ରାସ୍ତା ମଝିରେ ଗାଡି ଅଟକାଇ ମହିଳାଙ୍କ ଅଭିଯୋଗ ଶୁଣିଲେ ମୁଖ୍ୟମନ୍ତ୍ରୀ, ଭିଡିଓ ଭାଇରାଲ

ବିଶାଖାପାଟଣା (ଯଶୋବନ୍ତ ନାରାୟଣ ପାଢ଼ୀ): ତାମିଲନାଡୁ ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କୁ ନେଇ ଏବେ ସବୁଆଡେ ଚର୍ଚ୍ଚା। ଏମିତି ଏକ କାମ କରି ସାରା ଦେଶବାସୀଙ୍କ ଦୃଷ୍ଟି ଆକର୍ଷଣ କରିଛନ୍ତି। ମୁଖ୍ୟମନ୍ତ୍ରୀ ଷ୍ଟାଲିନ ସରକାରୀ କାମରେ ଯାଉଥିବାବେଳେ ପ୍ରୋଟକଲ ଭାଙ୍ଗି ଜଣେ ମହିଳାଙ୍କ ଅଭିଯୋଗ ଶୁଣିବା ସହ ସହାୟତାର ହାତ ବଢାଇଛନ୍ତି। ତାଙ୍କର ଏହି ଭିଡିଓ ବେଶ ଭାଇରାଲ ହୋଇଛି।

ସାଧାରଣତଃ ଆମେ ଦେଖିଥାଉ, ଗରିବ ଲୋକଟିଏ ପ୍ରଶାସନ ପାଖରେ ପହଞ୍ଚି ପାରେ ନାହିଁ। ସେଠି ପହଞ୍ଚିବା ପାଇଁ ତା ସାମ୍ନାରେ ଅନେକ ପ୍ରତିବନ୍ଧକ। ହେଲେ ଏଇ ମହିଳାଜଣକ ନିଷ୍ପତ୍ତି ନେଇଥିଲେ ମୁଖ୍ୟମନ୍ତ୍ରୀଙ୍କୁ ଭେଟିବେ ଏବଂ ନିଜ ଅଭିଯୋଗ ଜଣାଇବେ। ହେଲେ କେମିତି ସମ୍ଭବ ହେବ  ଜାଣି ପାରୁ ନ ଥିଲେ। ମହିଳା ଜଣକ ଗରିବ ଥିଲେ। ଏପରିକି ଚଳିବା ପାଇଁ ଅସମର୍ଥ ଥିଲେ।