PM Modi's Slimming Tip to Youth: ‘ସ୍ଲିମ୍’ ରହିବାକୁ ଟିପ୍ସ ଦେଲେ ପ୍ରଧାମନ୍ତ୍ରୀ ମୋଦି, ଖାଦ୍ୟରେ ତେଲ କମାଇବାକୁ ଅନୁରୋଧ

ଖାଦ୍ୟରେ ତେଲ କମ୍ କର, ସ୍ଲିମ୍ ଓ ସୁରକ୍ଷିତ ରୁହ। ଯୁବପିଢିଙ୍କୁ ପିଏମ ମୋଦିଙ୍କ ସ୍ଲିମ୍ ଟିପ୍ସ। ନୂଆଦିଲ୍ଲୀରେ ଆୟୋଜିତ ଏନସିସି ପିଏମ୍ ରାଲିକୁ ସମ୍ବୋଧନ କରିବା ଅବସରରେ ମୋଟାପଣକୁ ନେଇ ଚିନ୍ତାବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ ମୋଦି। ପିଏମ୍ କହିଛନ୍ତି, ଭାରତରେ ମୋଟାପଣ କାୟା ବିସ୍ତାର କରିବାରେ ଲାଗିଛି। 

ରିପୋର୍ଟ ଅନୁସାରେ, ଆସନ୍ତା କିଛି ବର୍ଷ ଭିତରେ ଭାରତରେ ପ୍ରତି ତିନି ଜଣରେ ଜଣେ ବ୍ୟକ୍ତି ମୋଟାପଣର ଶିକାର ହେବେ। ଏହାଦ୍ବାରା ଡାଇବେଟିସ, ବ୍ଲଡପ୍ରେସର ଓ ଅନ୍ୟ ଘାତକ ରୋଗ ବୃଦ୍ଧି ପାଇବ। ଯୁବପୀଢିଙ୍କ ଉପରେ ସର୍ବାଧିକ ପ୍ରଭାବ ପଡ଼ିବ। ସେଥିପାଇଁ ଏବେଠୁ ସମସ୍ତେ ସଚେତନ ରହିବାକୁ ପରାମର୍ଶ ଦେଇଛନ୍ତି ପିଏମ୍। ଖାଦ୍ୟରେ ୧୦ ପ୍ରତିଶତ ତେଲ କମାଇବାକୁ ସେ ପରାମର୍ଶ ଦେଇଛନ୍ତି ।