ପିକ୍ଅପ୍ ଭ୍ୟାନ୍-ଟ୍ରକ୍ ଧକ୍କାରେ ୧୧ ଜଣଙ୍କ ମୃତ୍ୟୁ ହୋଇଥିବା ବେଳେ ୧୨ ଜଣ ଆହତ ହୋଇଛନ୍ତି। ଗତକାଲି ବିଳମ୍ବିତ ରାତିରେ ଛତିଶଗଡ଼ର ବାଲୋଦାବଜାର-ଭାତପଡ଼ା ଜିଲ୍ଲାରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ମୃତାହତ ସିମ୍ଗା ଅଞ୍ଚଳର ଖିଲୋରା ଗାଁର ବୋଲି ଜଣାପଡ଼ିଛି।
ସୂଚନା ଅନୁସାରେ, ଅର୍ଜୁନି ଅଞ୍ଚଳରେ ଏକ ପାରିବାରିକ କାର୍ଯ୍ୟକ୍ରମରେ ଯୋଗ ଦେଇ ସିଗ୍ମା ଅଞ୍ଚଳର ଖିଲୋରା ଗାଁର ବାସିନ୍ଦା ପିକ୍ଅପ୍ ଭ୍ୟାନ୍ରେ ଘରକୁ ଫେରୁଥିଲେ। ଏହି ସମୟରେ ବାଲୋଦାବଜାର-ଭାତପଡ଼ା ରୋଡ୍ ଖାମରିଆ ଗାଁ ନିକଟରେ ଏକ ଟ୍ରକ୍ ସହ ସେମାନଙ୍କ ଗାଡ଼ି ଧକ୍କା ହୋଇଥିଲା। ଫଳରେ ଘଟଣାସ୍ଥଳରେ ହିଁ ୧୧ ଜଣଙ୍କ ମୃତ୍ୟୁ ହୋଇଥିଲା। ମୃତକଙ୍କ ମଧ୍ୟରେ ୪ ଜଣ ଶିଶୁ ଅଛନ୍ତି। ଏଥିରେ ୧୨ ଜଣ ଆହତ ମଧ୍ୟ ହୋଇଛନ୍ତି।
Also Read
ଖବରପାଇ ପୋଲିସ୍ ଘଟଣାସ୍ଥଳରେ ପହଞ୍ଚି ମୃତାହତଙ୍କୁ ଉଦ୍ଧାର କରିଥିଲା। ଆହତଙ୍କୁ ହସ୍ପିଟାଲ୍ରେ ଭର୍ତ୍ତି କରାଯିବା ସହ ମୃତଦେହ ପୋଷ୍ଟମର୍ଟମ ପାଇଁ ପଠା ଯାଇଛି।