Exam Fear: ପରୀକ୍ଷା ଭୟରେ ଛାତ୍ରମାନେ କଲେ ଏମିତି କାଣ୍ଡ... ମାରିଦେଲେ ପ୍ରିନ୍ସିପାଲଙ୍କୁ!

ଆଗରୁ ଛୋଟ ପିଲାମାନେ ପରୀକ୍ଷାରୁ ବର୍ତ୍ତିବା ପାଇଁ ମିଛରେ "ମୋତେ ଜ୍ୱର ହୋଇଛି" କିମ୍ବା "ମୋ ପେଟ ଯନ୍ତ୍ରଣା ହେଉଛି" ଭଳି ବିଭିନ୍ନ ପ୍ରକାର ବାହାନା ଦେଖାଉଥିଲେ। କିନ୍ତୁ ମଧ୍ୟପ୍ରଦେଶରେ (Madhya Pradesh) ଏକ ଅଜବ ଘଟଣା ସାମନାକୁ ଆସିଛି। ଦୁଇଜଣ ବିସିଏ ଛାତ୍ରକଲେଜର ପ୍ରିନ୍ସିପାଲଙ୍କ ମୃତ୍ୟୁ ହୋଇଥିବା ମିଛ ଖବର ପ୍ରଚାର କରି ଧରା ପଡିଛନ୍ତି।
ଇନ୍ଦୋରର ସରକାରୀ ହୋଲକର ବିଜ୍ଞାନ କଲେଜର ଦୁଇଜଣ ଛାତ୍ର ମୟଙ୍କ କଚ୍ଛୱାଲ ଏବଂ ହିମାଂଶୁ ଜୟସୱାଲ ସେମାନଙ୍କର ପ୍ରିନ୍ସିପାଲ ଡକ୍ଟର ଅନାମିକା ଜୈନଙ୍କ ଏକ ନକଲି ମୃତ୍ୟୁ ନୋଟିସ ତିଆରି କରି ସୋସିଆଲ ମିଡିଆରେ ପ୍ରସାରିତ କରିଥିଲେ ଏବଂ ସେମାନଙ୍କର ପରୀକ୍ଷା ସ୍ଥଗିତ ରଖିବା ପାଇଁ ପ୍ରାଣପଣେ ଚେଷ୍ଟା କରିଥିଲେ। ଏକ ନକଲି କଲେଜ ଲେଟରହେଡରେ ପ୍ରସ୍ତୁତ ଏହି ନକଲି ଚିଠି ଭାଇରାଲ ହୋଇଥିଲା ଯାହା ପ୍ରିନ୍ସିପାଲଙ୍କ ଘରକୁ ଲୋକମାନଙ୍କ ଶୋକବାର୍ତ୍ତା ଜଣାଇବାକୁ ଭିଡ ହେଉଥିଲା।
ପୋଲିସ ରିପୋର୍ଟ ଅନୁଯାୟୀ, ଦୁଇ ତୃତୀୟ ସେମିଷ୍ଟର ବିସିଏ ଛାତ୍ର ଅକ୍ଟୋବର ୧୫ ଏବଂ ୧୬ରେ ହେବାକୁ ଥିବା ପରୀକ୍ଷାକୁ ବନ୍ଦ କରିବା ପାଇଁ ଏହି ଷଡ଼ଯନ୍ତ୍ର କରିଥିଲେ। 
ମଙ୍ଗଳବାର ରାତି ପ୍ରାୟ ୧୦:୧୫ ସମୟରେ, ସେମାନେ "ଗୁରୁତ୍ୱପୂର୍ଣ୍ଣ ସୂଚନା" ଶୀର୍ଷକ ଏକ ବାର୍ତ୍ତା ପ୍ରସାରିତ କରିଥିଲେ ଯେଉଁଥିରେ ଦାବି କରାଯାଇଥିଲା ଯେ "ପ୍ରିନ୍ସିପାଲ୍ ଡକ୍ଟର ଅନାମିକା ଜୈନଙ୍କ ହଠାତ୍ ଦେହାନ୍ତ ଯୋଗୁଁ" କଲେଜର ଅନଲାଇନ୍ ପରୀକ୍ଷା ଏବଂ କ୍ଲାସଗୁଡ଼ିକୁ ସ୍ଥଗିତ ରଖାଯାଇଛି।
ରାତି ୧୦:୩୦ ସୁଦ୍ଧା, ଡକ୍ଟର ଜୈନ ଜଣେ ଚିନ୍ତିତ ଛାତ୍ରଙ୍କଠାରୁ ଏକ ମେସେଜ୍ ପାଇଲେ, "ମ୍ୟାଡାମ୍, ଆପଣ କିପରି ଅଛନ୍ତି? ଆପଣଙ୍କ ମୃତ୍ୟୁ ବିଷୟରେ ମେସେଜ୍ ଭାଇରାଲ୍ ହେଉଛି?" 
ଆଶ୍ଚର୍ଯ୍ୟ ହୋଇ ପ୍ରିନ୍ସିପାଲ୍ ଉତ୍ତର ଦେଲେ, "ମୁଁ ଠିକ୍ ଅଛି, ଏମିତି କେମିତି ହୋଇପାରିବ?" କିଛି ମିନିଟ୍ ମଧ୍ୟରେ, ତାଙ୍କ ଫୋନକୁ ବାରମ୍ବାର ଶୋକବାର୍ତ୍ତା ଜଣାଇବାକୁ କଲ୍ ଆସିଲା। ଅନେକ ପ୍ରଫେସର ମଧ୍ୟ ତାଙ୍କ ବାସଭବନକୁ ଧାଇଁ ଆସିଲେ।
ଡକ୍ଟର ଜୈନ ତୁରନ୍ତ ଭନୱାରକୁଆଁ ଥାନାରେ ଏକ ଏଫଆଇଆର ଦାୟର କରିଥିଲେ। ତଦନ୍ତ ପରେ ଦୁଇ ଅଭିଯୁକ୍ତ ଛାତ୍ରଙ୍କୁ ଚିହ୍ନଟ କରାଯାଇଥିଲା, ସେମାନଙ୍କ ମୋବାଇଲ୍ ଫୋନ୍ ଜବତ କରାଯାଇଥିଲା। ସେମାନଙ୍କ ମଧ୍ୟରୁ ଜଣେ ଧରାପଡ଼ିବା ପୂର୍ବରୁ ସମସ୍ତ ହ୍ୱାଟସଆପ୍ ଡାଟା ଡିଲିଟ୍ କରିଦେଇଥିବା ଜଣାପଡ଼ିଛି।
ଡକ୍ଟର ଜୈନ ଆହୁରି ମଧ୍ୟ କହିଥିଲେ ଯେ, ଅତୀତରେ ମଧ୍ୟ କିଛି ଛାତ୍ର ତାଙ୍କୁ ହଇରାଣ କରିଥିଲେ।