Police Officer Charged: ଫୋନ ଆସିଲା ଗୁଳିମାଡ଼ ହୋଇଛି, ପୋଲିସ ଅଧିକାରୀ ଗଲେ କାଫେ ...ଖାଇବାକୁ ପିଜା

ଗୋଟିଏ ଅଞ୍ଚଳରେ ଗୁଳିକାଣ୍ଡ ଘଟିଛି, ଦୁଇଜଣ ଲୋକ ପ୍ରାଣ ହରାଇଛନ୍ତି ଏବଂ ପୋଲିସକୁ ଡକାଯାଇଛି... ଏପରି ପରିସ୍ଥିତିରେ ଜଣେ ପୋଲିସ ଅଧିକାରୀଙ୍କ କାମ କ'ଣ? ନିଶ୍ଚିତ ଭାବରେ ପ୍ରାଥମିକ କର୍ତ୍ତବ୍ୟ ହେଉଛି ଯଥାଶୀଘ୍ର ଘଟଣାସ୍ଥଳରେ ପହଞ୍ଚିବା ।  ଆଉ କୌଣସି ଗୁଳିକାଣ୍ଡ ନ ଘଟେ ତାହା ନିଶ୍ଚିତ କରିବା ଏବଂ ଘଟଣାସ୍ଥଳରେ ତଦନ୍ତ ଆରମ୍ଭ କରିବା। କିନ୍ତୁ ଜଣେ ଆମେରିକୀୟ ପୋଲିସ ଅଧିକାରୀ ଏହା କଲେ ନାହିଁ। ଆମେରିକାର ନ୍ୟୁ ଜର୍ସିର ଜଣେ ଅଧିକାରୀ ଗୁଳିକାଣ୍ଡ ସ୍ଥାନରେ ତୁରନ୍ତ ପହଞ୍ଚି ନପାରି ଉପଯୁକ୍ତ ତଦନ୍ତ ନକରିବା ଅଭିଯୋଗ ହୋଇଛି। ଏହା ବଦଳରେ ସେ ଏକ ଏଟିଏମ୍ ଏବଂ ତା'ପରେ ଏକ କାଫେକୁ ପିଜା ଖାଇବାକୁ ଯାଇଥିଲେ।

ଏକ ରିପୋର୍ଟ ଅନୁଯାୟୀ, କର୍ତ୍ତୃପକ୍ଷ ଅଭିଯୋଗ କରିଛନ୍ତି ଯେ ନ୍ୟୁ ଜର୍ସିର ଫ୍ରାଙ୍କଲିନ୍ ଟାଉନସିପ୍‌ର ପୋଲିସ ସାର୍ଜେଣ୍ଟ କେଭିନ୍ ବୋଲାରୋ ଅଗଷ୍ଟ ୧ ତାରିଖ ସନ୍ଧ୍ୟାରେ ଡ୍ୟୁଟିରେ ଥିଲେ, ଯେତେବେଳେ ପୋଲିସ କେନ୍ଦ୍ରୀୟ ନ୍ୟୁ ଜର୍ସିର ମାନହାଟନ୍‌ରୁ ପ୍ରାୟ ୯୬ କିଲୋମିଟର ଦୂରରେ ଥିବା ପିଟ୍ସଟାଉନ୍‌ରେ ଗୁଳି ଫୁଟିବା ଏବଂ ଚିତ୍କାରର ଖବର ପାଇ ୯୧୧ରେ କଲ୍ ପାଇଲା। ପବ୍ଲିକ୍ ପ୍ରସିକ୍ୟୁଟର କହିଛନ୍ତି ଯେ GPS ଡାଟା ଏବଂ CCTV ଫୁଟେଜ୍ ଦର୍ଶାଉଛି ଯେ ପୋଲିସ ଅଧିକାରୀ ବୋଲାରୋ ତୁରନ୍ତ ଘଟଣାସ୍ଥଳକୁ ଯିବା ପରିବର୍ତ୍ତେ ବିପରୀତ ଦିଗରେ ପ୍ରାୟ ୨ ମାଇଲ୍ ଗାଡ଼ି ଚଳାଇ ଏକ ବ୍ୟାଙ୍କ ATM ନିକଟକୁ ଯାଇଥିଲେ।

ବୋଲାରୋ ତାଙ୍କ ପୋଲିସ କାରର ଜରୁରୀକାଳୀନ ଲାଇଟ୍ ଜାଳି ନଥିଲେ କିମ୍ବା ସାଇରନ୍ ବଜାଇ ନଥିଲେ। ତାଙ୍କୁ କଲ୍ ଆସିଥିବା ନିକଟସ୍ଥ ଅନ୍ୟ ସ୍ଥାନଗୁଡ଼ିକୁ ଯିବାକୁ ମଧ୍ୟ ନିର୍ଦ୍ଦେଶ ଦିଆଯାଇଥିଲା। 
ଯେତେବେଳେ ସେ ପ୍ରଥମେ କଲ ଆସିଥିବା ସ୍ଥାନରେ ପହଞ୍ଚିଲେ, ସେଠି କିଛି ଘଟିନଥିବା ସେ ଡିସପ୍ୟାଚର ଅଧିକାରୀଙ୍କୁ କହିଥିଲେ । ସେଥିପାଇଁ ସେ ଅନ୍ୟ ସ୍ଥାନକୁ ଯାଇଥିବା କହିଥିଲେ । କିନ୍ତୁ GPS ତଥ୍ୟ ଅନୁସାରେ ସେ କେବେ ସେହି ସ୍ଥାନଗୁଡ଼ିକୁ ଯାଇ ନାହାଁନ୍ତି।

GPS ତଥ୍ୟରୁ ଜଣାପଡ଼ିଲା ଯେ ବୋଲାରୋ ପିଟ୍ସଟାଉନର ଡ୍ୟୁକ୍ସ ପିଜାରିଆକୁ ଯାଇଥିଲେ, ଯେଉଁଠାରେ ସେ ପ୍ରାୟ ଏକ ଘଣ୍ଟା ରହିଥିଲେ। ପରେ ପ୍ରତ୍ୟକ୍ଷଦର୍ଶୀମାନେ ତାଙ୍କୁ ଅନ୍ୟ ଏକ ରେଷ୍ଟୁରାଣ୍ଟକୁ ଯିବାର ଦେଖିଥିଲେ, ଯେଉଁଠାରେ ସେ ପ୍ରାୟ ଏକ ଘଣ୍ଟା ରହିଥିଲେ । ପବ୍ଲିକ ପ୍ରସିକ୍ୟୁଟର ଏହି ସୂଚନା ଦେଇଛନ୍ତି ।