Severe Air Pollution: ଦିଲ୍ଲୀକୁ କଲବଲ କରୁଛି ବାୟୁ ପ୍ରଦୂଷଣ, ସଂଘାତିକ ଭାବେ ପ୍ରଭାବିତ ବିମାନ ଚଳାଚଳ

ବାୟୁ ପ୍ରଦୂଷଣରେ କଲବଲ ଦିଲ୍ଲୀ । କୁହୁଡ଼ି ସହିତ ପ୍ରଦୂଷଣରେ ଆକ୍ତାମାକ୍ତା ରାଜଧାନୀ । ଦିଶୁନି ସୂର୍ଯ୍ୟ, ଘନ କୁହୁଡ଼ିରେ ଆଚ୍ଛାଦିତ ସମଗ୍ର ଅଞ୍ଚଳ। ୫୦ ମିଟର ଆଗକୁ ଦେଖିବା ବି ସମ୍ଭବ ହେଉନି । ଗତକାଲି ବାୟୁର ମାନ ଅତି ସାଂଘାତିକ ଶ୍ରେଣୀକୁ ଚାଲିଯାଇଥିଲା। ଯାହାର ପ୍ରଭାବ ପଡ଼ିଥିଲା ଉଭୟ ବିମାନ ଓ ରେଳ ଚଳାଚଳ ଉପରେ । 

ଦିଲ୍ଲୀରେ ୨୨୮ ବିମାନ ବାତିଲ ହୋଇଥିବାବେଳେ ୪୦୦ ବିମାନର ଚଳାଚଳ ବିଳମ୍ବ ହୋଇଥିଲା। ଏପରିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କିମ୍ବଦନ୍ତୀ ଫୁଟବଲର ମେସୀଙ୍କ ବିମାନ ବି ଡିଲେ ହୋଇଥିଲା । ବିଶେଷ କରି ଦିଲ୍ଲୀରୁ ମୁମ୍ବାଇ, କୋଲକାତା, ଚେନ୍ନାଇ, ଲକ୍ଷ୍ନୌ ଓ ବିଦେଶକୁ ଯିବାକୁ ଥିବା ଯାତ୍ରୀ ଅସୁବିଧା ଭୋଗିଥିଲେ। ୯୦ରୁ ଅଧିକ ଟ୍ରେନ୍ ବିଳମ୍ବରେ ଚାଲିଥିଲା। 

ଆଗକୁ ମଧ୍ୟ ଘନ କୁହୁଡ଼ି ଯୋଗୁ ବିମାନ ଚଳାଚଳ ପ୍ରଭାବିତ ହୋଇପାରେ ବୋଲି ଦିଲ୍ଲୀ ବିମାନବନ୍ଦର ପକ୍ଷରୁ କୁହାଯାଇଛି । ପ୍ରଦୂଷଣ ସାଂଘାତିକ ସ୍ତରକୁ ଯିବା ପରେ ସୁପ୍ରିମ୍ କୋର୍ଟ ମଧ୍ୟ ଉଦବେଗ ପ୍ରକାଶ କରିଛନ୍ତି । ସେପଟେ ନର୍ସରିରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଅନ୍ ଲାଇନରେ ପାଠପଢ଼ା ପାଇଁ ନିଷ୍ପତ୍ତି ନେଇଛନ୍ତି ଦିଲ୍ଲୀ ସରକାର ।

•    ଦିଲ୍ଲୀକୁ କଲବଲ କରୁଛି ବାୟୁ ପ୍ରଦୂଷଣ
•    ସଂଘାତିକ ଭାବେ ପ୍ରଭାବିତ ବିମାନ ଚଳାଚଳ 
•    ଗତକାଲି ପ୍ରାୟ ୨୨୮ ବିମାନ ବାତିଲ
•    ବିଳମ୍ବରେ ଉଡ଼ିଲା ୪୦୦ରୁ ଅଧିକ ଫ୍ଲାଇଟ୍
•    ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିମାନ ବି ବିଳମ୍ବିତ
•    କେବଳ ଇଣ୍ଡିଗୋର ୧୭୦ଟି ଉଡ଼ାଣ ବାତିଲ
•    ୯୦ରୁ ଅଧିକ ଟ୍ରେନ୍ ବିଳମ୍ବରେ ଚାଲିଲା
•    ପ୍ରଦୂଷଣକୁ ନେଇ ସୁପ୍ରିମକୋର୍ଟଙ୍କ ଉଦବେଗ
•    ପଞ୍ଚମ ଶ୍ରେଣୀ ପର୍ଯ୍ୟନ୍ତ ଅନଲାଇନରେ ପାଠପଢା