ଲିଭର୍‌ରେ ଅପରିଷ୍କାର ଜମିଲେ ଦେଖାଦେବ ଏଇସବୁ ଲକ୍ଷଣ

ଭୁବନେଶ୍ୱର : ଆମ ଶରୀରର ଅନ୍ୟତମ ଗୁରୁତ୍ୱପୂର୍ଣ୍ଣ ଅଙ୍ଗ ହେଉଛି ଲିଭର୍‌ ବା ଯାହାକୁ ଆମେ ଓଡ଼ିଆରେ କହୁ ଯକୃତ। ଲିଭର୍‌ ଆମ ଶରୀରକୁ ସଂକ୍ରମଣରୁ ରକ୍ଷା କରିବା ସହିତ ରକ୍ତରୁ ଅପରିଷ୍କାର ଜିନିଷକୁ ବାହାର କରିଥାଏ। ଏହା ବିନା ଜଣେ ମଣିଷ ବଞ୍ଚି ପାରିବ ନାହିଁ। ତେବେ ଖରାପ ଖାଦ୍ୟ ଓ ପାନୀୟ ଯୋଗୁ ଲିଭର୍‌ରେ ଅପରିଷ୍କାର ଜିନିଷ ଜମିଲେ ସମସ୍ୟା ଦେଖାଯାଏ। ଏହାଦ୍ୱାରା କେବଳ ଲିଭର୍‌ର କାର୍ଯ୍ୟଶୈଳୀ ପ୍ରଭାବିତ ହୋଇ ନଥାଏ, ତା’ସହ ଅନେକ ଜଟିଳ ସମସ୍ୟା ମଧ୍ୟ ସୃଷ୍ଟି ହୋଇଥାଏ। ତା’ହେଲେ ଲିଭର୍‌ରେ ଅପରିଷ୍କାର ଜମିଛି ବୋଲି କେମିତି ଜାଣିବେ।

ଏହାର ବି କିଛି ଲକ୍ଷଣ ଅଛି। ସେହି ଲକ୍ଷଣଗୁଡ଼ିକ ବିଷୟରେ ସମସ୍ତେ ନିହାତି ଜାଣିବା ଆବଶ୍ୟକ। ତା’ହେଲେ ଲିଭର୍‌ରେ କୌଣସି କାରଣରୁ ଅପରିଷ୍କାର ଜମୁଥିଲେ ସେଥିଯୋଗୁ ସୃଷ୍ଟି ହେବାକୁ ଥିବା ସମସ୍ୟା ଜଟିଳ ରୂପ ଧାରଣ କରିବା ପୂର୍ବରୁ ତା’ର ଉପଚାର କରି ହେବ।

ପରିସ୍ରାର ରଙ୍ଗ ବଦଳି ଯାଏ 
ଲିଭର୍‌ରେ ଅପରିଷ୍କାର ଜମା ହେଲେ ପରିସ୍ରାର ରଙ୍ଗ ବଦଳି ଯାଏ। ଏହି ସମୟରେ ପରିସ୍ରାର ରଙ୍ଗ ଗାଢ଼ ହଳଦିଆ ହୋଇଯାଏ। ତା’ସହିତ ପରିସ୍ରା ଅଧିକ ଫେଣ ହୋଇଥାଏ। ଯଦି କେହି ଲଗାତାର ଏଭଳି ଲକ୍ଷଣ ଦେଖନ୍ତି, ତା’ହେଲେ ଅବଶ୍ୟ ଡାକ୍ତରଙ୍କ ପରାମର୍ଶ ନେବା ଦରକାର।