କରୋନା ମୁକ୍ତ ଗାଁକୁ ମିଳିବ ୫୦ ଲକ୍ଷ ଟଙ୍କା

• କରୋନା ସଂକ୍ରମଣକୁ ରୋକିବା ପାଇଁ ଏକ ବଡ ପଦକ୍ଷେପ ନେଲେ ଉଦ୍ଧବ ଠାକରେ ସରକାର
• ଗ୍ରାମାଞ୍ଚଳରେ କରୋନା ରୋକିବାକୁ ‘କରୋନା ମୁକ୍ତ ଗ୍ରାମ’ ପ୍ରତିଯୋଗିତାର ଘୋଷଣା
• ପ୍ରତିଯୋଗିତାରେ ପ୍ରଥମ ପୁରସ୍କାର ୫୦ ଲକ୍ଷ, ଦ୍ୱିତୀୟ ୨୫ ଲକ୍ଷ ଏବଂ ତୃତୀୟ ପୁରସ୍କାର ୧୫ ଲକ୍ଷ ଟଙ୍କା

ମୁମ୍ବାଇ : ଗାଁକୁ କରୋନା ମୁକ୍ତ କରି ଜିତି ନିଅ ୫୦ ଲକ୍ଷ ପୁରସ୍କାର । ମହାରାଷ୍ଟ୍ର ସରକାରଙ୍କ ଦ୍ୱାରା ସ୍ୱାଗତଯୋଗ୍ୟ ପଦକ୍ଷପ । ମହାରାଷ୍ଟ୍ରରେ କରୋନା ସଂକ୍ରମଣରେ ବ୍ରେକ୍ ଲାଗୁନି । ସହର ତଳୁନାରେ ଗ୍ରାମାଞ୍ଚଳରେ ସଂକ୍ରମିତଙ୍କ ସଂଖ୍ୟା ବଢ଼ି ବଢ଼ି ଚାଲିଛି । ଏଭଳି ପରିସ୍ଥିତିରେ ଉଦ୍ଧବ ଠାକରେ ଏକ ବଡ ନିଷ୍ପତ୍ତି ନେଇଛନ୍ତି। ଗ୍ରାମାଞ୍ଚଳରେ କରୋନା ସଂକ୍ରମଣ ରୋକିବାକୁ ମହାରାଷ୍ଟ୍ର ସରକାର ବୁଧବାର ଦିନ ‘କରୋନା ମୁକ୍ତ ଗ୍ରାମ’ ପ୍ରତିଯୋଗିତା ଘୋଷଣା କରିଛନ୍ତି । ଏହା ପ୍ରତିଯୋଗିତା ଅଧୀନରେ ପ୍ରଥମ ପୁରସ୍କାର ୫୦ ଲକ୍ଷ ଟଙ୍କା, ଦ୍ୱିତୀୟ ବିଜେତା ୨୫ ଲକ୍ଷ ଏବଂ ତୃତୀୟ ବିଜେତା ଗାଁଙ୍କୁ ୧୫ ଲକ୍ଷ ଟଙ୍କା ଦିଆଯିବ ।

ଗତକାଲି ମୁଖ୍ୟମନ୍ତ୍ରୀ ଉଦ୍ଧବ ଠାକରେ ସଂକ୍ରମଣ ରୋକିବାକୁ କେତେକ ଗ୍ରାମ ଦ୍ୱାରା କରାଯାଇଥିବା ପ୍ରୟାସକୁ ମୁଖ୍ୟମନ୍ତ୍ରୀ ପ୍ରଶଂସା କରିଥିଲେ ଏବଂ ‘ ମୋ ଗାଁ କରୋନା ମୁକ୍ତ’ ପ୍ରତିଯୋଗିତା ଘୋଷଣା କରିଥିଲେ। ‘ମୋ ଗାଁ କରୋନା ମୁକ୍ତ’ ପ୍ରତିଯୋଗିତା ମୁଖ୍ୟମନ୍ତ୍ରୀ ଘୋଷଣା କରିଥିବା ଭାଇରସ ବିରୋଧୀ ଅଭିଯାନର ଏକ ଅଂଶ ବୋଲି କହିଛନ୍ତି ରାଜ୍ୟ ଗ୍ରାମ୍ୟ ଉନ୍ନୟନ ମନ୍ତ୍ରୀ ହାସନ ମୁସରିଫ । ଏହି ପ୍ରତିଯୋଗିତା ଅଧୀନରେ ତିନିଟି ଗ୍ରାମ ପଞ୍ଚାୟତଙ୍କୁ ପୁରସ୍କାର ପ୍ରଦାନ କରାଯିବ, ଯେଉଁମାନେ କରୋନା ମୁକାବିଲା କରିବା ପାଇଁ ଭଲ କାମ କରିଥିବେ ।

ପ୍ରଥମ ପୁରସ୍କାର ୫୦ ଲକ୍ଷ ଟଙ୍କା
ପ୍ରଥମ କରୋନା ମୁକ୍ତ ଗାଁକୁ ପୁରସ୍କାର ସ୍ୱରୂପ ୫୦ ଲକ୍ଷ ଟଙ୍କା ପ୍ରଦାନ କରାଯିବ । ସେହିପରି ଦ୍ୱିତୀୟ ବିଜେତା ଗାଁକୁ ୨୫ ଲକ୍ଷ ଟଙ୍କା ଏବଂ ତୃତୀୟ ବିଜେତା ଗାଁକୁ ୧୫ ଲକ୍ଷ ଟଙ୍କା ଦିଆଯିବ। ରାଜ୍ୟରେ ୬ଟି ରାଜସ୍ୱ ମଣ୍ଡ ଥିବାରୁ ମୋଟ୍ ୧୮ଟି ଗାଁକୁ ଏହି ପୁରସ୍କାର ପ୍ରଦାନ କରାଯିବ । ରାଜ୍ୟ ସରକାରଙ୍କ ପକ୍ଷରୁ ଗାଁ ଗୁଡ଼ିକୁ ଦିଆଯାଉଥିବା ମୋଟ୍ ପୁରସ୍କାର ରାଶି ୫.୪ କୋଟି ଟଙ୍କା । ପ୍ରତିଯୋଗିତାରେ ଜିତୁଥିବା ଗାଁଙ୍କୁ ପୁରସ୍କାର ରାଶି ସହିତ ପ୍ରୋତ୍ସାହନ ରାଶି ମଧ୍ୟ ପ୍ରଦାନ କରାଯିବ । ଗ୍ରାମଗୁଡ଼ିକରେ ବିକାଶ କାର୍ଯ୍ୟରେ ଏହି ରାଶି ବ୍ୟବହାର କରାଯିବ ବୋଲି କହିଛନ୍ତି ମନ୍ତ୍ରୀ ।

ଗାଁ ଗୁଡିକୁ ୨୨ ମାନଦଣ୍ଡରେ ପରୀକ୍ଷା କରାଯିବ
ପ୍ରତିଯୋଗିତାରେ ଅଂଶଗ୍ରହଣ କରୁଥିବା ଗାଁ ଗୁଡିକୁ ୨୨ ମାନଦଣ୍ଡରେ ବିଚାର କରାଯିବ ବୋଲି କହିଛନ୍ତି ଗ୍ରାମ୍ୟ ଉନ୍ନୟନ ମନ୍ତ୍ରୀ । କରୋନା ମୁକ୍ତ ଗାଁର ବିଜେତା ଘୋଷଣା ପାଇଁ ଏକ କମିଟି ଗଠନ କରାଯିବ। ଏହି କମିଟି ଦ୍ୱାରା ବିଜେତା ଗାଁ ଘୋଷଣା କରାଯିବ ।

ପଢନ୍ତୁ: ପିଲାଙ୍କ ଠାରେ ଆରମ୍ଭ ହେଲା କୋଭାକ୍ସିନର କ୍ଲିନିକାଲ୍ ଟ୍ରାଏଲ୍