କୁଆଖାଇରେ ଗାଧୋଇବା ବେଳେ ଅଘଟଣ; ୨ ମୃତ, ୨ ନିଖୋଜ

କୁଆଖାଇ ନଦୀରେ ଘଟିଲା ଅଘଟଣ । ନଦୀରେ ବୁଡ଼ି ୨ ମୃତ । ଆଉ ୨ ଜଣ ନିଖୋଜ ହୋଇଯାଇଛନ୍ତି । ବାଲିଅନ୍ତା ଥାନା ଧବଳହାର ନିକଟରେ କିଛି ସମୟ ତଳେ ଏହି ଅଘଟଣ ଘଟିଛି । ଭୁବନେଶ୍ୱରର ୮ ଜଣ ସାଙ୍ଗ ଗାଧୋଇବାକୁ ଯାଇଥିବା ବେଳେ ୪ ଜଣ ବୁଡିଯାଇଛନ୍ତି ।

ସୂଚନାନୁଯୀୟୀ ବୁଡ଼ି ଯାଇଥିବା ୪ ଜଣଙ୍କ ମଧ୍ୟରୁ ୨ ଜଣଙ୍କ ମୃତଦେହ ଉଦ୍ଧାର କରାଯାଇଛି । ମୃତକ ହେଲେ ଆର୍ଯ୍ୟନ ଏବଂ ଅଭିନାଶ। ଆର୍ଯ୍ୟନଙ୍କ ଘର ଜାମସେଦପୁରରେ ଏବଂ ଅଭିନାଶଙ୍କ ଘର କଟକରେ । ନିଖୋଜ ୨ ଜଣ ହେଲେ ବାଲେଶ୍ୱରର ରୋହିତ ଏବଂ ଅନ୍ୟ ଜଣେ କଟକର ପ୍ରତୀକ । ସେମାନଙ୍କୁ ଉଦ୍ଧାର ପାଇଁ ଅଗ୍ନିଶମ ବାହିନୀ ଉଦ୍ୟମ ଜାରି ରଖିଛି । ତେବେ ଅନ୍ଧାର ହୋଇଯାଇଥିବାରୁ ଉଦ୍ଧାର କାର୍ଯ୍ୟରେ ବାଧା ଉପୁଜିଛି ।