ବଂଶଧାରା ନଦୀ ଜଳ ବିବାଦର ତିନି ଦିନିଆ ଶୁଣାଣି ଶେଷ

ନୂଆଦିଲ୍ଲୀ: ବଂଶଧାରା ନଦୀ ଜଳ ବିବାଦ ମାମଲାର ତିନି ଦିନିଆ ଶୁଣାଣି ଶେଷ ହୋଇଛି। ନେରେଡି ପ୍ରକଳ୍ପ ଦ୍ୱାରା କେତେ ଅଞ୍ଚଳ ପ୍ରଭାବିତ ହେବ ସେ ନେଇ ମିଳିତ ସର୍ଭେ କରିବା ପାଇଁ ଓଡିଶା ଓ ଆନ୍ଧ୍ରପ୍ରଦେଶ ସହମତି ପ୍ରକାଶ କରିଛନ୍ତି।

ଉଭୟ ରାଜ୍ୟର ବୈଷୟିକ ଟିମ୍ ସହ କେନ୍ଦ୍ରୀୟ ଜଳ ଆୟୋଗର ପ୍ରତିନିଧି ୧୦୬ ଏକର ଅବବାହିକା ଅଞ୍ଚଳରେ ସର୍ଭେ କରିବେ। ଏହି ସର୍ଭେ ରିପୋର୍ଟ ଜୁଲାଇ ୮ ତାରିଖ ପୂର୍ବରୁ ଦାଖଲ ହେବ। ଏହି ରିପୋର୍ଟ ଆଧାରରେ ଟ୍ରିବ୍ୟୁନାଲ୍‌ରେ ଶୁଣାଣି ହେବ। ନେରେଡି ପ୍ରକଳ୍ପ ଦ୍ୱାରା ଓଡ଼ିଶାର ବହୁଅଞ୍ଚଳ ପ୍ରଭାବିତ ହେବା ନେଇ ଓଡିଶା ପକ୍ଷରୁ ଟ୍ରିବ୍ୟୁନାଲକୁ ଜଣାଇବା ପରେ ଆନ୍ଧ୍ରପ୍ରଦେଶ ପକ୍ଷରୁ ସର୍ଭେ କରିବାକୁ ପ୍ରସ୍ତାବ ଦିଆଯାଇଥିଲା।