ଭିକି କୌଶଲ୍-କ୍ୟାଟ୍ରିନା କୈଫଙ୍କ ଡେଟିଂ : ଖୁଲାସା କଲେ ହର୍ଷବର୍ଦ୍ଧନ

ମୁମ୍ବାଇ: ବଲିଉଡ ଅଭିନେତା ଭିକି କୌଶଲ ଓ କ୍ୟାଟ୍ରିନା କୈଫଙ୍କ ସମ୍ପର୍କ ବହୁତ ମଜବୁତ ହେବାରେ ଲାଗିଛି। ସେ ହୁଏତ ଏହା କହୁ ନାହାଁନ୍ତି, କିନ୍ତୁ ବି-ଟାଉନ୍ କରିଡରରେ ଏହାର ଚର୍ଚ୍ଚା ଜୋର ଧରିଛି। ଉଭୟ ଏ ପର୍ଯ୍ୟନ୍ତ ସେମାନଙ୍କ ସମ୍ପର୍କ ସମ୍ପର୍କକୁ ନେଇ କୌଣସି ଅଫିସିଆଲ୍ ବିବୃତ୍ତି ଦେଇ ନାହାଁନ୍ତି। କିନ୍ତୁ ଉଭୟଙ୍କ ଭାଇରାଲ ଫଟୋ ପ୍ରାୟତଃ ଲୋକଙ୍କ ମନରେ ସନ୍ଦେହ ସୃଷ୍ଟି କରିଛି।

ଭିକି ଓ କ୍ୟାଟ୍ରିନାଙ୍କ ସମ୍ପର୍କକୁ ନେଇ ଗତ କିଛି ମାସ ଧରି ଗୁଜବ ପ୍ରଚାରିତ ହୋଇଆସୁଛି। କିନ୍ତୁ ବର୍ତ୍ତମାନ ବଲିଉଡର ଜଣାଶୁଣା କଳାକାର ଅନିଲ କପୁରଙ୍କ ପୁଅ ତଥା ଅଭିନେତା ହର୍ଷବର୍ଦ୍ଧନ କପୁର ଏ ବାବଦରେ ଏକ ବଡ଼ ଖୁଲାସା କରିଛନ୍ତି। ନିକଟରେ ହର୍ଷବର୍ଦ୍ଧନ କପୁର ଜୁମ୍ ଚାଟ୍ ସୋ ‘ବାଏ ଇନଭାଇଟ୍ ଓନ୍‌ଲି’କୁ ଏକ ସାକ୍ଷାତକାର ଦେଇଥିଲେ, ଯେଉଁଥିରେ ସେ କ୍ୟାଟ୍ରିନା କୈଫ ଓ ଭିକି କୌଶଲଙ୍କ ସମ୍ପର୍କ ବିଷୟରେ କହିଛନ୍ତି।

ଶୋ’ରେ ରାପିଡ୍ ଫାୟାର୍ ରାଇଡ୍ ଖେଳିବାବେଳେ ହର୍ଷବର୍ଦ୍ଧନ କପୁରଙ୍କୁ ପଚରାଯାଇଥିଲା ଯେ ଇଣ୍ଡଷ୍ଟ୍ରିରେ ଏମିତି କଣ ଗୁଜବ ରହିଛି, ଯାହା ତାଙ୍କୁ ସତ ବୋଲି ଲଗୁଛି। ଏହି ପ୍ରଶ୍ନର ଉତ୍ତର ରଖି ହର୍ଷବର୍ଦ୍ଧନ କହିଛନ୍ତି ଯେ “ଭିକି କୌଶଲ ଓ କ୍ୟାଟ୍ରିନା କୈଫ ଏକାଠି ଅଛନ୍ତି ଏବଂ ଏହା ସତ।” ଏହା କହିବା ପରେ ହର୍ଷବର୍ଦ୍ଧନ ଆହୁରି କହିଛନ୍ତି, “ମୁଁ ଏଥିପାଇଁ ଅସୁବିଧାରେ ପଡ଼ିବି କି? ବୋଧହୁଏ।”

ପ୍ରକାଶ ଥାଉଯେ ୨୦୧୯ ମସିହାରେ ଭିକି କୌଶଲ କ୍ୟାଟ୍ରିନା କୈଫ୍‌ଙ୍କ ଘରେ ରାତ୍ରୀ ଭୋଜନ ସମୟରେ ଏକାଠି ନଜର ଆସିଥିଲେ। ଏହି ସମୟରେ, ସେମାନଙ୍କର ଫଟୋ ଭାଇରାଲ ହୋଇଥିଲା ଏବଂ ସେବେଠାରୁ ଉଭୟଙ୍କ ବିଷୟରେ ଗୁଜବ ଉଠିଥିଲା।

ପ୍ରଥମ ଥର ପାଇଁ ଏପରି ହୋଇଛି ଯେ ଜଣେ ଅଭିନେତା କ୍ୟାଟ୍ରିନା ଓ ଭିକିଙ୍କ ସମ୍ପର୍କ ଉପରେ ମୁହଁ ଖୋଲିଛନ୍ତି। ବର୍ତ୍ତମାନ ସେମାନଙ୍କ ପ୍ରଶଂସକମାନେ ଏହି କଥାକୁ ସେମାନଙ୍କ ମୁହଁ ଶୁଣିବାକୁ ଅନେଇ ବସିଛନ୍ତି।

କ୍ୟାଟ୍ରିନା କୈଫ୍ ୨୦୧୮ରେ କରଣ ଜୋହରଙ୍କ ଶୋ “କଫି ଉଇଥ୍ କରଣ”ରେ କହିଥିଲେ ଯେ ଭିକି କୌଶଲଙ୍କ ସହ ସେ ପରଦାରେ ଭଲ ଦେଖାଯିବେ। ଆପଣ ଜାଣି ରଖନ୍ତୁ ଯେ କ୍ୟାଟ୍ରିନା କୈଫ ଖୁବ୍ ଶୀଘ୍ର ସିଦ୍ଧାନ୍ତ ଚତୁର୍ବେଦୀ ଓ ଇଶାନ ଖଟ୍ଟରଙ୍କ ସହ ‘ଫୋନ୍ ବୁଥ୍’ରେ ନଜର ଆସିବେ।

ଏହା ସହିତ ସେ ଖୁବ ଶୀଘ୍ର ଅନ୍ୟ ଏକ ଫିଲ୍ମ ‘ସୂର୍ଯ୍ୟବଂଶୀ’ରେ ମଧ୍ୟ ନଜର ଆସିବେ। ଏହି ଚଳଚ୍ଚିତ୍ରରେ ସେ ଅକ୍ଷୟ କୁମାରଙ୍କ ସହ ମୁଖ୍ୟ ଭୂମିକାରେ ନଜର ଆସିବେ।

ଅନ୍ୟପକ୍ଷରେ ଭିକି କୌଶଲ ଖୁବ୍ ଶୀଘ୍ର ‘ସର୍ଦ୍ଦାର ଉଦ୍ଧମ୍ ସିଂ’ ଓ ‘ଅଶ୍ୱଥାମା’ ଭଳି ଚଳଚ୍ଚିତ୍ରରେ ନଜର ଆସିବେ।

ସେହିପରି ହର୍ଷବର୍ଦ୍ଧନ କପୁର ମଧ୍ୟ ନେଟଫ୍ଲିକ୍ସ ଆନ୍ଥୋଲୋଜି ‘ରାୟ’ରେ ଦେଖାଯିବେ, ଯାହା ସତ୍ୟଜିତ୍ ରାୟଙ୍କ କାହାଣୀ ଉପରେ ଆଧାରିତ।