ଅଜବ ! ହଠାତ୍‌ ମାଡ଼ୁଛି ନିଆଁ, କେତେବେଳେ ଛାତ ଉପରେ ତ କେତେବେଳେ ଜଳି ଯାଉଛି ଲୁଗାପଟା...

ହଠାତ୍‌ ମାଡ଼ି ଯାଉଛି ନିଆଁ, କେତେବେଳେ ଛାତ ଉପରେ ତ କେତେବେଳେ ଜଳି ଯାଉଛି ଲୁଗାପଟା ସହ ଆସବାବପତ୍ର । ଦେଖୁ ଦେଖୁ ଚାରିଆଡ଼େ ବ୍ୟାପି ଯାଉଛି  ନିଆଁ । ଏଭଳି ଅଘଟଣକୁ ନେଇ ଯାଜପୁର ବ୍ଲକ ବାସୁଦେବପୁର ପଞ୍ଚାୟତ ଗୋବିନ୍ଦପୁର ଗ୍ରାମବାସୀ ଆତଙ୍କିତ ଅବସ୍ଥାରେ ଅଛନ୍ତି ।

ସୂଚନା ଅନୁସାରେ, ଗାଁର ଗୋପାଳ ଚନ୍ଦ୍ର ସାହୁ ଓ ଗୋବିନ୍ଦ ଚନ୍ଦ୍ର ସାହୁଙ୍କ ଘରେ ଗତ ଦିନ ହେବ ହେବ ଆକସ୍ମିକ ଭାବେ ନିଆଁ ଲାଗୁଥିବା ଅଭିଯୋଗ ହୋଇଛି। କିଏ କହୁଛନ୍ତି ଏହା ଏକ ଭୈାତିକ କାଣ୍ଡ ତ କିଏ କହୁଛନ୍ତି ଅଲୌକିକ ।

ଫଳରେ ନିଆଁ ଭୟରେ ଲୋକେ ନା ଭଲରେ ଖିଆପିଆ କରିପାରୁଛନ୍ତି ନା ରାତିରେ ଶୋଇ ପାରୁଛନ୍ତି । ଏଭଳି ଅଦ୍ଭୁୁତ ଅଗ୍ନିକାଣ୍ଡକୁ ଦେଖି ଘର ମାଲିକ ଗୁଣିଆର ସହାୟତା ନେଇଛନ୍ତି। ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି । ତେବେ ଅଗ୍ନିକାଣ୍ଡର କାରଣ ସଂପର୍କରେ ଏଯାଏ ସ୍ପଷ୍ଟ ସୂଚନା ମିଳିପାରିନାହିଁ ।