷ୍ଟେସନ୍ ମାଷ୍ଟର୍ ଲେଖାଲେଖି କରୁଛନ୍ତି । ଏବେ ଟ୍ରେନ୍ ଛାଡ଼ିବ ବୋଲି ସୂଚନା ମିଳିଛି ।