Modi Calls Putin: କାହିଁକି ହଠାତ୍ ପୁଟିନଙ୍କୁ ଫୋନ୍ କଲେ ମୋଦି, ସୋସିଆଲ୍ ମିଡିଆ Xରେ ଦେଲେ ସୂଚନା

ରୁଷ ରାଷ୍ଟ୍ରପତି ଭ୍ଲାଦିମିର୍ ପୁଟିନଙ୍କୁ ଫୋନ୍ କଲେ ମୋଦି। ରୁଷ ରାଷ୍ଟ୍ରପତି ପୁଟିନଙ୍କୁ କଲ୍ କରି ୭୩ତମ ଜନ୍ମଦିନ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Prime Minister Narendra Modi)। ଏଥି ସହ ପୁଟିନଙ୍କୁ ସୁସ୍ଥତା ଓ ସମସ୍ତ କାର୍ଯ୍ୟରେ ସଫଳତା ପାଇଁ ବି ଅଭିନନ୍ଦନ ଜଣାଇଛନ୍ତି ପ୍ରଧାନମନ୍ତ୍ରୀ। ଏ ନେଇ ସୋସିଆଲ୍ ମିଡିଆ ଏକ୍ସରେ ପୋଷ୍ଟ କରି ସୂଚନା ଦେଇଛନ୍ତି ପ୍ରଧାନମନ୍ତ୍ରୀ ମୋଦି। 
କଥାବାର୍ତ୍ତା ବେଳେ ଦୁଇ ନେତା ଦ୍ୱିପାକ୍ଷିକ ସମ୍ପର୍କ ଅଗ୍ରଗତି ସମୀକ୍ଷା କରିଥିଲେ। ଭାରତ ଓ ରୁଷ ମଧ୍ୟରେ ରଣନୈତିକ ସହଭାଗୀତାକୁ ଆହୁରି ମଜବୁତ କରିବା ନେଇ ପ୍ରତିବଦ୍ଧତାକୁ ଦୋହରାଇଥିଲେ ମୋଦି ଓ ପୁଟିନ୍। ଏହି ଅବସରରେ ପ୍ରଧାନମନ୍ତ୍ରୀ ମୋଦି କହିଥିଲେ, ୨୩ତମ ଭାରତ-ରୁଷ ବାର୍ଷିକ ଶିଖର ସମ୍ମିଳନୀ ପାଇଁ ରାଷ୍ଟ୍ରପତି ପୁଟିନଙ୍କୁ ଭାରତରେ ସ୍ୱାଗତ କରିବାକୁ ଅପେକ୍ଷା କରିଛନ୍ତି। ଆସନ୍ତା ଡିସେମ୍ବର ୫ ତାରିଖରେ ପୁଟିନ୍ ଭାରତ ଗସ୍ତରେ ଆସିବା କାର୍ଯ୍ୟକ୍ରମ ରହିଛି। ନିକଟରେ ସେପ୍ଟେମ୍ବର ୧୭ ତାରିଖରେ ପିଏମ୍ ମୋଦିଙ୍କୁ ଜନ୍ମଦିନରେ ଫୋନ୍ କରି ଶୁଭେଚ୍ଛା ଜଣାଇଥିଲେ ରୁଷ୍ ରାଷ୍ଟ୍ରପତି ପୁଟିନ୍।

ଅଧିକ ଦେଖନ୍ତୁ: