Delhi Air Pollution Turns Severe: ରାଜଧାନୀରେ ଭୟଙ୍କର ବାୟୁ ପ୍ରଦୂଷଣ; ଗ୍ରେଡେଡ୍ ରେସପନ୍ସ ଆକ୍ସନ ପ୍ଲାନ୍ ଲାଗୁ କଲା CAQM

ଦିଲ୍ଲୀରେ ପୁଣି ଭୟଙ୍କର ବାୟୁ ପ୍ରଦୂଷଣ। ଏୟାର କ୍ୱାଲିଟି ଇଣ୍ଡେକ୍ସ (AQI) ୪୪୧କୁ ବୃଦ୍ଧି ପାଇଛି। ଯାହା ସିଭିୟର ଶ୍ରେଣୀରେ ଆସୁଛି। ଏହାପରେ କମିଶନ ଫର ଏୟାର କ୍ୱାଲିଟି ମ୍ୟାନେଜମେଣ୍ଟ (CAQM) ଦିଲ୍ଲୀ-ଏନସିଆରରେ ଗ୍ରେଡେଡ୍ ରେସପନ୍ସ ଆକ୍ସନ ପ୍ଲାନ୍ ଷ୍ଟେଜ୍-ଫୋର୍ ଲାଗୁ କରିଛି। 

ଗତକାଲି ସନ୍ଧ୍ୟା ୬ଟା ସୁଦ୍ଧା AQI ୪୪୧ରେ ପହଞ୍ଚିଥିଲା। ଯୁଆଡ଼େ ଦେଖିଲେ ଧୂଆଁ ଧୂଆଁ ଓ କୁହୁଡ଼ି ପଡ଼ିଲା ଭଳି ଦିଶୁଥିଲା। GRAP-4 ଲାଗୁ ହୋଇଥିବାରୁ ଦିଲ୍ଲୀ ଓ ଆଖପାଖ ଇଲାକାରେ ଜାରି ହୋଇଛି କଡ଼ା କଟକଣା। ସମସ୍ତ ପ୍ରକାର ନିର୍ମାଣ କାର୍ଯ୍ୟ ଉପରେ ଲାଗିଛି ରୋକ। 

ପଥର କ୍ରସରକୁ ଏନସିଆରରେ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି। ଖନନ ଓ ଏଥିସହ ଜଡ଼ିତ ସମସ୍ତ ଗତିବିଧି ଉପରେ ରୋକ ଲାଗିଛି। ଏଥିସହ ଦିଲ୍ଲୀ, ଗୁରୁଗ୍ରାମ, ଫରିଦାବାଦ, ଗାଜିଆବାଦ, ଗୌତମବୁଦ୍ଧ ନଗରରେ BS-ଥ୍ରୀ ଓ BS-ଫୋର୍ ଡିଜେଲ୍ ଚାଳିତ ଚାରି ଚକିଆ ଗାଡ଼ି ଉପରେ ପ୍ରତିବନ୍ଧକ ଲାଗିଛି। 

ଦିଲ୍ଲୀକୁ ଅଣ-ଅତ୍ୟାବଶ୍ୟକ ଟ୍ରକ୍ ପ୍ରବେଶ ଉପରେ ଲାଗିଛି କଟକଣା। ସେହିପରି ଷଷ୍ଠରୁ ନବମ ଓ ଏକାଦଶ ଶ୍ରେଣୀର ଛାତ୍ରଛାତ୍ରୀଙ୍କ ପାଇଁ ଅଫଲାଇନ୍ କ୍ଲାସକୁ ଅନଲାଇନ୍ ମୋଡକୁ ସ୍ଥାନାନ୍ତର କରିପାରିବେ। ବାୟୁ ପ୍ରଦୂଷଣରେ ଯେଭଳି ଛୋଟ ପିଲା ପ୍ରଭାବିତ ନହେବେ ସେଥିପାଇଁ କ୍ଲାସକୁ ହାଇବ୍ରିଡ୍ ମୋଡକୁ ଆଣିବାକୁ କୁହାଯାଇଛି।

•    ଦିଲ୍ଲୀରେ ଭୟଙ୍କର ବାୟୁ ପ୍ରଦୂଷଣ
•    ଦିଲ୍ଲୀରେ ସିଭିୟର ଶ୍ରେଣୀରେ ବାୟୁ ପ୍ରଦୂଷଣ
•    ଦିଲ୍ଲୀ-NCRରେ GRAP ଷ୍ଟେଜ୍-୪ ଲାଗୁ 
•    ଗ୍ରେଡେଡ୍ ରେସପନ୍ସ ଆକ୍ସନ ପ୍ଲାନ୍ ଲାଗୁ ଗଲା CAQM
•    ମାତ୍ର ୨ ଘଣ୍ଟାରେ AQI ୪୩୧ରୁ ୪୪୧କୁ ବୃଦ୍ଧି
•    ଦିଲ୍ଲୀରେ ଚାରିଆଡ଼େ ଦିଶୁଛି ଧୂଆଁଧୂଆଁ
•    ଦିଲ୍ଲୀ ଓ ଆଖପାଖ ଅଞ୍ଚଳରେ ଲାଗିଲା କଡ଼ା କଟକଣା
•    ସମସ୍ତ ନିର୍ମାଣ କାର୍ଯ୍ୟ ଉପରେ ରୋକ
•    ପଥର କ୍ରସରକୁ NCRରେ ବନ୍ଦ ନିର୍ଦ୍ଦେଶ 
•    ଦିଲ୍ଲୀକୁ ଅଣ-ଅତ୍ୟାବଶ୍ୟକ ଟ୍ରକ୍ ପ୍ରବେଶରେ କଟକଣା
•    ହାଇବ୍ରିଡ୍ ମୋଡରେ ଷଷ୍ଠରୁ ନବମ ଓ ଏକାଦଶ ଶ୍ରେଣୀ କ୍ଲାସ