ତିନି ଦିନ ପରେ ୫୦ ହଜାର ତଳକୁ ଖସିଲା ସଂକ୍ରମିତ ସଂଖ୍ୟା : ୨୪ ଘଣ୍ଟାରେ ୧୧୮୩ ଆକ୍ରାନ୍ତଙ୍କ ମୃତ୍ୟୁ

• ଦେଶରେ ଆଜି ୪୮ ହଜାର ୬୯୮ ପଜିଟିଭ
• ମୋଟ୍ ଆକ୍ରାନ୍ତ ସଂଖ୍ୟା ୩ କୋଟି ୧ ଲକ୍ଷ ୮୩ ହଜାର ୧୪୩କୁ ବୃଦ୍ଧି
• ଦେଶରେ ଆଜି ୧୧୮୩ କରୋନା ଆକ୍ରାନ୍ତଙ୍କ ମୁଣ୍ଡ ନେଲା କରୋନା
• ମୋଟ ମୃତ୍ୟୁ ସଂଖ୍ୟା ୩ ଲକ୍ଷ ୯୪ ହଜାର ୪୯୩କୁ ବୃଦ୍ଧି
• ଆକ୍ଟିଭ କେସ- ୫,୯୫,୫୬୫; ସୁସ୍ଥ- ୨,୯୧,୯୩,୦୮୫

ନୂଆଦିଲ୍ଲୀ : ଧୀରେ ଧୀରେ କମୁଛି ସଂକ୍ରମଣ । ମୃତ୍ୟୁ ସଂଖ୍ୟା ବି ହ୍ରାସ ପାଉଛି । କରୋନାର ଦ୍ୱିତୀୟ ଲହରୀ ସାମାନ୍ୟ ଥମିଥିବା ବେଳେ ବର୍ତ୍ତମାନ କିଛି କିଛି ସ୍ଥାନରେ ସଂକ୍ରମଣ ବୃଦ୍ଧି ପାଉଥିବା ଦେଖିବାକୁ ମିଳୁଛି । ବିଗତ ତିନି ଦିନରେ ଲଗାତାର ସଂକ୍ରମିତ ସଂଖ୍ୟା ୫୦ ହଜାର ଉପରେ ରହୁଥିଲା, ହେଲେ ଆଜି ରୋଗୀ ସଂଖ୍ୟାରେ ସାମାନ୍ୟ ହ୍ରାସ ଦେଖିବାକୁ ମିଳିଛି ।  ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଅନୁସାରେ ଗତ ୨୪ ଘଣ୍ଟା ମଧ୍ୟରେ ଦେଶରେ ୪୮ ହଜାର ୬୯୮ ଟି ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୧୮୩ ରୋଗୀ ପ୍ରାଣ ହରାଇଛନ୍ତି । ନୂଆ ସଂକ୍ରମିତଙ୍କୁ ମିଶାଇ ବର୍ତ୍ତମାନ ଦେଶରେ ସଂକ୍ରମିତଙ୍କ ସଂଖ୍ୟା ବର୍ତ୍ତମାନ ୩ କୋଟି ୧ ଲକ୍ଷ ୮୩ ହଜାର ୧୪୩କୁ ବୃଦ୍ଧି ପାଇଛି ।

India reports 48,698 new #COVID19 cases, 64,818 recoveries, and 1,183 deaths in the last 24 hours, as per the Union Health Ministry.

Total cases: 3,01,83,143
Total recoveries: 2,91,93,085
Death toll: 3,94,493
Active cases: 5,95,565 pic.twitter.com/NIfDeKqKMm

— ANI (@ANI) June 26, 2021

ଦେଶରେ ବର୍ତ୍ତମାନ ୫ ଲକ୍ଷ ୯୫ ହଜାର ୫୬୫ ସକ୍ରିୟ ସଂକ୍ରମିତ ଚିକିତ୍ସିତ ହେଉଥିବା ବେଳେ ଗତ ୨୪ ଘଣ୍ଟା ମଧ୍ୟରେ ୬୪,୮୧୮ ଆକ୍ରାନ୍ତ ସୁସ୍ଥ ହୋଇଛନ୍ତି । ନୂଆ ସୁସ୍ଥ ସଂଖ୍ୟାକୁ ମିଶାଇ ଦେଶରେ ୨ କୋଟି ୯୧ ଲକ୍ଷ ୯୩ ​​ହଜାର ୮୫ ଜଣ ଲୋକ ସୁସ୍ଥ ହୋଇ ଘରକୁ ଯାଇଛନ୍ତି । ସେହିପରି ବର୍ତ୍ତମାନ ସୁଦ୍ଧା ଦେଶରେ ମୋଟ୍  ୩ ଲକ୍ଷ ୯୪ ହଜାର ୪୯୩  ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ଘଟିଛି । ଏବେ ସୁଦ୍ଧା ଦେଶରେ ୩୧,୫୦,୪୫,୯୨୬ ଲୋକଙ୍କୁ ଟିକା ଦିଆଯାଇଛି । ଗତ ୨୪ ଘଣ୍ଟା ମଧ୍ୟରେ ୬୧,୧୯,୧୬୯ଙ୍କ ଟିକାକରଣ କରାଯାଇଛି ।

ସେପଟେ ଗତକାଲି ମହାରାଷ୍ଟ୍ରରେ ୯୬୭୭ ନୂତନ ମାମଲା ଆସିବା ସହିତ ମୋଟ ସଂକ୍ରମିତଙ୍କ ସଂଖ୍ୟା ୬୦,୧୭,୦୩୫କୁ ବୃଦ୍ଧି ପାଇଛି । ସେହିପରି ୧୫୬ ରୋଗୀଙ୍କ ମୃତ୍ୟୁ ସହ ମୋଟ୍ ମୃତ୍ୟୁ ସଂଖ୍ୟା ୧,୨୦,୩୭୦ ରେ ପହଞ୍ଚିଛି ।