/odishatv-khabar/media/media_files/2025/11/22/humane-sagar-justice-2025-11-22-15-15-33.jpg)
Humane-Sagar-Justice Photograph: (OTV)
କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ମୃତ୍ୟୁକୁ ନେଇ ବିବାଦ ଥମିବାର ନାଁ ଧରୁନି। ପଇସା ପାଇଁ ହ୍ୟୁମାନଙ୍କୁ ୟୁଜ କରାଯାଉଥିଲା। ଦେହ ଖରାପ ସତ୍ୱେ ଚିକିତ୍ସା ନକରାଇ ଷ୍ଟେଜ ଶୋ କରିବାକୁ ବାଧ୍ୟ କରାଯାଉଥୁଲା। ହ୍ୟୁମାନ ସାଗରଙ୍କ ମୃତ୍ୟୁ ପରେ ତାଙ୍କ ମ୍ୟାନେଜରଙ୍କ ବିରୁଦ୍ଧରେ ଏମିତି କିଛି ଅଭିଯୋଗ କରିଥିଲେ ହ୍ୟୁମାନଙ୍କ ମାଆ। ଏବେ ସେହି ସମାନ ଅଭିଯୋଗକୁ ଦୋହରାଇଛନ୍ତି ପୂର୍ବରୁ ତାଙ୍କ ଟିମରେ ଆଙ୍କର ଭାବେ କାମ କରୁଥିବା ଲିଜା। ଆଉ ମ୍ୟାନେଜର ଦିନେଶଙ୍କ ବିରୋଧରେ ବର୍ଷିଛନ୍ତି। ଏହା ସହ ସେ ଅନେକ ଖୁଲାସା ମଧ୍ୟ କରିଛନ୍ତି।
ହ୍ୟୁମାନଙ୍କ ସାଙ୍ଗରେ ଅନ୍ୟ ଟିମ୍ ସଦସ୍ୟମାନଙ୍କୁ କଥା କରାଇ ଦେଉନଥିଲେ ମ୍ୟାନେଜର୍। ଏପରିକି ଗୋଟିଏ ଶୋରେ ତାଙ୍କ କାମର ପ୍ରଶଂସା କରି ହାତ ମିଳାଇଥିଲେ ହ୍ୟୁମାନ। ହେଲେ ପରେ ଚକ୍ରାନ୍ତ କରି ଟିମରୁ ତାଙ୍କୁ ବାହାର କରାଯାଇଥିବା ଲିଜା ଅଭିଯୋଗ କରିଛନ୍ତି। ଗୋଟିଏ ଟିମ୍ ହ୍ୟୁମାନ ସାଗରଙ୍କୁ କବ୍ଜା କରି ରଖିଥିଲେ ବୋଲି କହିଛନ୍ତି ଲିଜା। ନିଜ ସ୍ୱାର୍ଥ ପାଇଁ ହ୍ୟୁମାନ ସାଗରଙ୍କୁ ମାରି ଦିଆଯାଇଥିବା ସେ ଅଭିଯୋଗ କରିଛନ୍ତି।
ସେହିପରି ହ୍ୟୁମାନଙ୍କ ମାଆଙ୍କୁ ତାଙ୍କ ମ୍ୟାନେଜର ଦିନେଶ ଗାଳି ଦେଉଥିବା ଭିଡ଼ିଓକୁ ନେଇ ପ୍ରତିକ୍ରିୟା ରଖିଛନ୍ତି ଲିଜା। ଭିଡ଼ିଓ ଦେଖି ତାଙ୍କ ରକ୍ତ ଗରମ୍ ହୋଇଗଲା ବୋଲି କହିଛନ୍ତି। ମ୍ୟାନେଜର ପାଖରେ ମାନବିକତା ବୋଲି କିଛି ନାହିଁ। ପୁଅର ମୃତ୍ୟୁ ପରେ ଭାଙ୍ଗି ପଡ଼ିଛନ୍ତି ମାଆ। ସେଭଳି ସ୍ଥଳେ ତାଙ୍କୁ ଶାନ୍ତ ନକରାଇ ଗାଳି ଦେବା କେତେ ଠିକ ବୋଲି ସେ ପ୍ରଶ୍ନ କରିଛନ୍ତି। ତୁରନ୍ତ ମ୍ୟାନେଜରଙ୍କୁ ଆରେଷ୍ଟ କରାଯିବା ଦରକାର ବୋଲି ଲିଜା ଦାବି କରିଛନ୍ତି।
ସ୍ୱାର୍ଥ୍ୟ ପାଇଁ ହ୍ୟୁମାନଙ୍କୁ ବ୍ୟବହାର କରୁଥିଲେ ତାଙ୍କ ମ୍ୟାନେଜର। ହ୍ୟୁମାନଙ୍କ ମାଆଙ୍କ ଭଳି ସମାନ ଅଭିଯୋଗ ଆଣିଛନ୍ତି ଲିଜା। ତେବେ ଏ ସଂପର୍କରେ ସଂପୃକ୍ତ ମ୍ୟାନେଜରଙ୍କ ପ୍ରତିକ୍ରିୟା ମିଳିପାରି ନାହିଁ ।
New Labour Laws: ଶ୍ରମ କ୍ଷେତ୍ରରେ ସଂସ୍କାର: ବର୍ଷେ କାମ କଲେ ଗ୍ରାଚ୍ୟୁଇଟି, ସ୍ଥାୟୀ କର୍ମଚାରୀଙ୍କ ଭଳି ମିଳିବ ସମାନ ଦରମା

Low-Pressure Likely to Intensify: ୨୪ ଘଣ୍ଟାରେ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ସମ୍ଭାବନା

Emotional Scenes at Srimandir: ମହାପ୍ରଭୁଙ୍କ ଅଲୌକିକ ମହିମା! ବାପାର ଡାକ ଶୁଣିଲେ.. ପୁଅକୁ କୋମାରୁ ଉଠାଇଦେଲେ

Tragic Incident: କାଳ ହେଲା ସଢେଇ ଖେଳ; କୀଟନାଶକ ଖାଇଦେଲେ ୩ ଶିଶୁ

/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)

/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)