/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626678621.jpg )
/odishatv-khabar/media/post_attachments/uploadimage/library/16_9/16_9_0/monkey_1626694223.jpg)
monkey
ନୂଆଦିଲ୍ଲୀ: ସୋସିଆଲ ମିଡିଆରେ ବିଭିନ୍ନ ସମୟରେ ଆଶ୍ଚର୍ଯ୍ୟଜନକ ଭିଡିଓ ଗୁଡିକୁ ସେୟାର କରାଯାଇଥିବା ଦେଖିବାକୁ ମିଳୁଛି। ଏମିତି ଏକ ଭିଡିଓଟିକୁ ଆଇଏଫ୍ଏସ୍ ଅଧିକାରୀ ପରବିନ୍ କାସୱାନ୍ ନିଜ ଟ୍ୱିଟ୍ରେ ସେୟାର କରିଥିଲେ। ଭିଡିଓଟି ପ୍ରାୟ ଗୋଟେ ମିନିଟ୍ର ଜଣାପଡୁଛି। ଏହି ଭିଡିଓରେ ମାଙ୍କଡଟିର ପରିବାର ଥିବା ଜଣାପଡୁଛି। ମାଙ୍କଡ ଓ ତା’ର ଛୁଆ ଘରର ଛାତ ଉପରେ ଖେଳୁଥିବା ସମୟରେ କୌଣସି କାରଣ ବଶତଃ ମାଙ୍କଡ଼ର ଛୁଆଟି ପାଖରେ ଥିବା ଲାଇନ୍ ତାରରେ ଫସି ଯାଇଥିବା ଦେଖିବାକୁ ମିଳିଛି।
A rescue operation by mother. How can it fail ? @zubinasharapic.twitter.com/TYiQpmFdfd
— Parveen Kaswan, IFS (@ParveenKaswan) May 16, 2020
ପରେ ଛୁଆଟି ମା’ ମାଙ୍କଡ଼ ପାଖୁକୁ ଆସିବାକୁ ଚେଷ୍ଟା କରୁଛି। କିନ୍ତୁ ପିଲାଟି ଛୋଟ ଥିଲା ଏବଂ ତାର ଓ କାନ୍ଥ ମଧ୍ୟରେ ଦୂରତା ମଧ୍ୟ ଲମ୍ବା ଥିଲା। ମାଙ୍କଡ ଛୁଆଟି ଡରି ଯାଇଥିଲା। ସେ ବସିଥିବା ତାରଟି ବହୁତ ଜୋରରେ ହଲୁଥିବାର ଦେଖିବାକୁ ମିଳିଥିଲା। ଯେମିତି ଲାଗୁଥିଲା ଛୁଆଟି ତଳେ ପଡିଯିବ।
ଅନ୍ୟପଟେ ଛାତ ଉପରେ ବସିଥିବା ଛୁଆଟିର ମା’ ଏସବୁ ଦେଖି ବ୍ୟତିବ୍ୟସ୍ତ ହୋଇପଡୁଥିଲା। କ‘ଣ କରିବ ସେ? ଛୁଆଟିକୁ କେମିତି ରକ୍ଷା କରିବ। ଉପାୟ ଖୋଜୁଥିଲା ମନେ ମନେ। ଛୁଆଟି ମଧ୍ୟ ମା’କୁ ଦେଖି ହାତ ବଢ଼ାଉଥିଲା। ଯେମିତି ଲାଗୁଥିଲା ମା’ ମତେ ଏଠୁ ନେଇଯା’। ପରେ ମା’ଟି ଛୁଆଟିରୁ ପାଖକୁ ଡେଇଁଥିଲା। କିନ୍ତୁ ଛୁଆଟିକୁ ଆଣି ପାରିନଥିଲା। ପୁନଃ ଆଉଥରେ ମା’ ମାଙ୍କଡଟି ଚେଷ୍ଟା କରି ତାର ଛୁଆକୁ କୋଳେଇ ଆଣିବାରେ ସଫଳ ମଧ୍ୟ ହୋଇଥିଲା।
ଆଇଏଫ୍ଏସ୍ ଅଧିକାରୀ ପରବିନ୍ କାସୱାନ୍ ଏହି ଭିଡିଓଟିକୁ ସେୟାର କରି କହିଛନ୍ତି, ‘ମା ଦ୍ୱାରା ଉଦ୍ଧାର କାର୍ଯ୍ୟ’। ଏହା କିପରି ବିଫଳ ହେବ’। ଏହି ଭିଡିଓଟିରେ ୨୨ହଜାରରୁ ଅଧିକ ଭ୍ୟୁଜ୍ ମିଳିଥିବାବେଳେ ୩ହଜାରରୁ ଅଧିକ ଲାଇକ୍ କରିଥିବା ଜଣାପଡିଛି।
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)