CJ Roy Found Dead After IT Raid: ଆଇଟି ରେଡ୍: ବନ୍ଧୁକରୁ ନିଜକୁ ଗୁଳିକରି ଜୀବନ ହାରିଲେ ସିଜେ

ଆଇଟି ରେଡ୍ ପରେ ପ୍ରତିଷ୍ଠିତ ଉଦ୍ୟୋଗପତି ସିଜେ ରୟଙ୍କ ଆତ୍ମହତ୍ୟା। ବନ୍ଧୁକରୁ ନିଜକୁ ଗୁଳିକରି ଜୀବନ ହାରିଛନ୍ତି କନଫିଡେଣ୍ଟ ଗ୍ରୁପର ମାଲିକ ସିଜେ ରୟ । ଅଫିସରୁ ହିଁ ତାଙ୍କୁ ଗୁଳି ମାଡ଼ ଅବସ୍ଥାରେ ଉଦ୍ଧାର କରାଯାଇଥିଲା। ସୂଚନା ଅନୁସାରେ, ମଧ୍ୟାହ୍ନ ସମୟରେ ସିଜେଙ୍କୁ ଘଣ୍ଟାଏ ଧରି ଆଇଟି ଅଧିକାରୀ ପଚରାଉଚରା କରିଥିଲେ । 

ପରେ ପରେ ସେ ନିଜେ ନିଜକୁ ଗୁଳି କରିଥିବା ସନ୍ଦେହ କରାଯାଉଛି । ଆତ୍ମହତ୍ୟା ପଛର ସଠିକ୍ କାରଣ ସ୍ପଷ୍ଟ ହୋଇ ନଥିଲେ ମଧ୍ୟ, ଚାପରେ ସେ ଜୀବନ ହାରିଥିବା ଅଭିଯୋଗ ହୋଇଛି । ପୋଲିସ ଉପସ୍ଥିତ କର୍ମଚାରୀଙ୍କୁ ପଚରାଉଚରା ସହିତ ଏକାଧିକ ଦିଗରୁ ଘଟଣାର ତଦନ୍ତ କରୁଛି। କନଫିଡେଣ୍ଟ ଗ୍ରୁପ୍ ରିଅଲ୍ ଇଷ୍ଟେଟ୍ ଦୁନିଆରେ ଏକ ପ୍ରତିଷ୍ଠିତ ନାଁ । 

ତାଙ୍କର ସମ୍ପତ୍ତି ୧ ବିଲିୟନ ଡଲାରରୁ ଅଧିକ ହେବ ବୋଲି ଆକଳନ କରାଯାଇଛି । ରୟଙ୍କ ମୃତ୍ୟୁ ଖବରରେ କର୍ମଚାରୀ, ସହଯୋଗୀ ଓ ରିଅଲ୍ ଇଷ୍ଟେଟ୍ ଦୁନିଆରେ ଶୋକର ଛାୟା ଖେଳିଯାଇଛି ।