US Airstrike: ଆମେରିକା ନେଲା ଭୟଙ୍କର ପ୍ରତିଶୋଧ

ଆମେରିକା ନେଲା ଭୟଙ୍କର ପ୍ରତିଶୋଧ। ସିରିୟା ଉପରେ କଲା ଏୟାର ଷ୍ଟ୍ରାଇକ୍। ଆମେରିକୀୟ ସୈନିକଙ୍କ ମୃତ୍ୟୁର ନେଲା ପ୍ରତିଶୋଧ !
ସିରିୟା ଉପରେ ଭୟଙ୍କର ଆକ୍ରମଣ କରିଛି ଆମେରିକା। ୩୦ ରୁ ଅଧିକ ଆଇଏସ୍ ଆଡ୍ଡା ଉପରେ କରିଛି ଏୟାର ଷ୍ଟ୍ରାଇକ୍। ଏହି ଆକ୍ରମଣ ଡିସେମ୍ବରରେ ହୋଇଥିବା ଆକ୍ରମଣର ଜବାବରେ କରାଯାଇଥିଲା ଯେଉଁଥିରେ ଦୁଇ ଆମେରିକୀୟ ସୈନିକ ଓ ଜଣେ ଆମେରିକୀୟ ନାଗରିକ ଅନୁବାଦକଙ୍କ ମୃତ୍ୟୁ ହୋଇଥିଲା।  ଆମେରିକୀୟ କେନ୍ଦ୍ରୀୟ କମାଣ୍ଡର ଏକ ବିବୃତ୍ତି ଅନୁଯାୟୀ, ଆମେରିକାର ବିମାନ ଫେବ୍ରୁଆରି ୩ ରୁ ଫେବ୍ରୁଆରି ୧୨ ମଧ୍ୟରେ ୩୦ ରୁ ଅଧିକ ଆଇଏସ୍ ଟାର୍ଗେଟ୍ ଉପରେ ୧୦ ଥର ଆକ୍ରମଣ କରିଥିଲା। ଯେଉଁଥିରେ ଅସ୍ତ୍ରଶସ୍ତ୍ର ଡିପୋ ଏବଂ ଅନ୍ୟାନ୍ୟ ସୁବିଧା ଅନ୍ତର୍ଭୁକ୍ତ ଥିଲା।

ଆମେରିକୀୟ ସେଣ୍ଟ୍ରାଲ କମାଣ୍ଡ ‘ଅପରେସନ ହକଆଇ ଷ୍ଟ୍ରାଇକ’ ଅଧୀନରେ ଚାଲୁଥିବା ଏହି ଅଭିଯାନର ନୂଆ ଫଟୋ ଭିଡ଼ିଓ ଜାରି କରିଛି। ଡିସେମ୍ବର ୧୩ରେ ପାଲମାଇରାରେ ହୋଇଥିବା ଗୁଳିକାଣ୍ଡରେ ଦୁଇ ଆମେରିକୀୟ ସେନା ଓ ଜଣେ ଇଣ୍ଟରପ୍ରେଟର ମୃତ୍ୟୁବରଣ କରିଥିଲେ। ଏହା ପରେ ୧୯ ଡିସେମ୍ବର ୨୦୨୫ରୁ ଅଭିଯାନ ଆରମ୍ଭ ହୋଇଥିଲା। 

୩ ଫେବୃଆରୀରୁ ୧୨ ଫେବୃଆରୀ ମଧ୍ୟରେ ନୂଆ ପର୍ଯ୍ୟାୟରେ ୧୦ଟି ସଠିକ୍ ବାୟୁ ଆକ୍ରମଣ କରାଯାଇ, ୩୦ରୁ ଅଧିକ ଆଇଏସଆଇଏସ ଠିକଣା—ଅସ୍ତ୍ର ଗୋଦାମ, ସଂଯୋଗ ନେଟୱର୍କ ଓ ଲଜିଷ୍ଟିକ୍ କେନ୍ଦ୍ର—ଧ୍ୱଂସ କରାଯାଇଛି। ଏହି ଅଭିଯାନରେ F-15E ଷ୍ଟ୍ରାଇକ ଇଗଲ, ଘୋଷ୍ଟରାଇଡର, MQ-9 ରିପର ଡ୍ରୋନ୍ ଓ F-16 ବିମାନ ଯୋଗ ଦେଇଥିଲା। ଅଭିଯାନ ଆରମ୍ଭ ହେଉଥିବାରୁ ଏପର୍ଯ୍ୟନ୍ତ ୫୦ ଅଧିକ ଆଇଏସଆଇଏସ ଆତଙ୍କବାଦୀ ମୃତ ହୋଇଛନ୍ତି।