Hindu Population is Declining: ପ୍ରତି ଦଶନ୍ଧିରେ ହିନ୍ଦୁ ଜନସଂଖ୍ୟା ବୃଦ୍ଧି ହାର ହ୍ରାସ ପାଇବାରେ ଲାଗିଛି

ପ୍ରତି ଦଶନ୍ଧିରେ ହିନ୍ଦୁ ଜନସଂଖ୍ୟାର ଦଶନ୍ଧିଗତ ଅଭିବୃଦ୍ଧି ହାର ହ୍ରାସ ପାଇବାରେ ଲାଗିଛି। ଦେଶର ଜଣେ ଜଣାଶୁଣା ସାମ୍ବାଦିକ ପ୍ରଦୀପ ଭଣ୍ଡାରୀ ୪୦୦ ଲୋକସଭା ନିର୍ବାଚନମଣ୍ଡଳୀରେ ଏହାର ଏକ ବିସ୍ତୃତ, ଚିନ୍ତାଜନକ ଜନସଂଖ୍ୟାଗତ ଢାଞ୍ଚା ପ୍ରକାଶ କରିଛନ୍ତି, ଯାହା ଭାରତର ଗଣତାନ୍ତ୍ରିକ ଭବିଷ୍ୟତକୁ ବିପଦରେ ପକାଇପାରେ। କିପରି ପରିବର୍ତ୍ତନଶୀଳ ଧାର୍ମିକ ଜନସଂଖ୍ୟା, ଭାରତୀୟ ରାଜ୍ୟଗୁଡ଼ିକରେ ନିର୍ବାଚନ ଫଳାଫଳ, ସାମ୍ବିଧାନିକ ଅଧିକାର ଏବଂ ଶାସନ ଢାଞ୍ଚାକୁ ମୌଳିକ ଭାବରେ ପରିବର୍ତ୍ତନ କରୁଛି ତାହା ସେ ଜଣାଇଛନ୍ତି।

ସେ PFI  2047 ଏଜେଣ୍ଡାର ପର୍ଦ୍ଦାଫାସ କରି ମାଲାପ୍ପୁରମରୁ ଆସାମ ପର୍ଯ୍ୟନ୍ତ ପ୍ରମାଣ ଉପସ୍ଥାପନ କରିଛନ୍ତି ଏବଂ ଜନସଂଖ୍ୟାଗତ ଭାବରେ ପରିବର୍ତ୍ତିତ ଅଞ୍ଚଳଗୁଡ଼ିକ କିପରି ଆତଙ୍କବାଦର ଆଡ୍ଡାସ୍ଥଳୀ ପାଲଟିଛି ତାହାର ତଥ୍ୟ ଦେଇଛନ୍ତି। ତାଙ୍କର ଏହି ତଥ୍ୟ ନୀତି ବିଶ୍ଳେଷକ, ଭାରତୀୟ ଗଣତନ୍ତ୍ରର ଛାତ୍ର ଏବଂ ଭାରତର ଦୀର୍ଘକାଳୀନ ଗଣତାନ୍ତ୍ରିକ ସ୍ଥିରତା ବିଷୟରେ ଚିନ୍ତା କରୁଥିବା ନାଗରିକମାନଙ୍କ ପାଇଁ ମୁଣ୍ଡ ବିନ୍ଧାର କାରଣ ହୋଇଛି। 

ସେ ପ୍ରଦାନ କରିଥିବା ତଥ୍ୟ ଭିତରେ ହିନ୍ଦୁ ଜନସଂଖ୍ୟା ହ୍ରାସ ହେବାର ମୁଖ୍ୟ କାରଣଗୁଡିକ ହେଉଛି: ଆତଙ୍କବାଦ ମାମଲା,  ହିନ୍ଦୁ ଜନସଂଖ୍ୟା ମୁସଲିମ ଜନସଂଖ୍ୟା ତୁଳନାରେ ଦ୍ରୁତ ଗତିରେ ହ୍ରାସ ପାଇବା, ୩୦ ରୁ ୪୦ ପ୍ରତିଶତ ମୁସଲିମ ଜନସଂଖ୍ୟା ରାଜନୈତିକ କିଙ୍ଗମେକର ତିଆରି କରିବା, ହିନ୍ଦୁ ସଂଖ୍ୟାଲଘୁ ବନାମ ମୁସଲିମ ସଂଖ୍ୟାଲଘୁରୁ ବହୁସଂଖ୍ୟକ ଧର୍ମାନ୍ତରୀକରଣ ଇତ୍ୟାଦି ରହିଛି।

ଏହା ପୂର୍ବରୁ ଆନ୍ତର୍ଜାତୀୟ ହିନ୍ଦୁ ପରିଷଦର ପ୍ରତିଷ୍ଠାତା ଏବଂ ସଭାପତି ପ୍ରବୀଣ ତୋଗାଡ଼ିଆ ଆଲିଗଡ଼ ସହରର ଏକ ଅତିଥି ଭବନରେ ଆନ୍ତର୍ଜାତୀୟ ହିନ୍ଦୁ ପରିଷଦ ଏବଂ ରାଷ୍ଟ୍ରୀୟ ବଜରଙ୍ଗ ଦଳ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ କହିଥିଲେ, ୨୦୦୦ ବର୍ଷ ପୂର୍ବେ ସାରା ବିଶ୍ୱରେ ହିନ୍ଦୁ ଥିଲେ, କିନ୍ତୁ ଆଜି ବିଶ୍ୱର ୮୦୦ କୋଟି ଜନସଂଖ୍ୟା ମଧ୍ୟରୁ କେବଳ ୧୦୦ କୋଟି ହିନ୍ଦୁ ଅଛନ୍ତି।

ଏହି କାର୍ଯ୍ୟକ୍ରମରେ ପ୍ରବୀଣ ତୋଗାଡ଼ିଆ କହିଥିଲେ ଯେ ଆଗାମୀ ୭୦ରୁ ୮୦ ବର୍ଷ ମଧ୍ୟରେ ଭାରତରେ ହିନ୍ଦୁଙ୍କ ସଂଖ୍ୟା ହ୍ରାସ ପାଇବ, ଯାହା ୧୦୦ କୋଟିରୁ ୫୦କୋଟିକୁ ହ୍ରାସ ପାଇବ। ସରକାରଙ୍କୁ ଏକ ଜନସଂଖ୍ୟା ନିୟନ୍ତ୍ରଣ ଆଇନ ପ୍ରଣୟନ କରିବାକୁ ହେବ ଏବଂ ବେଆଇନ କାର୍ଯ୍ୟକଳାପ ଆଇନ (UCC) କାର୍ଯ୍ୟକାରୀ କରିବାକୁ ହେବ ବୋଲି ସେ କହିଥିଲେ।