EPFO Introduces Major Reforms: କର୍ମଚାରୀ ଭବିଷ୍ୟନିଧି ପାଣ୍ଠି ପ୍ରାଧିକରଣର ବଡ଼ ନିଷ୍ପତ୍ତି: ଶତପ୍ରତିଶତ ଉଠାଇହେବ EPF ଟଙ୍କା

EPFO ଅର୍ଥାତ କର୍ମଚାରୀ ଭବିଷ୍ୟନିଧି ପାଣ୍ଠି ପ୍ରାଧିକରଣର ବଡ଼ ନିଷ୍ପତ୍ତି । ପାଣ୍ଠିରୁ ଜମା ରାଶି ଉଠାଣ ନେଇ ଥିବା ନିୟମକୁ କୋହଳ କରିଛନ୍ତି EPFO ବୋର୍ଡ । ଏଣିକି ଜମାକାରୀ ତାଙ୍କ ଇପିଏଫ ଜମା ରାଶିର ଶତ ଶତପ୍ରତିଶତ ଉଠାଇ ପାରିବେ । କେନ୍ଦ୍ର ଶ୍ରମ ମନ୍ତ୍ରୀ ମନସୁଖ ମାଣ୍ଡଭିୟଙ୍କ ଅଧ୍ୟକ୍ଷତାରେ ବସିଥିବା ସେଣ୍ଟ୍ରାଲ ବୋର୍ଡ ଅଫ ଟ୍ରଷ୍ଟି ବୈଠକରେ ଏହି ନିଷ୍ପତ୍ତି ହୋଇଛି ।
ଜମାକାରୀ ଯେମିତି ଅସୁବିଧାରେ ନ ପଡ଼ିବେ ଓ ଏହାକୁ କିଭିଳି ଅଧିକ ଡିଜିଟାଇଜ୍ କରାଯିବ ସେନେଇ ମଧ୍ୟ ବୈଠକରେ ଆଲୋଚନା ହୋଇଛି । ଇପିଏଫ ଆକାଣ୍ଟରୁ ଜମା ରାଶି ଉଠାଣ ନେଇ ଥିବା ୧୩ଟି ଜଟିଳ ନିୟମକୁ ଗୋଟିଏ ଫ୍ଲାଟଫର୍ମକୁ ଅଣାଯାଇଛି । ଅସୁସ୍ଥତା, ଶିକ୍ଷା ଓ ବାହାଘର, ଘର ନିର୍ମାଣ ଓ ସ୍ବତନ୍ତ୍ର ସ୍ଥିତିରେ ଜଣେ ନିଜ ଇପିଏଫ ଜମା ରାଶି ଉଠାଇ ପାରିବେ।
ନିଜ ଖାତାରେ ଥିବା ଜମା ରାଶିର ଶତ ପ୍ରତିଶତ ଉଠାଇବାକୁ ଅନୁମତି ମିଳିଛି । କର୍ମଚାରୀ ଓ ନିଯୁକ୍ତିଦାତାଙ୍କ ଦ୍ବାରା ଇଫିଏଫ୍ ଖାତାରେ ଜମା ହୋଇଥିବା ଶତ ପ୍ରତିଶତ ରାଶି ଉଠାଇ ପାରିବେ । ଏହାଛଡ଼ା ଶିକ୍ଷା ପାଇଁ ଜମା ଉଠାଣ ଲିମିଟ୍ ୧୦ ଥର କରାଯାଇଥିବା ବେଳେ ବାହାଘର ପାଇଁ ୫ ଥର ଉଠାଣ କରିପାରିବେ । 
ତେବେ ପୂର୍ବରୁ ଜମା ଉଠାଣ ଲିମିଟ୍ ୩ ଥର ଥିଲା । ତେବେ ୧୨ ମାସର ଚାକିରି ସମୟ ଅବଧି ଥିବା ବ୍ୟକ୍ତିଙ୍କ ପାଇଁ ଏହା ଲାଗୁ ହେବ। ସ୍ବତନ୍ତ୍ର ସ୍ଥିତିରେ କୌଣସି କାରଣ ନ ଦର୍ଶାଇ ବି ରାଶି ଉଠାଇ ହେବ । ଅବସରକାଳୀନ ଜମା ରାଶି ପାଇଁ ୨୫ ପ୍ରତିଶତ ରାଶି ଖାତାରେ ରହିବା ଉପରେ ଗୁରୁତ୍ବ ଦିଆଯାଇଛି । ଫଳରେ ଜମାକାରୀ ଇପିଏଫ୍ ର ସୁଦ୍ଧ ହାର ୮.୨୫ ପ୍ରତିଶତର ଲାଭ ଉଠାଇପାରିବେ ।

ଅଧିକ ଦେଖନ୍ତୁ:

• କର୍ମଚାରୀ ଭବିଷ୍ୟନିଧି ପାଣ୍ଠି ପ୍ରାଧିକରଣର ବଡ଼ ନିଷ୍ପତ୍ତି
  ଜମା ରାଶି ଉଠାଣ ନିୟମକୁ କୋହଳ କଲେ EPFO ବୋର୍ଡ
  ଜମାକାରୀ ଇପିଏଫ ଜମା ରାଶିର ଶତ ଶତପ୍ରତିଶତ ଉଠାଇପାରିବେ
  ୧୩ଟି ଜଟିଳ ନିୟମକୁ ଗୋଟିଏ ଫ୍ଲାଟଫର୍ମକୁ ଅଣାଯାଇଛି
  ଅସୁସ୍ଥତା, ଶିକ୍ଷା ଓ ବାହାଘର, ଘର ନିର୍ମାଣ ଓ ସ୍ବତନ୍ତ୍ର ସ୍ଥିତିରେ ଇପିଏଫ ଜମା ଉଠାଇ ପାରିବେ
  ନିଜ ଖାତାରେ ଥିବା ଜମା ରାଶିର ଶତ ପ୍ରତିଶତ ଉଠାଇବାକୁ ଅନୁମତି
  କର୍ମଚାରୀ ଓ ନିଯୁକ୍ତିଦାତାଙ୍କ ଦ୍ବାରା ଜମା ହୋଇଥିବା ଶତ ପ୍ରତିଶତ ରାଶି ଉଠାଇ ପାରିବେ
  ଶିକ୍ଷା ପାଇଁ ଜମା ଉଠାଣ ଲିମିଟ୍ ୧୦ ଥର କରାଯାଇଛି
  ବାହାଘର ପାଇଁ ୫ ଥର ଉଠାଣ କରିପାରିବେ 
  ପୂର୍ବରୁ ଜମା ଉଠାଣ ଲିମିଟ୍ ମାତ୍ର ୩ ଥର ଥିଲା
  ୧୨ ମାସର ଚାକିରି ସମୟ ଅବଧି ଥିବା ବ୍ୟକ୍ତିଙ୍କ ପାଇଁ ଲାଗୁ ହେବ
  ସ୍ବତନ୍ତ୍ର ସ୍ଥିତିରେ କୌଣସି କାରଣ ନ ଦର୍ଶାଇ ବି ରାଶି ଉଠାଇ ହେବ
  ଅବସରକାଳୀନ ଜମା ରାଶି ପାଇଁ ୨୫ ପ୍ରତିଶତ ରାଶି ଖାତାରେ ରହିବା ଉପରେ ଗୁରୁତ୍ବ