Vande Bharat Sleeper Train: ଅପେକ୍ଷାର ଅନ୍ତ, ବନ୍ଦେ ଭାରତ ସ୍ଲିପର ଟ୍ରେନ୍ ଲଞ୍ଚ ପାଇଁ ପ୍ରସ୍ତୁତ

ଖୁବ୍ ଶୀଘ୍ର ଦେଶବ୍ୟାପୀ ଯାତ୍ରୀଙ୍କ ଅପେକ୍ଷାର ଅନ୍ତ ଘଟିବ, କାରଣ ବନ୍ଦେ ଭାରତ ସ୍ଲିପର ଟ୍ରେନ୍ ଏବେ ଲଞ୍ଚ ପାଇଁ ପ୍ରସ୍ତୁତ ହୋଇଛି। ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଆଉ ଏକ ଟ୍ରେନ୍ ନିୟମିତ ସେବା ପାଇଁ ପ୍ରସ୍ତୁତ ହେବା ପରେ ହିଁ ବନ୍ଦେ ଭାରତ ସ୍ଲିପର ଟ୍ରେନ୍ ଚଳାଚଳ ଆରମ୍ଭ କରିବ।
ବର୍ତ୍ତମାନ, ଶାକୁର ବସ୍ତି କୋଚିଂ ଡିପୋରେ ଗୋଟିଏ ଟ୍ରେନ୍ ସମ୍ପୂର୍ଣ୍ଣ ଭାବରେ ଟ୍ରାଏଲ ଏବଂ ଟେଷ୍ଟିଂରେ ସଫଳ ହୋଇଛି।
ମନ୍ତ୍ରୀ କହିଛନ୍ତି ଯେ ଦ୍ୱିତୀୟ ଟ୍ରେନର ନିର୍ମାଣ କାର୍ଯ୍ୟ ଦ୍ରୁତ ଗତିରେ ଚାଲିଛି ଏବଂ ଏହା ୧୫ ଅକ୍ଟୋବର, ୨୦୨୫ ସୁଦ୍ଧା ପ୍ରସ୍ତୁତ ହୋଇଯିବ ବୋଲି ଆଶା କରାଯାଉଛି। ବୈଷ୍ଣବ ସ୍ପଷ୍ଟ କରିଛନ୍ତି ଯେ ନିରବଚ୍ଛିନ୍ନ ସେବା ଯୋଗାଇ ଦେବା ପାଇଁ ଉଭୟ ଟ୍ରେନ ଏକକାଳୀନ ଆରମ୍ଭ କରାଯିବ। ଏହି କାରଣରୁ ମନ୍ତ୍ରଣାଳୟ ଦ୍ୱିତୀୟ ରେଳ ପାଇଁ ଅପେକ୍ଷା କରିଛି।
ଏହି ଟ୍ରେନ୍ ନୂଆଦିଲ୍ଲୀ ଏବଂ ପାଟନା ମଧ୍ୟରେ ଚାଲିପାରେ ବୋଲି କଳ୍ପନାଜଳ୍ପନା ଚାଲିଛି। ବର୍ଷ ଶେଷରେ ହେବାକୁ ଥିବା ବିହାର ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଏଭଳି ଅନୁମାନ କରାଯାଉଛି। ତେବେ ଏହି ରୁଟ୍‌କୁ ନେଇ ଏପର୍ଯ୍ୟନ୍ତ କୌଣସି ସରକାରୀ ଘୋଷଣା କରାଯାଇ ନାହିଁ।
ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏବଂ ରାଜ୍ୟମନ୍ତ୍ରୀ ରବନୀତ ସିଂହ ବିଟ୍ଟୁ ଗଣମାଧ୍ୟମକୁ କହିଛନ୍ତି ଯେ ପଞ୍ଜାବରେ ରାଜପୁରା-ମୋହାଲି ରେଳ ଲାଇନ ଠାରୁ ଚଣ୍ଡିଗଡ଼କୁ ସବୁଠାରୁ ଛୋଟ ରାସ୍ତା ମିଳିଯିବ। ଏହି ଲାଇନ ୬୬ କିଲୋମିଟର ଦୂରତା କମାଇଦେବ ଏବଂ ରାଜପୁରା-ଅମ୍ବାଲା ରୁଟ୍‌ ଉପରେ ଚାପ ମଧ୍ୟ କମ କରିବ।
ଏହା ପରେ, ଦିଲ୍ଲୀ ଏବଂ ଫିରୋଜପୁର କ୍ୟାଣ୍ଟ୍‌ ମଧ୍ୟରେ ବନ୍ଦେ ଭାରତ ଏକ୍ସପ୍ରେସ ଚଳାଇବା ପାଇଁ ଏକ ପ୍ରସ୍ତାବ ଦିଆଯାଇଛି। ଏହି ଟ୍ରେନ ୪୮୬ କିଲୋମିଟର ଦୂରତାକୁ ୬ ଘଣ୍ଟା ୪୦ ମିନିଟରେ ଅତିକ୍ରମ କରିବ।
ରେଳ ମନ୍ତ୍ରଣାଳୟ ଅନୁଯାୟୀ, ଅମୃତ ଭାରତ ଷ୍ଟେସନ ପ୍ରକଳ୍ପ ଅଧୀନରେ ୩୦ଟି ଷ୍ଟେସନର ପୁନଃବିକଶ କରାଯାଉଛି।
ତେବେ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଦିଲ୍ଲୀ-ଫିରୋଜପୁର ବନ୍ଦେ ଭାରତ ଟ୍ରେନକୁ ଅନୁମୋଦନ କରିବା ପାଇଁ ପ୍ରଧାନମନ୍ତ୍ରୀଙ୍କୁ ଅନୁରୋଧ କରାଯିବ। ସେ ଏହା ମଧ୍ୟ କହିଛନ୍ତି ଯେ ୨୦୧୪ ମସିହାରୁ ୯ଟି ପ୍ରମୁଖ ରେଳ ପ୍ରକଳ୍ପ ସମ୍ପୂର୍ଣ୍ଣ ହୋଇଛି ଏବଂ ଆହୁରି ୭ଟି ଉପରେ କାମ ଚାଲିଛି।

ଅଧିକ ଦେଖିବା ପାଇଁ କ୍ଲିକ୍ କରନ୍ତୁ: