ହିଟ୍‌ରେ ସଲମାନ ଖାନ ଓ ଦିଶା ପାଟାନୀଙ୍କ 'ସିଟି ମାର୍'

ମୁମ୍ବାଇ: ସଲମାନ ଖାନ ଓ ଦିଶା ପାଟାନୀଙ୍କ ଫିଲ୍ମ ‘ରାଧେ: ଔର ମୋଷ୍ଟ୍ ୱାଣ୍ଟେଡ ଭାଇ’ର 'ସିଟି ମାର' ଗୀତ ଲୋକଙ୍କୁ ବହୁତ ପସନ୍ଦ ଆସିଛି। ସୋମବାର ଏହି ଗୀତ ୨୪ ଘଣ୍ଟା ମଧ୍ୟରେ ୩୦ ମିଲିୟନ୍ ଭ୍ୟୁ ପାଇଛି। ସଲମାନ ଓ ଦିଶାଙ୍କ ଉପରେ ଚିତ୍ରିତ ଏହି ଗୀତଟି ପ୍ରଥମେ ଅଲୁ ଅର୍ଜୁନ ଓ ପୂଜା ହେଗଡେ ଫିଲ୍ମ 'ଡିଜେ'ରେ ସୁଟିଂ କରାଯାଇଥିଲା। ଏହି ଗୀତଟି ବହୁ ଚର୍ଚ୍ଚିତ ହୋଇଥିବାରୁ ଚଳଚ୍ଚିତ୍ର ନିର୍ମାତା ଏକ ଭିଡିଓ ଜାରି କରି ନୃତ୍ୟର ସୁଟିଂକୁ ଦର୍ଶାଇଛନ୍ତି।

ଏହି ଗୀତକୁ କମଲ ଖାନ ଓ ଲୁଲିଆ ବନ୍ତୁର ଗାଇଛନ୍ତି। ଦେବୀ ଶ୍ରୀ ପ୍ରସାଦ (ଡିଏସପି) ଏହି ଗୀତ ରଚନା କରିଛନ୍ତି। ଲୋକପ୍ରିୟତା ହେତୁ ଏହି ଗୀତ ଏକ ପାର୍ଟୀ ଗୀତରେ ପରିଣତ ହୋଇଛି। ଗୀତ ରିଲିଜ୍ ହେବା ପରଠାରୁ ପ୍ରଶଂସକମାନେ ସଲମାନ ଓ ଦିଶାଙ୍କ ସମ୍ବେଦନଶୀଳ ଦୃଶ୍ୟକୁ ବେଶ ପସନ୍ଦ କରୁଛନ୍ତି। ଗୀତଗୁଡ଼ିକର କୋରିଓଗ୍ରାଫି ପ୍ରଶଂସକଙ୍କୁ ବହୁତ ଭଲ ଲାଗିଛି। ହିପ୍-ହପ୍ ସହିତ କ୍ଲାସିକ୍ ସାଉଥ୍ ଷ୍ଟାଇଲରେ ନାଚ ଦର୍ଶକଙ୍କୁ ବହୁତ ମୁଗ୍ଧ କରିଛି। ଏହା ଅଭିନେତାଙ୍କ ପୂର୍ବ ଲୋକପ୍ରିୟ ଗୀତ ପରି ଭାଇରାଲ ହେବାରେ ଲାଗିଛି। ଦିଶା ମଧ୍ୟ ନିଜର ଦମଦାର ପ୍ରଦର୍ସନରେ ଦର୍ଶକଙ୍କୁ ନାଚିବାକୁ ବାଧ୍ୟ କରିଛନ୍ତି। ଖାଲି ସେତିକି ନୁହେଁ ଅଭିନେତ୍ରୀଙ୍କ ଗ୍ଲାମରସ୍ ଲୁକ୍ସ ବି ପ୍ରଶଂସକଙ୍କୁ ବେଶ ଆକର୍ଷିତ କରୁଛନ୍ତି।

ଏହି ଗୀତକୁ ହିଟ୍ କରିବା ପାଇଁ ସଲମାନ ଏବଂ ଦିଶା କୌଣସି ବି ଦିଗକୁ ହାତଛଡା କରି ନାହାନ୍ତି। ସେହିପରି ପ୍ରଭୁଦେବାଙ୍କ ନିର୍ଦ୍ଦେଶନାରେ କୋରିଓଗ୍ରାଫର ଶେଖ ଜାନି ବାଶା ଓରଫ୍ ଜାନି ମାଷ୍ଟର ବି ଚମତ୍କାର କାମ କରିଛନ୍ତି। ତିନି ମିନିଟର କ୍ଲିପ୍‌ରେ ପ୍ରଭୁ ଏବଂ ତାଙ୍କ ଟିମ୍ ସଲମାନ ଓ ଦିଶାଙ୍କ ସହ ରିହର୍ସାଲ କରୁଥିବା ନଜର ଆସନ୍ତି। ଗୀତର ସୁଟିଂ ସମୟରେ ସଲମାନ ସମସ୍ତଙ୍କ ପ୍ରିୟ ଥିଲେ। ସେ କହିଛନ୍ତି ଯେ 'ସିଟି ମାର' ବହୁତ ଭଲଭାବେ ଚିତ୍ରିତ ହୋଇଛି। ଏ ସବୁ କେବଳ ପ୍ରଭୁଦେବାଙ୍କ ବୋଲି ସଲମାନ କହିଛନ୍ତି।

କୋରିଓଗ୍ରାଫର-ନିର୍ଦ୍ଦେଶକ ଏହା ପରେ ପ୍ରକାଶ କରିଥିଲେ ଯେ ସେ ଚାହୁଁଥିଲେ, ସଲମାନ ଓ ଦିଶା ଏଭଳି ନୃତ୍ୟ କରନ୍ତୁ ଯେ ସତେଓପରି ସେମାନେ ନମ୍ବର ୱାନ ଡ୍ୟାନ୍ସର୍। ଦିଶାଙ୍କ ବିଷୟରେ କହିବାକୁ ଯାଇ ପ୍ରଭୁ କହିଛନ୍ତି ଯେ ଦିଶା ନାଚିବାକୁ ପସନ୍ଦ କରନ୍ତି, ତେଣୁ ସେ ଉଭୟ ସାଉଥ୍ ଷ୍ଟାଇଲ୍ ଏବଂ ହିପ୍ ହପ୍ ଏକାଠି ଚେଷ୍ଟା କରିବାକୁ ଚାହୁଁଥିଲେ। କିନ୍ତୁ ଦିଶା କହିଛନ୍ତି ଯେ ପ୍ରଭୁଦେବା ଜଣେ କିମ୍ବଦନ୍ତୀ କଳାକାର ହୋଇଥିବାରୁ ସେ ତାଙ୍କ ଆଗରେ ଅଭିନୟ କରିବାକୁ ଡରୁଥିଲେ।

ଶେଷରେ, ସଲମାନ ଗୀତର ରଚନା ଡିଏସପିଙ୍କୁ ପ୍ରଶଂସା କରିଥିଲେ। ଏହି ଗୀତ ବିଷୟରେ ପ୍ରଭୁ ମନ୍ତବ୍ୟ ଦେଇଛନ୍ତି ଯେ ଲୋକମାନେ ଏହି ଗୀତ ଦେଖିବାକୁ ଚାହୁଁଛନ୍ତି। ପ୍ରଭୁ ମଧ୍ୟ ପ୍ରକାଶ କରିଛନ୍ତି ଯେ ଦିଶାଙ୍କୁ ଡମ୍ବୁଲ ପରି ଉଠାଇବା ସଲମାନଙ୍କ ଚିନ୍ତାଧାରା ଥିଲା, ଯାହା ଏହି ଗୀତକୁ ବହୁ ଆଗକୁ ନେଇଯାଇଥିଲା।