Deadly Floods: ଭୟଙ୍କର ବନ୍ୟାରେ ୪୦ରୁ ଅଧିକ ମୃତ , ଅନେକ ଲୋକ ନିଖୋଜ...ରାସ୍ତାଘାଟ ଜଳମଗ୍ନ

ମେକ୍ସିକୋର ଭୟଙ୍କର ବନ୍ୟା । ମେକ୍ସିକୋର ଦକ୍ଷିଣ-ପୂର୍ବାଞ୍ଚଳ ଏବେ ପ୍ରକୃତିର ରୌଦ୍ର ରୂପର ସାମନା କରୁଛି। ଅବିରତ ବର୍ଷା ଯୋଗୁଁ ଉପୁଜିଥିବା ବନ୍ୟା ଓ ଭୂସ୍ଖଳନ ଏହି ଅଞ୍ଚଳରେ କ୍ଷୟକ୍ଷତି ଘଟାଇଛି । ଏଥିରେ ଏପର୍ଯ୍ୟନ୍ତ ୪୧ ଜଣଙ୍କ ଜୀବନ ଯାଇଛି ଏବଂ ଅନେକ ଲୋକ ନିଖୋଜ ଅଛନ୍ତି। ଦକ୍ଷିଣ-ପୂର୍ବ ମେକ୍ସିକୋରେ ବର୍ଷା ଜାରି ରହିଛି। ଫଳରେ ନଦୀର ପାଣି ଫୁଲିଛି ଏବଂ ରାସ୍ତାଘାଟକୁ ଜଳମଗ୍ନ କରିଛି। କେତେକ ସ୍ଥାନରେ ପାଣିର ଗଭୀରତା ୧୨ ଫୁଟରୁ ଅଧିକ ହୋଇଯାଇଛି, ଯାହା ଗାଡ଼ିଗୁଡ଼ିକୁ ଭସାଇ ନେଇଛି ।

ସ୍ଥାନୀୟ ବାସିନ୍ଦାମାନେ କହୁଛନ୍ତି ଗାଡ଼ି ଧକ୍କା ଖାଇବାର ଭୟଙ୍କର ଶବ୍ଦ ରାତିରେ ଶୁଣାଯାଉଥିଲା, ଯେମିତି ପ୍ରକୃତି ନିଜେ କ୍ରୋଧ କରୁଛି। ମୃତ୍ୟୁ ସଂଖ୍ୟା ଆଗକୁ ଆହୁରି ବଢ଼ିପାରେ କାରଣ ପାଣି ଏବେ ବି ବଢ଼ୁଛି। ଅନେକ ଲୋକ ଘରବାଡ଼ି ହରାଇ ରାସ୍ତାରେ ଦିନ କାଟୁଛନ୍ତି। ଏହି ସମୟରେ ମେକ୍ସିକୋର ଲୋକଙ୍କ ସାହସ ଓ ଧୈର୍ଯ୍ୟ ପ୍ରଶଂସନୀୟ। ସେମାନେ ପରସ୍ପରକୁ ସାହାଯ୍ୟ କରି ଏହି ସଙ୍କଟକୁ ମୁକାବିଲା କରୁଛନ୍ତି।

ସରକାର ଉଦ୍ଧାର କାର୍ଯ୍ୟରେ ସୈନିକମାନଙ୍କୁ ନିୟୋଜିତ କରିଛନ୍ତି । ନିଖୋଜ ଲୋକଙ୍କୁ ଖୋଜିବା ପାଇଁ ସ୍ବତନ୍ତ୍ର ଅଭିଯାନ ଚାଲିଛି । ହେଲିକପ୍ଟର ଓ ବୋଟ ବ୍ୟବହାର କରି ଉଦ୍ଧାର କାର୍ଯ୍ୟ ଚାଲିଛି। ରାସ୍ତାଗୁଡ଼ିକ ସଫା କରାଯାଉଛି ଯେପରି ଯାତାୟାତ ସୁବିଧାରେ ହୋଇପାରିବ ଓ ସାହାଯ୍ୟ ପହଞ୍ଚିପାରିବ। ଆନ୍ତର୍ଜାତୀୟ ସଂଗଠନଗୁଡ଼ିକ ମଧ୍ୟ ସାହାଯ୍ୟ ପଠାଉଛନ୍ତି।