158-Dish For Son-in-Law: ପ୍ରଥମ ସଂକ୍ରାନ୍ତିରେ ଜ୍ୱାଇଁକୁ ଏତେ ସମ୍ମାନ! ବାଢିଦେଲେ ୧୫୮ ଆଇଟମ୍; ଭିଡିଓ ଭାଇରାଲ୍

ସଂକ୍ରାନ୍ତି କେବଳ ଏକ ପର୍ବ ନୁହେଁ, ବରଂ ସମ୍ପର୍କ ଏବଂ ପରମ୍ପରାର ମଧ୍ୟ ଏକ ଉତ୍ସବ। ଏହା ଆନ୍ଧ୍ରପ୍ରଦେଶର ଗୁଣ୍ଟୁର ଜିଲ୍ଲାର ତେନାଲିରୁ ଆସିଥିବା ଏକ ଖବରରୁ ଏହା ସ୍ପଷ୍ଟ ଅନୁମାନ କରିହୁଏ। ଏଠାରେ ଏକ ପରିବାର ସେମାନଙ୍କ ଜ୍ୱାଇଁଙ୍କ ପ୍ରଥମ ସଂକ୍ରାନ୍ତିକୁ ଏତେ ସ୍ୱତନ୍ତ୍ର କରିଦେଇଛନ୍ତି ଯେ ଯାହା ସମଗ୍ର ଦେଶ ପାଇଁ ନିଆରା ହୋଇଯାଇଛି।

ଆନ୍ଧ୍ରପ୍ରଦେଶର ଗୁଣ୍ଟୁର ଜିଲ୍ଲାର ତେନାଲି ସହରର ଏହି ପରିବାର ବର୍ତ୍ତମାନ ସୋସିଆଲ ମିଡିଆରେ ଚର୍ଚ୍ଚାର ବିଷୟ କେନ୍ଦ୍ର ହୋଇଛନ୍ତି। କାରଣ ସେମାନେ ସଂକ୍ରାନ୍ତି ଅବସରରେ ତାଙ୍କ ଜ୍ୱାଇଁଙ୍କ ପାଇଁ ୧୫୮ଟି ଖାଦ୍ୟର ଏକ ଭବ୍ୟ ଭୋଜନ ପ୍ରସ୍ତୁତ କରିଥିଲେ।

ଜାତୀୟ ଗଣମାଧ୍ୟମର ଏକ ରିପୋର୍ଟ ଅନୁସାରେ, ବନ୍ଦନାପୁ ମୁରଲୀକୃଷ୍ଣ ଏବଂ ତାଙ୍କ ପତ୍ନୀ ସେମାଙ୍କ ଝିଅ ମୌନିକା ଏବଂ ଜ୍ୱାଇଁ ଶ୍ରୀଦତ୍ତଙ୍କ ପାଇଁ ଏହି ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରିଥିଲେ। ଶ୍ରୀଦତ୍ତ ମୂଳତଃ ଗୋଦାବରୀ ଜିଲ୍ଲାର ରାଜମହେନ୍ଦ୍ରଭରମରୁ ଆସିଛନ୍ତି। ତାଙ୍କ ବିବାହ ପରେ ଏହା ପ୍ରଥମ ସଂକ୍ରାନ୍ତି ଥିଲା ଏବଂ ପରିବାର ଏହାକୁ ଏକ ସ୍ୱତନ୍ତ୍ର ଉପାୟରେ ପାଳନ କରିବାକୁ ନିଷ୍ପତ୍ତି ନେଇଥିଲେ।

ଆନ୍ଧ୍ରପ୍ରଦେଶରେ, ପ୍ରଥମ ସଂକ୍ରାନ୍ତିର ବିଶେଷ ମହତ୍ତ୍ୱ ରହିଛି। ବିଶେଷକରି ଯେତେବେଳେ ଜଣେ ଜ୍ୱାଇଁ ପ୍ରଥମ ଥର ପାଇଁ ତାଙ୍କ ଶ୍ୱଶୁର ଘରକୁ ଯାଆନ୍ତି; ଏହାକୁ ସମ୍ମାନ, ସ୍ନେହ ଏବଂ ପ୍ରେମ ପ୍ରଦର୍ଶନ କରିବାର ଏକ ଅବସର ଭାବରେ ବିବେଚନା କରାଯାଏ।

#Watch | Andhra Family Serves 158 Dishes To Son-in-Law For First Sankranti pic.twitter.com/BDT8aFVTDu

— NDTV (@ndtv) January 15, 2026

ଏହି ଭବ୍ୟ ଭୋଜନ ପାରମ୍ପରିକ ଆଇଟମ୍‌ରେ ପରିପୂର୍ଣ୍ଣ ଥିଲା। ଏଥିରେ ମୁଡକୀ, ମୁରୁକ୍କୁ, ଚେକଲୁ(ଛୋଟ ପାମ୍ପଡ ଭଳି), ଏବଂ ଗାରେଲୁ(ବରା ଭଳି) ଭଳି ନମକୀନ୍ ଖାଦ୍ୟ ସହିତ ଗୁଡରେ ତିଆରି ମିଠାଗୁଡ଼ିକରେ ଆରିସା, କାକରା, ମଣ୍ଡା ଭଳି ଖାଦ୍ୟ ପରସା ଯାଇଥିଲା।

ଏହା ବ୍ୟତୀତ ଆମିଷ ଏବଂ ନିରାମିଷ ଉଭୟ ପ୍ରକାରର ଖାଦ୍ୟ ମଧ୍ୟ ପ୍ରସ୍ତୁତ କରାଯାଇଥିଲା, ଅନେକ ପ୍ରକାରର ଭାତ, ମସଲାଦାର ତରକାରୀ ଏବଂ ବିଭିନ୍ନ ପ୍ରକାରର ସାଇଡ ଖାଦ୍ୟ ଏହି ଭୋଜନକୁ ଆହୁରି ସ୍ୱତନ୍ତ୍ର କରିଥିଲା।