Won
Lost
Lost
ରାଜନୀତି ବିଜ୍ଞାନରେ ସ୍ନାତକୋତ୍ତର ଡିଗ୍ରୀ ହାସଲ କରିଥିବା ଅନୀତା ହେଉଛନ୍ତି ଜନତା ଦଳ, ବିଜେଡି ଏବଂ ବିଜେପିର ଜଣେ ଭେଟେରାନ୍ ନେତା ରାମକୃଷ୍ଣ ପଟ୍ଟନାୟକଙ୍କ ଝିଅ। ରାମକୃଷ୍ଣ ପଟ୍ଟନାୟକ ୨୦୦୪ରେ କଂଗ୍ରେସ ଟିକେଟରେ ସାଂସଦ ଭାବରେ ପ୍ରତିଦ୍ୱନ୍ଦ୍ୱିତା କରିଥିଲେ, କିନ୍ତୁ ବିଜେଡିର ହରିହର ସ୍ୱାଇଁ ତାଙ୍କୁ ପରାସ୍ତ କରିଥିଲେ।
Won
Lost
Lost
ପ୍ରତାପ ଚନ୍ଦ୍ର ଷଡ଼ଙ୍ଗୀ ଜଣେ ବରିଷ୍ଠ ବିଜେପି ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ । ପୂର୍ବରୁ ସେ ନୀଳଗିରି ବିଧାୟକ ଭାବେ ମଧ୍ୟ ନିର୍ବାଚିତ ହୋଇଥିଲେ । ବିଜେପି ତରଫରୁ ସେ ୨୦୧୪ ରେ ବାଲେଶ୍ୱରର ଲୋକସଭା ପ୍ରାର୍ଥୀ ଭାବରେ ଟିକେଟ ପାଇଥିଲେ। ତେବେ ସେ ଦ୍ୱିତୀୟ ସ୍ଥାନରେ ରହିଥିଲେ । ୨୦୧୪ ନିର୍ବାଚନରେ ବିଜେଡିର ରବୀନ୍ଦ୍ର କୁମାର ଜେନା ଏହି ଆସନରୁ ବିଜୟ ଲାଭ କରିଥିଲେ । ତେବେ ୨୦୧୯ ରେ ବିଜେପି ପୁଣି ଥରେ ପ୍ରତାପଙ୍କ ଉପରେ ଭରଷା କରିଥିଲା ଏବଂ ସେ ସାଂସଦ ଭାବରେ ବାଲେଶ୍ୱରରୁ ନିର୍ବାଚିତ ହୋଇଥିଲେ । ଚଳିତ ନିର୍ବାଚନରେ ମଧ୍ୟ ବିଜେପି ତାଙ୍କୁ ପୁଣି ଥରେ ପ୍ରାର୍ଥୀ କରିଛି । ଜଣେ ବିଚକ୍ଷଣ ଓ ସଚ୍ଚୋଟ ରାଜନେତା ଭାବେ ସାରା ରାଜ୍ୟରେ ତାଙ୍କର ବେଶ୍ ପରିଚିତି ରହିଛି।
Won
Lost
Lost
ଚଳିତ ନିର୍ବାଚନରେ ବରଗଡ଼ ଲୋକସଭା ଆସନରୁ ବିଜେପି ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଛି । ବିଜେପି ସାଂସଦ ସୁରେଶ ପୂଜାରୀଙ୍କ ସ୍ଥାନରେ ବିଜେପି ଚଳିତ ଥର ପ୍ରଦୀପଙ୍କ ଉପରେ ଭରସା କରିଛି ।ଏହାପୂର୍ବରୁ ପ୍ରଦୀପ ୨୦୧୪ରେ ପଦ୍ମପୁର ବିଧାନସଭା ଆସନରୁ ବିଜେପି ଟିକେଟରେ ବିଧାନସଭାକୁ ନିର୍ବାଚିତ ହୋଇଥିଲେ । ତେବେ ଏହାପରେ ୨୦୧୯ ସାଧାରଣ ନିର୍ବାଚନରେ ପଦ୍ମପୁର ବିଧାନସଭା ଆସନରୁ ଲଢ଼ି ବିଜୟ ରଞ୍ଜନ ସିଂ ବରିହାଙ୍କଠାରୁ ପରାଜୟ ବରଣ କରିଥିଲେ । ତେବେ ବିଜୟ ରଞ୍ଜନ ସିଂ ବରିହାଙ୍କ ମୃତ୍ୟୁ ପରେ ହୋଇଥିବା ଉପନିର୍ବାଚନରେ ମଧ୍ୟ ପରାଜୟର ସ୍ୱାଦ ଚାଖିଥିଲେ ପ୍ରଦୀପ।
Won
Lost
Lost
ବ୍ରହ୍ମପୁର ଲୋକସଭା ନିର୍ବାଚନମଣ୍ଡଳୀ ପାଇଁ ବିଜେପି ପ୍ରଦୀପ କୁମାର ପାଣିଗ୍ରାହୀଙ୍କୁ ପ୍ରାର୍ଥୀ କରିଛି। ଗୋପାଳପୁର ବିଧାନସଭା ଆସନର ବିଧାୟକ ପ୍ରଦୀପ ପାଣିଗ୍ରାହୀ ଏକଦା ମୁଖ୍ୟମନ୍ତ୍ରୀଙ୍କ ଘନିଷ୍ଠ ଓ ବିଶ୍ୱାସୀ ଥିଲେ। ତାଙ୍କୁ ବିଜେଡିରୁ ବହିଷ୍କାର କରାଯିବା ପରେ ସେ ବିଜେପିରେ ଯୋଗ ଦେଇଛନ୍ତି। ବିଜେପି ପ୍ରଦୀପ ପାଣିଗ୍ରାହୀଙ୍କ ଉପରେ ଆସ୍ଥା ପ୍ରକଟ କରିଛି।
Won
Lost
Lost
ବିଜେପି ପ୍ରାର୍ଥୀ ଅଭିମନ୍ୟୁ ସେଠୀ ଅର୍ଜୁନ ଚରଣ ସେଠୀଙ୍କ ପୁଅ। ବିଜେଡି ଟିକେଟ୍ ନଦେବାରୁ ଏହି ବାପ-ପୁଅ ଯୋଡି ୨୦୧୯ ନର୍ବାଚନ ପୂର୍ବରୁ ବିଜେପି ଶିବିରରେ ଯୋଗ ଦେଇଥିଲେ। ଅର୍ଜୁନ ସେଠୀ ଜଣେ ଆଠ ଥରର ସାଂସଦ ଏବଂ ଅଟଳ ବିହାରୀ ବାଜପେୟୀ ସରକାରରେ ମନ୍ତ୍ରୀ ଥିଲେ। ସେ ଦକ୍ଷତାର ସହ ନିଜର ଦାୟିତ୍ୱ ତୁଲାଇଥିବା ବେଳେ ୨୦୧୯ ରେ ବିଜେପିର ଅଭିମନ୍ୟୁ ସେଠୀ ୪,୮୦,୮୭୪ ଖଣ୍ଡ ଭୋଟ ସହ ଦ୍ୱିତୀୟ ସ୍ଥାନରେ ରହିଥିଲେ।
Won
Lost
Lost
୧୧ ବର୍ଷ ଧରି ଅଫିସର ରହିବା ପରେ ସେବା ପାଇଁ ରାଜନୀତିରେ ପ୍ରବେଶ କରିଥିଲେ ଅପରାଜିତା ଷଡ଼ଙ୍ଗୀ। ନିଜର ଆଇଏଏସ୍ ଜୀବନରେ ସେ ଜଣେ କର୍ମଠ ମଣିଷ ଥିଲେ। ସେ ଭୁବନେଶ୍ୱର ମ୍ୟୁନିସିପାଲିଟି କର୍ପୋରେସନ୍ (ବିଏମସି) ର କମିଶନର ଭାବରେ ମଧ୍ୟ କାର୍ଯ୍ୟ କରିଥିଲେ। ୨୦୧୮ ରେ ସେ ରାଜନୀତିରେ ପ୍ରବେଶ କରିଥିଲେ। ରାଜନୀତିରେ ସେ ନିଜର ଦକ୍ଷତା ପ୍ରତିପାଦନ କରି ବେଶ୍ ଲୋକପ୍ରିୟତା ହାସଲ କରିଛନ୍ତି। ଅପରାଜିତା ୧୯୯୪ ବ୍ୟାଚ୍ ଓଡିଶା କ୍ୟାଡରର IAS ଅଧିକାରୀ ଥିଲେ।
Won
Lost
Lost
ଏହି ଆସନ ପାଇଁ ବିଜେପି ପୁଣି ଥରେ ସଂଗୀତାଙ୍କୁ ରିପିଟ୍ କରିଛି । ଗତ ଥର ସଂଗୀତା ୪,୯୮,୦୮୬ ଭୋଟ ପାଇ ବିଜେଡି ପ୍ରାର୍ଥୀ କହିକେଶ ସିଂହଦେଓଙ୍କୁ ପରାଜିତ କରିଥିଲେ । କଳିକେଶ ୪,୭୮,୫୭୦ ଭୋଟ ପାଇଥିଲେ । ପାଟଣାଗଡ଼ ରାଜା ତଥା ପୂର୍ବତନ ପାଟଣାଗଡ଼ ବିଧାୟକ କେଭି ସିଂହଦେଓଙ୍କ ପତ୍ନୀ ହେଉଛନ୍ତି ସଙ୍ଗୀତା କୁମାରୀ ସିଂହଦେଓ।
Won
Lost
Lost
କଟକରୁ ୬ଥର ସାଂସଦ ହୋଇଛନ୍ତି ଭର୍ତ୍ତୃହରି ମହତାବ। ସେ ବିଜେଡିରୁ ଇସ୍ତଫା ଦେଇ ବିଜେପିରେ ସାମିଲ୍ ହୋଇଛନ୍ତି। ଗତ ନିର୍ବାଚନରେ ସେ ବିଜେପିର ପ୍ରକାଶ ମିଶ୍ରଙ୍କୁ ବିପୁଳ ଭୋଟ୍ ରେ ପରାସ୍ତ କରିଥିଲେ। ମାତ୍ର ୨୦୨୪ ନିର୍ବାଚନ ପୂର୍ବରୁ ଦଳ ପରିବର୍ତ୍ତନ କରିଛନ୍ତି ଭର୍ତ୍ତୃହରି ମହତାବ। ବିଜେଡିରେ ମତଭେଦ ଓ ଅନ୍ୟାନ୍ୟ କାରଣ ଦର୍ଶାଇ ସେ ଇସ୍ତଫା ଦେଇଥିଲେ। ମହତାବ ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ହରେକୃଷ୍ଣ ମହତାବଙ୍କ ସୁପୁତ୍ର। ୨୦୧୪ ରୁ ୨୦୧୯ ମଧ୍ୟରେ ଭର୍ତ୍ତୃହରି ବିଜେଡିର ସଂସଦୀୟ ଦଳ ନେତା ଥିଲେ। ସଂସଦୀୟ ବିତର୍କରେ ଉତ୍ତମ ପ୍ରଦର୍ଶନ ପାଇଁ ତାଙ୍କୁ ଚାରିଥର ସମ୍ମାନଜନକ ସଂସଦ ରତ୍ନ ମଧ୍ୟ ପ୍ରଦାନ କରାଯାଇଥିଲା।
Won
Lost
Lost
ବିଜେପି ନିଜର ପ୍ରାର୍ଥୀ ରୁଦ୍ର ନାରାୟଣ ପାଣିଙ୍କୁ ରିପିଟ୍ କରିଛି। ଗତ ନିର୍ବାଚନରେ ମହେଶ ସାହୁଙ୍କୁ ୫,୨୨,୮୮୪ଖଣ୍ଡ ଭୋଟ୍ ମିଳିଥିବା ବେଳେ ରୁଦ୍ର ନାରାୟଣ ପାଣିଙ୍କୁ ୪,୮୭,୪୭୨ଖଣ୍ଡ ଭୋଟ୍ ମିଳିଥିଲା। ଗତ ତିନୋଟି ନିର୍ବାଚନରେ ବିଜେଡିର ତଥାଗତ ସତପଥି ଏଠାରୁ ଜିତିଛନ୍ତି। ତେବେ ପ୍ରତି ନିର୍ବାଚନରେ ରୁଦ୍ରନାରାୟଣ କଡ୍ଡା ଟକ୍କର ଦେଇ ଆସୁଛନ୍ତି।
Won
Lost
Lost
୧୯୬୪ ମସିହା ଜୁନ୍୧୭ରେ ଜଗତସିଂହପୁରରେ ଜନ୍ମଗ୍ରହଣ କରିଥିଲେ ବିଭୁ ପ୍ରସାଦ ତରାଇ । ସେ ୨୦୦୯ ଲୋକସଭା ନିର୍ବାଚନରେ CPI ଟିକେଟରେ ଲୋକସଭାକୁ ନିର୍ବାଚିତ ହୋଇଥିଲେ । ଏହାପରେ ୨୦୧୪ରେ କଂଗ୍ରେସରୁ ଓ ୨୦୧୯ରେ ବିଜେପିରୁ ପ୍ରାର୍ଥୀ ହୋଇ ନିର୍ବାଚନ ଲଢ଼ିଥିଲେ ଆଉ ଉଭୟ ନିର୍ବାଚନରେ ପରାଜୟ ବରଣ ମଧ୍ୟ କରିଥିଲେ । ଗତ ୨୦୧୯ ନିର୍ବାଚନରେ ସେ ବିଜେଡି ପ୍ରାର୍ଥୀ ରାଜଶ୍ରୀ ମଲ୍ଲିକଙ୍କ ଠାରୁ ୨ ଲକ୍ଷ ୭୦ ହଜାରରୁ ଅଧିକ ଭୋଟ୍ରେ ପରାଜୟ ବରଣ କରିଥିଲେ।
Won
Lost
Lost
ଭାରତୀୟ ଜନତା ପାର୍ଟି (ବିଜେପି) ତରଫରୁ ଏଥର ନୂଆ ଚେହେରାକୁ ମଇଦାନକୁ ଲଢ଼ିବାକୁ ପଠାଯାଇଛି। ବିଜେପି ତରଫରୁ ଲଢ଼ିବେ ରବୀନ୍ଦ୍ର ନାରାୟଣ ବେହେରା। ରବୀନ୍ଦ୍ର ଚାରି ବର୍ଷ ପୂର୍ବେ ଜାତୀୟ ସୂଚନା କେନ୍ଦ୍ର (ଏନଆଇସି) ର ନିର୍ଦ୍ଦେଶକ ଭାବରେ ସ୍ୱେଚ୍ଛାକୃତ ଭାବେ ଅବସର ନେଇ ରାଜନୀତିରେ ପ୍ରବେଶ କରିଥିଲେ। ତେବେ ତାଙ୍କୁ ଏ ଅଞ୍ଚଳର ଜନସାଧାରଣଙ୍କ ସେବା କରିବାର ସୁଯୋଗ ମିଳିଥିବାରୁ ସେ ହାଇକମାଣ୍ଡଙ୍କୁ କୃତଜ୍ଞତା ଜଣାଇଛନ୍ତି।
Won
Lost
Lost
ମାଳବିକା ଏଥର ବିଜେପି ପକ୍ଷରୁ ପ୍ରାର୍ଥୀ ହୋଇଛନ୍ତି । ସେ ପୂର୍ବତନ ସାଂସଦ ଅର୍କ କେଶରୀ ଦେଓଙ୍କ ପତ୍ନୀ । ଅର୍କ କେଶରୀ ୨୦୧୪ରେ ବିଜେଡି ଟିକେଟରୁ ଲଢ଼ି ସାଂସଦ ଭାବେ ବିଜୟୀ ହୋଇଥିଲେ । ମାଳବିକା ପ୍ରଥମ ଥର ପାଇଁ ବିଜେପିରୁ ପ୍ରାର୍ଥୀ ହୋଇଛନ୍ତି ।
Won
Lost
Lost
ବିଜେପି ନେତା ସୁକାନ୍ତ ପାଣିଗ୍ରାହୀ ୨୦୧୪ରେ ବିଜେଡି ନେତା ହେମନ୍ତ ଚନ୍ଦ୍ର ସିଂଙ୍କ ବିପକ୍ଷରେ ନିର୍ବାଚନ ଲଢି ପରାସ୍ତ ହୋଇଥିଲେ। ଏବାପୂର୍ବରୁ ବିଜେପିର ମହା ମେଘବାହନ ଐରଖାରବେଳ ସ୍ୱାଇଁଙ୍କୁ ୩,୧୨,୪୬୩ଖଣ୍ଡ ଭୋଟ୍ ମିଳିଥିବା ବେଳେ କଂଗ୍ରେସର ମନୋଜ କୁମାର ଆଚାର୍ଯ୍ୟ ୧,୩୮,୪୯୩ ଖଣ୍ଡ ଭୋଟ୍ ପାଇଥିଲେ।
Won
Lost
Lost
ସମ୍ପ୍ରତି ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା କେନ୍ଦ୍ରାପଡ଼ାର ୧୫ ଓ ୧୬ ତମ ସାଂସଦ ଥିଲେ । ସେ ୨୦୦୦ ରୁ ୨୦୦୯ ପର୍ଯ୍ୟନ୍ତ ଦୁଇଥର ରାଜ୍ୟସଭାରେ ମଧ୍ୟ ସାଂସଦ ଥିଲେ । କେନ୍ଦ୍ରାପଡା ଜିଲ୍ଲାର ସାଂସଦ ଭାବରେ ବୈଜୟନ୍ତ ପଣ୍ଡା, ନିର୍ବାଚନମଣ୍ଡଳୀର ଲୋକଙ୍କୁ ପାନୀୟ ଜଳ ସୁବିଧା ଯୋଗାଇବା ସହ ଅନେକ ବିକାଶମୂଳକ କାର୍ଯ୍ୟ କରିଛନ୍ତି । ବୈଜୟନ୍ତ ପଣ୍ଡା ନିଜ ନିର୍ବାଚନମଣ୍ଡଳୀ ଲୋକଙ୍କ ସୁଖଦୁଃଖରେ ସବୁ ସମୟରେ ଥିବାର ନଜର ଆସିଥାଏ । କଠିନ ପରିସ୍ଥିତି ଯେପରି କି, ବନ୍ୟା-ବାତ୍ୟା କିମ୍ବା ଅନ୍ୟ କୌଣସି ବିପର୍ଯ୍ୟୟରେ ସେ ଜଣେ ଆଗଧାଡ଼ିର ନେତା ଭାବେ ନିଜ ଅଞ୍ଚଳର ନେତୃତ୍ୱ ନେଇଛନ୍ତି । ଏହା ସହ ଜାତୀୟ ସ୍ତରରେ ମଧ୍ୟ ବୈଜୟନ୍ତ ବିଭିନ୍ନ ସମୟରେ ନିଜର ଦବ୍ ଦବା ଜାହିର କରିଛନ୍ତି । ବିଶେଷ କରି ଦେଶ ବାହାରେ ଫସି ରହିଥିବା ଭାରତୀୟଙ୍କୁ ଉଦ୍ଧାର କରିବାରେ ତାଙ୍କର ସ୍ୱତନ୍ତ୍ର ଭୂମିକା ରହିଛି।
Won
Lost
Lost
ଅନନ୍ତ ନାୟକ ବିଜେପିର ଜଣେ ପୁରୁଣା ଯୁଦ୍ଧା। ୧୯୯୯ ଏବଂ ୨୦୦୪ରେ ଦୁଇଥର ଲୋକସଭାକୁ ନିର୍ବାଚିତ ହୋଇଥିବାରୁ ଅନନ୍ତ ନାୟକ କେନ୍ଦୁଝରର ଜଣେ ଜଣାଶୁଣା ଚେହେରା। ସେ ୨୦୧୯ରେ ଦ୍ୱିତୀୟ ସ୍ଥାନରେ ରହିଥିଲେ। ତେବେ ସେ ଦୁଇଥର ଲୋକସଭାକୁ ନିର୍ବାଚିତ ହୋଇସାରିଥିବାରୁ ତାଙ୍କର ଏ ଅଞ୍ଚଳରେ ବେଶ୍ ଦବ୍-ଦବା ରହିଛି।
Lost
Lost
Won
ବିଜେପି ଏଥର କାଲେରାମ ମାଝିଙ୍କୁ ପ୍ରାର୍ଥୀ କରିଛି । କାଲେରାମ ମାଝି ଜଣେ ଉଚ୍ଚଶିକ୍ଷିତ । ସେ ରାୟଗଡ଼ା କାଶିପୁର ଅଞ୍ଚଳର ମୂଳ ବାସିନ୍ଦା । ସେ ୨୦୦୮ ମସିହାରୁ ବିଜେପି ପାଇ କାମ କରି ଆସୁଛନ୍ତି । ଏଥର କାଲେରାମ ମାଝିଙ୍କ ଉପରେ ଦଳ ଆସ୍ଥା ପ୍ରକଟ କରିଛି।
Won
Lost
Lost
ମୟୁରଭଞ୍ଜରେ ବିଜେପି ଖେଳିଛି ସରପ୍ରାଇଜ୍ କାର୍ଡ। ମୟୁରଭଞ୍ଜ ଲୋକସଭା ଆସନ ପାଇଁ ରାଇରଙ୍ଗପୁର ବିଧାୟକ ନବଚରଣ ମାଝୀଙ୍କୁ ଟିକେଟ୍ ଦେଇଛି। ଆଶ୍ଚର୍ଯ୍ୟର କଥା ହେଲା କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ବଦଳରେ ନବଚରଣ ମାଝୀଙ୍କୁ ଦଳ ଭରସା କରିଛି। ରାଇରଙ୍ଗପୁରକୁ ନୂଆ ଜିଲ୍ଲା ଘୋଷଣା କରିବା ନେଇ ବହୁଚେଷ୍ଟା କରିଥିଲେ ନବଚରଣ ମାଝୀ। ତେବେ ଜିଲ୍ଲା ଗଠନ ଦାବିରେ ସେ ଆଗ ଧାଡ଼ିରେ ରହିଥିବାରୁ ବିଜେପି ତାଙ୍କ ଉପରେ ଭରସା କରିଛି। ଏସବୁ ଦୃଷ୍ଟିରୁ ଏଠାରେ ତ୍ରିମୁଖୀ ଲଢ଼େଇ ହେବ ବୋଲି କୁହାଯାଉଛି।
Won
Lost
Lost
ବଳଭଦ୍ର ମାଝି ୨୦୧୪ ମସିହାରେ ନବରଙ୍ଗପୁର ଆସନରୁ ଲୋକସଭା ପ୍ରାର୍ଥୀ ଭାବେ ନିର୍ବାଚିତ ହୋଇଥିଲେ। ସେ ୨୦୧୯ରେ ବିଜେପିରେ ମିଶିଥିଲେ। ଶ୍ରୀ ମାଝି ୧୯୬୧ ମସିହା ଫେବୃଆରୀ ୯ରେ ନବରଙ୍ଗପୁରରେ ଜନ୍ମ ହୋଇଥିଲେ। ସେ ରାଉରକେଲା NIT ରୁ ଇଂଜିନିୟରଂ ଶିକ୍ଷା ଲାଭ କରିଛନ୍ତି। ତାଙ୍କ ଚାକିରି ଜୀବନରେ ସେ ଭାରତୀୟ ରେଳବାଇରେ ଯନ୍ତ୍ରୀ ଭାବେ ମଧ୍ୟ କାର୍ଯ୍ୟ କରିଛନ୍ତି। ସେ ରାଜନୀତି ପାଇଁ ଚାକିରି ଛାଡ଼ିଥିଲେ।
Won
Lost
Lost
ସମ୍ବିତ ପାତ୍ର ବିଜେପିର ଜଣେ ଲୋକପ୍ରିୟ ଚେହେରା । ବିଜେପି ତାଙ୍କୁ ଜାତୀୟ ମୁଖପାତ୍ର ଭାବେ ଦାୟିତ୍ୱ ଦେଇଥିଲା । ୨୦୧୯ ସାଧାରଣ ନିର୍ବାଚନରେ ଓଡ଼ିଶାରେ ରାଜନୈତିକ କ୍ୟାରିୟର ଆରମ୍ଭ କରିଥିଲେ ସମ୍ବିତ । ସେ ୨୦୧୯ରେ ପୁରୀ ଲୋକସଭା ଆସନରୁ ପ୍ରାର୍ଥୀ ହୋଇଥିଲେ । କିନ୍ତୁ ୨୦୧୯ରେ ବିଜେଡି ପ୍ରାର୍ଥୀ ପିନାକୀ ମିଶ୍ରଙ୍କ ଠାରୁ କମ୍ ଭୋଟ୍ ବ୍ୟବଧାନରେ ପରାଜୟ ବରଣ କରିଥିଲେ ସମ୍ବିତ ପାତ୍ର ।
Won
Lost
Lost
ଧର୍ମେନ୍ଦ୍ର ପ୍ରଧାନ ନରେନ୍ଦ୍ର ମୋଦିଙ୍କ କ୍ୟାବିନେଟରେ ଜଣେ ମନ୍ତ୍ରୀ ଭାବେ କାର୍ଯ୍ୟରତ। ସେ ୨୦୦୦ ମସିହାରେ ପାଲଲହଡ଼ା ନିର୍ବାଚନମଣ୍ଡଳୀରୁ ନିର୍ବାଚିତ ହୋଇଥିଲେ ଏବଂ ୨୦୦୪ ମସିହାରେ ସେ ଦେଦଗଡ ଆସନରୁ ଲୋକସଭାକୁ ନିର୍ବାଚିତ ହୋଇଥିଲେ। ସେ ଶେଷ ଥର ପାଇଁ ୨୦୦୯ରେ ପାଲଲହଡ଼ା ଆସନରୁ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ। ୨୦୧୨ ଏବଂ ୨୦୧୮ରେ ସେ ଯଥାକ୍ରମେ ବିହାର ଏବଂ ମଧ୍ୟପ୍ରଦେଶରୁ ରାଜ୍ୟସଭାକୁ ନିର୍ବାଚିତ ହୋଇଥିଲେ।
Won
Lost
Lost
୧୯୬୧ ମସିହା ମାର୍ଚ୍ଚ ୨୨ରେ ଜନ୍ମଗ୍ରହଣ କରିଥିଲେ ଜୁଏଲ ଓରାମ । ସେ ପାଞ୍ଚ ଥର ପାଇଁ ଲୋକସଭାକୁ ନିର୍ବାଚିତ ହୋଇଛନ୍ତି । ଏକ ଆଦିବାସୀ ପରିବାରରୁ ଆସି ଜୁଏଲ ପ୍ରଥମେ ୧୯୯୮ରେ ସୁନ୍ଦରଗଡ଼ ଲୋକସଭା ଆସନରୁ ନିର୍ବାଚିତ ହୋଇଥିଲେ । ଏହାପରେ ସେ ଅଟଳ ବିହାରୀ ବାଜପେୟୀଙ୍କ ସରକାରରେ ଆଦିବାସୀ ବ୍ୟାପାର ମନ୍ତ୍ରଣାଳୟ ମନ୍ତ୍ରୀ ହୋଇଥିଲେ । କେବଳ ସେତିକି ନୁହେଁ ମୋଦି ସରକାରରେ ମଧ୍ୟ ବିଭିନ୍ନ ଦାୟିତ୍ୱରେ ରହି ସେ ବେଶ୍ ସଫଳତାର ସହ କାର୍ଯ୍ୟ ସଂପାଦନ କରିଛନ୍ତି।
LIVE TV